الجازيــــــه @algazyh_3

عضوة

ريحوني الله يريحكم دنيا واخره

مرحبا علي الجميع:26:
خواتي عندي موضوع صغير وابي رايكم فيه
انا ساكنه مع اهل زوجي , وحنا ثلاث حريم الاخوان,والمشكله عند اخو زوجي الصغير وهو:
ان زوجته حامل وهي ساكنه في الدور الثالث,وشقتها سراميك عباره عن غرفه ومطبخ وحمام,ولها طفل واحد.
ومانعينها من كثرة صعود الدرج, وطلب زوجهامن اخوه الاكبر الملحق علي فكره الملحق للكبير بس مو ساكن فيه ساكن معانا في نفس البيت بس ان زوجته تبيه بس في الوقت الحالي مايقدر يرممه,
ولكن الاخ الاكبر رفض
والمشكله
اني شفته اليوم متضايق وقلة له اشرح موقفك لاخوك وقله انك ماتقدر تخليها في بيت اهلها كل المده مو تقوله ابي الملحق وبس, ولكن هز راسه وهو متضايق ومشي ولا رد علي لانه مايقدر وش يقول.
لانه ماعنده امكانيه يطلع في بيت بروحه.

انا ساكنه في الدور الثاني وانا حامل بعد,وشقتي مفروشه عباره عن غرفتين وحمام, ولي طفلين.
رحت لزوجي:arb: وقلتله ابي اعرض شقتي لاخوك وحنا نروح الدور الثالث ولكن رفض وقال انتي حامل مثلها. ولكن اقنعته ان الاخوان لبعض وهي مريضه واذا ماساعدنا اخوك من نساعد.
وبالاخير قال كيفك. بس ماعندي امكانيه افرش لك الغرفه لانها سراميك وانا مااحب السراميك.
وش رايكم خواتي انتم معاي ولا لالالالا
واذا انتم معاي فيها شي لو قلت لاخو زوجي انا مستعده ابدلك بالشقه بس افرشها لي لاني اخاف علي عيالي من البرد وهو عارف حالت اخوه الماديه:(
ياخواتي ابي رد كل وحده فيكم ريحوني الله يريح بالكم
لاتقولون لي انتي وش عليك لاني انا ما احب يكون عندي حل وابخل فيه
لاني ما احب اكون أنــــــانــــيــه،

يلزم عليك تسجيل الدخول أولًا لكتابة تعليق.

تسجيل دخول

ام الفهود 2005 • 18 سنة

ماشاءلله عليك والله يبارك لك في حملك وعيالك
من جد اصبح يندر امثالك بين الحموات
انتي اذا ماعندك مانع ومقتنعه فاتحي اخو زوجك في الموضوع
وشرحي له انك ماتقدرين تفرشين وتخافين علي عيالك علي الاقل ذا وافق يفرش
او يحس انه مو الحاله وان فيه احد يفكر في مشكلته
تسكنون لغاية مالله يتمم لكم حملكم
وزوجك قولي انا نعم حامل بس حملي الحمدلله تمام مو مثلها
الله يارب يتمم حملك ويرزقك علي قد نينك

الدكتورة لمياء • 18 سنة

ماشاء الله تبارك الله
الله يكثر من امثالك اختي
وانتي لا تقولينها كذا افرش لي
لا تلميح
مثلا
قولي والله كان ودي ابدلكم اريح لزوجتك بس ماحب السراميك لوكان مفروش
لو مااعجبته الفكره على الاقل يحس ان فيه احد واقف معه ويقدر لك هالموقف
الله يوفقك ويرزقك الابناء البارين

ام اياس • 18 سنة

ام الفهود 2005 :

ماشاءلله عليك والله يبارك لك في حملك وعيالك من جد اصبح يندر امثالك بين الحموات انتي اذا ماعندك مانع ومقتنعه فاتحي اخو زوجك في الموضوع وشرحي له انك ماتقدرين تفرشين وتخافين علي عيالك علي الاقل ذا وافق يفرش او يحس انه مو الحاله وان فيه احد يفكر في مشكلته تسكنون لغاية مالله يتمم لكم حملكم وزوجك قولي انا نعم حامل بس حملي الحمدلله تمام مو مثلها الله يارب يتمم حملك ويرزقك علي قد نينك

ماشاءلله عليك والله يبارك لك في حملك وعيالك من جد اصبح يندر امثالك بين الحموات انتي اذا ماعندك...

لكن خلي في بالك انه زوجك يكون قانع وراضي

+ دلوعه + • 18 سنة

امممممم
احس صعبه تفاتحينه وزوجك رافض .. !!
يمكن ينحرج تقولين لاخوه هالكلام .. وانه مو قادر .. !!

شوفي حبيبتي ..
انتي ادرى بزوجك .. لو ما بيزعله هالموضوع .. توكلي على الله وفاتحي حماكِ ..
والله يوفقك و يرزقك على قد نيتك ..

نبضة حزن • 18 سنة

صراحة ما عندي حل << توي بنوتة ما افهم بذي الشغلات

بس صراحة حبيت اشيد بأخلاقك ..

الله يحفظك و يسعدك ويرزقك على قد نيتك يارب ..