ريحولي بالي الله يريح بالكم..............

السلام عليكم.. اول شي اسفة كتير عل اطالة وانو افكاري مش مرتبة يا ريت تتحملوني..

يا جماعة أنا طالبة بالجامعة.. محجبة... وما عمري حكيت مع شباب ولا بعرف اتعامل معهم اصلا..
وأنا مو مدحا في حالي والله.. بس أنا شكلي حلو كتير وهاد الحكي مو مني من الناس اللي حوالي..
هلا معنا شب في الدفعة.. كان عم يطلع فيي نظرة اعجاب مع ابتسامة وانا ما عبرتو ولا كإنو موجود.. ضليت ماشية.. بعدها صار يمر من جنبي وكلو نظرات حقد بتخوف.. أنا بتجاهلو وما بعبرو متلو متل غيرو..

هلا بعدها كان في زميل تاني (طلع صاحب الاولاني) عم بطلع وانا ما بعبرو برضو.. وكان يستنى عباب المحاضرة.. أو بطلع من التواليت بلاقيه عل باب.. كنت أحس فيه واعمل حالي مش شايفتو.. بس أنا من جوا صرت أفكر فيه وقلت لصاحبتي عنو وانو كيف انا كسفتو وهي صارت تحكيلي هاد اكيد قصدو شريف وانت ما كان لازم تعملي هيك.. الشيطان وهي لعبو بعقلي وحطيت براسي انو هو منيح وبدو الخير وانا كسفتو .. رحت تاني يوم قبل المحاضرة اطلعت عليه.. وهو ما صدق راح قعد قريب مني... بعدها صرت احس كل صحابو عم يطلعو علي ومرة جاي هو وواحد من صحابو بدو يحكي معي بستنى فرصة هلا أنا رحت بسرعة دحشت حالي بين صحباتي مشان ما ييجي يحكي معي لاني عرفت حالي غلطانة وما كان لازم اطلع فيه.. وأصلا انا ما الي بهيك شغلات.. فرجعت أكسفو وما أعبرو متل أول.. فحقد علي متل صاحبو..

هلا صاحبو اللي حكيت عنو بأول الموضوع صار لما يمر من جنبي يطلع علي بشكل واضح وقدام صحابو وكإنو بقول وقعتي وما حدا سمى عليكي.. ابصر شو بكدب وبزيد حكي عني..

(( شغلة تانية حاسة انو لازم أحكيها هي انو معنا زميل كمان كتير كنت أحسو طيب ومؤدب ومسكين ومالو بحركات الشباب.. أخد مرة معنا لاب واجا وجهي بوجهو وابتسم معي وانا لفيت وجهي.. تضايقت لانو كسفتو بس شو يعني اعمل انا دغري بلف وجهي لا اراديا..وأنا قلت لحالي بكون جرحتلو مشاعرو وبفكرني متكبرة عليه.. مرة كان في عنا احتفال صغير وكان هو مشارك.. انا والله والله بحترمو بس ما في جواتي مشاعر اتجاهو يعني معتبريتو متل اخوي وهو اصلا بشع.. انا في الاحتفال كنت مبتسمة ابتسامة خفيفة وكنت عم بطلع عليه هو شافني ما صدق همي ما بفكرو زي ما احنا منفكر.. أنا هبلة ما كنت فاهمة انهم هيك.. هلا بعد هاي القصص صرت اشوفو مع هدول الشباب اللي بحكو وبتهامسو لما امرق.. بفكروني عم ببتسم لكل الشباب وابصر شو بحكو))


هلا انا كتير متضايقة لانو هيك صار وندمانة... ولانو بعد ما كان الشباب في دفعتنا احسهم بحترموني هلا بحسهم لما بشوفوني بسيروا يتوشوشوا ويطلعو ويتهامسوا ويضحكوا.. حياتي صارت مشلولة وكل حركة محسوبة علي هلا.. شو المفروض أعمل أنا مشان تمشي حياتي طبيعي... وهيك تشوهت سمعتي يعني؟؟
أنا كتير متضايقة وخايفة لاني مو قد هيك شغلات واتفه الامور بتضايقني فكيف هاي الامور.. وبعدين أنا شو أعمل ازا كان الكل هيك عم يطلع وانا ما بعبر حدا والله صاروا يكرهوني كلهم وبفكروني شايفة حالي وهلا الشاطر اللي بدو يحكي..

الله لا يوفقهم ولا يوفق البنت اللي حكيتلها.... أصلا اكبر غلط هو الجامعات المختلطة وأكبر غلط انو البنت تحط ببالها النية السليمة عند الشباب.. وانا بعرف اني بستاهل البهدلة :( :(