مرحبا خواتي الغاليات
حبيت اشارككم في تجربتي اللي بديت فيها من شهر ونص تقريبا
انا متصفحه دايمه للمنتدى حتى لو ماكنت اشارك وايد
بس احب اقرا مواضيع البنات وآخذ منها اللي يفيدني
انا كسوله درجه اولى واستحق مرتبة الشرف في الكسل
وبالذات بعد ماتزوجت صرت ماقدر احط خلطات وانتوا تعرفون ليش بالذات اللي فيها ريحه
طولت عليكم
خلنا ندخل في الموضوع
بما إني شرات ماقلتلكم كسوله خذت اسهل شي وطبقته على نفسي والنتيجه ممتازه ولله الحمد
حق بشرتي:
استخدم حلبه مطحونه مع ماي ورد واخليها على ويهي نص ساعه
صراحه ريحتها تلوع الجبد بس على قولتهم اللي يبا الحلو يصبر على مره
بس اسويها في وقت اعرف ان ريلي بيغيب فيه فتره طويله يعني 3 ساعات
البنات يقدرون يستخدمونها إذا مابيظهرون... والمتزوجات لا تسوونها ورياييلكم في البيت
الريحه ماتخوز بسرعه تاخذ وقت لا تقولون إني ماخبرتكم
النتيجه تبين من اول مره وبتتفاجئين من اللي بتشوفينه ولا بتصدقين
اغسل ويهي دايما بماي ورد بارد... كل مادخلت اتسبح او اغسل ويهي على طول احط ماي ورد عقب على ويهي اخليه ينشف روحه... دايما انظف ويهي بالاسكينول... واسوي بخار مره في الاسبوع او مره كل اسبوعين على حسب الظروف
والنتيجه الكل لاحظ الفرق في اقل من شهر والكل يسألني ليش ويهج استوى مورد ومنور
حق شعري:
استخدم زيت بارشوت واخليه ساعتين... وعندي طاقيه مال البخار بس مب دايما استخدمها (قلتلكم كسوله)... استخدم الزيت يوم وترك... بعد ما اغسل شعري استخدم بلسم اللي بالفواكه والله نسيت اسمه.. انا مب في البيت ولا جان شفتلكم الاسم وكتبته... عقب إن شاء الله بحط اسمه... مره في الاسبوع حمام زيت مع بخار
حق جسمي:
اسوي حمام مغربي كل اسبوع تقريبا وكل يوم ادهن جسمي بزيت جونسون للأطفال
جربت استخدم كريم جلوسليد بس حسيته ثجيييييييييييييل وما اقدر ادهن به جسمي بسهوله
بس إن شاء الله ناويه اجربه ويا الليمون واشوف النتيجه
بس ها كل اللي اسويه... برنامج سهل جدا ومريح ونتايجه فعاله....
اتمنى اكون افدتكم
تحياتي
دلة المزايين @dl_almzayyn
محررة ذهبية
يلزم عليك تسجيل الدخول أولًا لكتابة تعليق.
الله يعطيك الهمه وتستمري .... وبجرب الحلبه مع مااي الورد وبدعيلك ان شاءالله .....الله يعطيك الهمه وتستمري .... وبجرب الحلبه مع مااي الورد وبدعيلك ان شاءالله .....
يزاج الله ألف خير
ومشكوره حبيبتي على مرورج
ومشكوره حبيبتي على مرورج
يزاج الله ألف خير ومشكوره حبيبتي على مرورجيزاج الله ألف خير ومشكوره حبيبتي على مرورج
الله يعطيك العافية
تسلمين يالغلا هذا من ذوووووقك الله لايحرمك الاجر..تسلمين يالغلا هذا من ذوووووقك الله لايحرمك الاجر..
sweetgirl2005 & قلبٌ أدمته الجراح
مشكورات خواتي على المرور... شرفتوا موضوعي
مشكورات خواتي على المرور... شرفتوا موضوعي
الصفحة الأخيرة
وبجرب الحلبه مع مااي الورد وبدعيلك ان شاءالله .....