ريحــــــة ولـــدي

يمكن فيه قشره بشعره نظفية بزيت ومشط
او الحليب ينزل على رقبته ويخمج لأن رقبة الطفل ثنياتها كثيرة
والمنطقة الحساسة نظفيها زين يمكن يبقى شيء تحت ما تشوفينه ونشفيها زين من المويا بعد الترويش وترى بامبرز ريحتها شينه

والله ياقلبي ماخليت طريقه احط له مناديل لما ارضعه وانظفه من تحت بـ شامبو الاطفال يوميا

اما القشره الحمدلله ماعنده قشره بشعره ابد
بس مدري وش سالفته..؟

اجل يمكن انه من النوع اللي عرقه براسه وترى يطلع ريحه حتى لو تسبحينه وارجع واقول تأكدي ان ما فيه قشرة تراها بالاطفال لاصقه ما توضح الا لما تحيكنها بيدك تطلع بس مو مثل قشرة الكبار لا لونها مثل لون فروة الراس
يمكن اخوانه ما يعرقون براسهم عشان كذا مالهم ريحة
وجربي معطرات خفيغة وقبل ما تطلعين روشيه قبل الطلعه بشوي واستخدمي شامبو ريحته حلوة

فعلا عرقه براسه والله اني ارفعه من فراشه وريحة مخدته شييينه
بس مافيه قشره واصلا مافيه شعر لاني حلقته على الصفر من اسبوعين...

فص الماس ..اسأل الله العظيم رب العرش العظيم ان يرزقك ماتتمنين عاااجلا غير اجلا قولي امييييين

امين يارب العالمين
ترى بنتي مثل حالة ولدك بس بنتي من القشرة عشان كذا توقعت انها منها وبعد بسم الله عليها راسها مرة يعرق يوم اقومها من النوم كأنها متسبحة من العرق
فانتي استمري على تسبيحه يوميا ومخدته اغسليها وبعدين حطي عليها داوني الازرق ريحته تجنن وتثبت وخلي عندك كم مخدة تبدلين بينهم عشان اذا سبحتيه ما ترجع له الريحة من المخدة
وولا تخلين راسه مغفوص بالمفرش والمخدة عشان ما يعرق
وانا اسوي طريقة بس ما انصحك فيها
اذا سبحت بنتي بطرف اصبعي وامسح من تولة خمرية الماجد للشعر وافرك فيها راس بنتي وهو رطب طبعاً بعد ما نظفت القشرة عن راسها زين ومن بعدها اذا عرقت تفوح ريحة الخمرية تجيب العافية
لدرجة عمتي ام زوجي تدفن خشمها براس بنتي من حلاة الريحة ما شاء الله
واذا سبحتها من بكرة تفوح ريحة الخمرية ولا ارجع احطها الا بعد 3 ايام
وترى اذا كبر تروح الريحة لا تخافين انا كنت مثلك انحرج بس اسبحها اذا بغيت اطلع على طول مع اني انظفها وحريصة على نظافتها
الحمد لله ارتحت عقبال ما ترتاحين انتي بعد يارب