ريـح الصبـا مـع قرايـا نـجـد والعبـلـه
مستوطنه فـي ضميـري قبـل مااجيهـا
ديار ربعي وكل(ن) عـارف(ن) سبلـه
ياخذنـي الـشـوق لامــن مــرّ طاريـهـا
وجـهـي عليـهـا الـيـا وجّـهـت للقـبـلـه
الله يـــبـــارك بـتـربـتـهــا وأهـالـيــهــا
يالله طلبتك خيال(ن) صـادق(ن) وبلـه
يسـقـي ثـراهـا مـــن اولـهــا لتالـيـهـا
يفرح به اللي قضى عمره يسوق ابله
يتـبـع هـواهـا ويمـشـي فــي مفاليـهـا
من عهد جدّه وابوه ووقت يُحسـب لـه
أتـــلاااد مـاهــو ملقّـطـهـا وشـاريـهــا
ودّي اسيّـر علـى شـرواه واتـعـب لــه
واسجّ رجل(ن) على الطرقه مضرّيها
شوف الفيافي ربيع القلب واطرب لـه
لاصار وسـم(ن) بكـور وناقع(ن)فيهـا
كبدي من اهل الهروج العـوج مندبلـه
اباابـتـعـد عـــن سوالـفـهـا واخـلّـيـهـا
والطيّـب اشتـاق لمخـاواه وانـدب لــه
خــوّة مطالـيـق تعـجـب مــن يخاويـهـا
ادمح خطـا صاحبـي والهرجـه الخبلـه
مـن طيـب خاطـر واطوّفـهـا واعدّيـهـا
لو كـلّ مـن زلّ حسّـب لـه وعاتـب لـه
مـاعـاد تلـقـى مشاكـيـل(ن) تصافيـهـا
الشاعر مشعل عوض
هذه القصيدة عندما قرأتها فجرت براكين الشوق لنجد وأهل نجد الحبيبة لعشقي الأول والأخير الرياااااااااااض ...آآآآآآآآآه مأقول إلا الله يجمعني باأهل الريااااض على خيرررر وعاااجل يااااارب..
moon1426 @moon1426
محررة ماسية
يلزم عليك تسجيل الدخول أولًا لكتابة تعليق.
زائرة
•
يسلموووووووووو
الله يجمعتس فيهم
الله يجمعتس فيهم
الصفحة الأخيرة
لاهنتي على هذا النقل
والله يجمعك باهل نجد أن شاء الله انه سميع مجيب
لكي ارق التحايااااا :26: