ريحه مافي كويس = ولاده ميه ميه

ريحه مافي كويس = ولاده ميه ميه,,,,,,,,,,,,,,ريحه كويس= ولاده مافي ميه ميه


السلام عليكم ورحمة الله وبركاته بعد انقطاع طويييييييييييييييييييييل رجعت لكم بحاجه ضحكتني ولفتت انتباهي في نفس الوقت وقلت يابنت مالك الا راي امك انا ولادتي بعد شي شهر ونص باذن الله وامي تتوعدني وتقول ابحط لك>>>>>> كبو <<<<<<<<
اللي ماتعرفه هو اعشاب ومره وخرابيط كثيره تحط على جمر بعدين توقف عليه اللي تبي تولد يعني عند الطلق او للشمم...........
المهم انا معارضه ورافضه هالشي لان ريحته تقطع القلب واللي اسمع ان الدكتورات والممرضات يتضايقون من ريحة اللي يولدن وفيهن هالريحه ويجلسن يهاوشن ويفشلن الوحده,,,,واختكم في الله خايفه على مشاعر الكادر الطبي لا حبا فيهن بل خوفا منهن انهن يعصبن ويحطن حرتهن فيني:16: لان ريحتي وععععععععععععععععع
ووالله معذورات ....

لكن سمعت من احد قريباتي راحت مع اخته اللي تبي تولد تقول فيه ممرضه كبيره في السن وباين عليها انها من زمان في هالمستشفى قالت لي حرمه يبغى ولاده ريحه كويس ولاده مافي ميه ميه تقصد اللي تجي ريحته عود وبخور وعطورات ...وريحه مافي كويس ولاده ميه ميه وتقصد طبعا اللي تجي وهي متكبيه وشاربه مره ويمكن تجي وبيده حلتيته تشمه يعني تجي وريحتها ياسلام سلم.........:D

ومن هالمقوله اقتنعت اشد الاقتناع ونويت مااروح باذن الله الا واناريحتي مو تقطع القلب الا وتموت اللي يمر من جنبي:icon28: .....اهم شي تسهل ولادتي


هاااااااااااااه وانتم وش رايكم,,,,,