صمت الجروح

صمت الجروح @smt_algroh

سفيرة التجارب

ريحة فروة شعرك مو ريحة شعرك انتبهي!/// منقول

العناية بالشعر


بسم الله الرحمن الرحيم


السلام عليكم ورحمة الله وبركاته


رائحة جسمك وملابسك الرائعة لابد ان يتماشى معها رائحة شعرك

طيب رائحة شعرك الجميلة من وين تجي؟؟

وش يتقولون؟
شامبو ريحته حلوة؟
خمرية؟
بخور؟
:26:
التعطير للشعر يجي بعد العلاج والقضاء على جذور المشكلة:22:

بقولكم قبل كذا ، رائحة شعرك تبدأ من رائحة الفروة نفسها!!

لاتقولون ماتبيّن !!

إذ حدث لي موقف نبهني لرائحة فروة الشعر وكيف ممكن تنسف كل أناقتك ونظافتك وهو إننا بعد عطلة طويلة أيام الجامعة مع بدء الدراسة تبادلنا السلام مع زميلاتي وكانت إحداهن في كامل اناقتها وهي ذات شعر جميل وطويل
فكانت مسشورة شعرها وفاكته ولما قربت مني وسلمت علي وانسدل شعرها علي يالله يالريحة لاتوصف من كثر ماهي مقرفة حسيت بقرف من زميلتي وعطاني انطباع سيء عنها رغم إني أعرفها وأعرف نظافتها الريحة تشبه ريحة شعر الرجال لما يطولون ماغسلوا شعورهم.

ومرة سشورت شعر أختي وتوها متروشة ياويلي يالقرف ماكأنها غاسلة شعرها وقلتلها على السبب وهو إنه الفروة ماتنظفت من زمان.

عشان كذا لازم تكون ريحة الفروة وافرازاتها ذات رائحة عطرة حتى لما تطولين ماغسلت شعرك أو يزيت لازم ماتطلع له ريح تشبه ريحة راس وشعر الرجال لما يطولون عن الترويش وانتبهي الشامبو أبداً مايحسن ريحة افرازات الفروة .
طيب كيف تعرفين إن ريحة فروتك كويسة أو لا

سوي اختبار الفروة!!

عن طريق تدليك فروة رأسك بأطراف اصابعك بعدين شمي واخيرً احكمي او خلي اختك تحكم (يله الحين سويه)
وبالنسبة للي يحطون حنا مابين فترة والأخرى ماعندهم المشكلة هذي اما اللي تصبغ وما تقدرتقرب للحنا عندها السدر والبلالة ....(تعرفونها) فالحنا معروف مفعولها المطهرللفروة والمزيل للقشرة والسدر برضه منظف للفروة

والطريقة إنك تعجنين السدر بالموية وإذا عند ك بلالة(ممكن تستغنون عنها) اخلطي معة شوية ملعقة صغيرة يعني لاتكثرين لأن ريحتها إذا صارت قوية تصير بلدي مرة وتحسين نفسك من عجز اول الله يجزاهن الجنة لكن على أيامهن كانت هذي قمة الأناقة ولماتعجنين السدر تحطينه على شعرك وحاولي تدهنين الأطراف قبله لأنه يجفف الشعروادعكي الفروة وخليه لين مايجف عشان يلتقط كل الدهون المتراكمة عليها والشوائب اللي فيها

بعدين احسن واسهل مافي الموضوع انه الفروة تبقى لفترة طويلة ريحتها نظيفة يعني أكثر من شهر يعني ماتتكاسلين او تقولين يوه ماعندي وقت والحين انا اكتب الموضوع وعلى شعري سدر معجون بمغلي قرنفل وبابونج احب ريحتهم البابونج والقرنفل ولو كنت عند امي كان حطيت من بلالتها

ودايما سوي الاختبار ترى ياحريم فشيلة خصوصا المتزوجات .

عاد الشعر سهل تعطيره بخور وهو رطب عشان تبقى الريحة لفترة طويلة أوخمرية أتمنى أكون أفدتكم
ونبهتكم لشي جديد.

منقوووووووووول للأهمية :22:

وسلامتكم
48
16K

هذا الموضوع مغلق.

فراوله بشوكليت


وعععععععععع خخخخخخخخ


شكرا ع النقل
فراولة بالشوكلاته
صدقتي
وربي انا لمن تقرب مني وحده من البنات واشم ريحة فروتها اتقررف منها
بس احس انو البنت نفسها ماتدري

وعندي اقتراح
بالنسبة للي مايقدر يحطو حنة او سدر لانو شعرهم جاف
اتوقع بيفيدهم الروب مع شوية ليمون ,,

والله اعلم
ملاك الخرج
ملاك الخرج
يعطييييييييييك الف عافيه

موضوع راائع ...................ومشكوووره ع النصيحه المهمه الله يجزاك كل خيير
zain...21
zain...21
شكراً حبيبتي والله يعطيك العافية






اللهم عليكـ توكلت فارزقني واكفني
ونجني مما يؤذيني أنت حسبي
ونعم الوكيل اللهم أرضني بقضائكـ
وقنعني بعطائكـ واجعلني من أوليائكـ
m!ss so0so0
m!ss so0so0
جزاك الله خير ع الموضوع ,,