ريحو بالي الله يريحكم, عيادة ابتسامة النجوم بجده! / تم الرد

السلام عليكم ورحمه الله وبركاته
بنات انا احتتتتتتتتتتتترت !
ابغى اروح اصلح اسناني تعبانه نفسيتي جدًااااااااا ,
ماقدر ابتسم كرهت نفسي بشكل! ابغى اصلحهم بس بموت خوف ورعب كله بسبب الي حولي وتجاربهم
وللاسف هالشيء خطأ اهلي ماهتمو باسناني وانا صغيره وغير كذا ماكانو يودوني لعياده الاسنان عشان يكون عندي خبره ع الاقل ومااخاف هالكثر’ حتى ابره البنج عمري ماجربتها والحين بموت رعب
تولدت عندي حاله نفسيه اي والله ’ : (
ابغى اصلحهم بس مو قادره محد حولي يشجعني للاسف ’ محد عانى من اسنانه كثري من اهلي ولا من صحباتي عشان يهونون ويخففون علي كل ماقلت بروح اسويها استنى رد ايجابي يشجعوني يحطموني ويخوفوني زياده , انا معتبرتكم اخواتي اتمنى القى الرد الايجابي والتشجيع , بتقولو كلها اسنان , بس الي عانى منها غير,.. من وانا بالابتدائي التعليقات تصب عليّ من كل جهه .. لين ماكبرت ثقتي بنفسي صفر , وقررت اسويهم وافتك من هالمشكله , بس الحين انا ادور على عياده كويسه وكل مادورت لقيت بنات مسويين مواضيع والردود الظاهر من نفس العياده يعلنون لنفسهم صرت مااثق !
حتى ابتسامه النجوم دايم الاقى ردود اشك هي من تجارب الناس ولا من نفس العياده يوكلون ناس يكتبون ويشهرون لعيادتهم !
فحبيت اسأل بناء على تجاربكم ! ابتسامة النجوم الي بالحمرا اروحلها او لأ؟ و أي وقت افضل صباح او مساء عشان الزحمه.؟
واسناني عاد تحتاج عصب. جير. تلبيسات امامية وحشوات وحوسه
ساعدوني بنات الله يفرج هم كل شخص يارب ويسعدكم جميعًا.
آسفه على كثرة الهرج بس عمري مافضفضت لأحد وحبيت افك الي فيني لأن خلاص ماقدر اتحمل اكثر من كذا, صارتلي امراض نفسية بسبب الخوف والقلق’ كل مره اقول بروح وأهوّن من الخوف والقلق