ريح من عبق الأصالة من سلالة الحرف و تاريخ الشعر أجول دائماً للبحث في كلماتها لأجد لا مثيل لها بالأسلوب والإبداع المتجسد في طيبتها وتواضعها وحروفها التي امتلكت قلوب الكثيرين من محبي الشعر أترككم لنتابع بعضاً من قصائدها علني أوفق في تقديمها و لتشعروا بما أحسست فيه عند تذوق كلماتها ذات النكهة التي تذكرني بالقهوة والهيل ..
الشاعرة عابرة سبيل
تلاعب بالحروف اكسب القصيدة روعه وإبداع ..
أنتم تحبوني وأنا أحب ثاني واللي أحبه باغين ناس ثانين
هذا ابتلى فيني وهذا بلاني واللي بلى مبلي وبالي مسكين
أنا ترجيته وغيره رجاني والمشكله ماينقل القلب حبين
سهوم تجرح بين قاصي وداني ياليت لسهووم المحبه قوانين
هذا ينوح وذا جريح يعاني هذا قتل هذا ولاهم دارين
وهذا كتم سره وهذا علاني الله وأكبر ياجهاد المحبين
العيد في فراق تقول الشاعرة واصفة أحساس المحبين في هذا اليوم
العيد باكر اسعد الله ممساك
ليتك تشوف احوال خد جلسته
وين انت ياللي عيدنا في محياك
كف القدر من ضيقة الخلق بسته
من يوم ماذوقتني حر فرقاك
واليا زرعه في حياتي غرسته
شريت لي ثوب على شان لقياك
والثوب راحت موضته مالبسته
وشريت عطر مازهاني بلياك
اربع سنين بعلبته مالمسته
ودفتر قصيد كل يوم يترجاك
مامر ليل ماسهرت ودرسته
هنا بأسلوب أخر
ليته درى صبحية العيد وش صار
ياهي جرت لي من عذابي هوايل
يوم العذارى بيحن كل الاسرار
وجت السوالف بين قيل وقايل
هذي معايدها قبل وقت الاسحار
وهذيك صاحبها عطاها رسايل
وهذي تقول انه لفى البيت زوار
وهذيك راحت له زيارة عوايل
وهي تفاخر في غلا الصاحب البار
تقول عايدها بكل الوسايل
وانا اطالع فوق ويمين ويسار
بالعيد حتى مامشطت الجدايل
وتقول ,,
قال الوداع وقلت له بالسلامه
هي ظروفي دايما جابراتي
قفى يداري عضة في بهامه
وقفيت اداري عضة في شفاتي
وكل رحل يحمل بقايا غرامه
وراحت حياته عقب راحت حياتي
فرقاه ضامتني وفرقاي ضامه
وعلى الله الوالي خلف ذكرياتي
وعقب البطا ارسل عليا سلامه
يرجيني يطلبني يبي تضحياتي
مااقدر اضحي بالشرف والملامه
وامومتي ترفض ايتم بناتي
وان ماحصل لقياك يوم القيامه
مااظن تحصل شوفتي ياغناتي
أيضاً ..
لاوداعيه ولاهم يحزنزن
قط لي كل الرسايل وانصرف
رافض حتى وداع التيلفون
قام يكرر ماتخبيه انكشف
ماجداي الا اناظر بالعيون
لين زوله عن مدى العين انحرف
كيف خان وهو حالف مايخون
وين عهده وين كلمات الشرف
كل شيء عقب محبوبي يهون
واستوى عندي مماتي والترف
كذلك قصيدة الأحلام والتي تقول :
ياما على نفسي بالأحلام كذبت .. ويا ما صبرت وصبرنا مانفعنا
وياما .. وياما من وداعه تعذبت .. وياما نحاول نفترق ما استطعنا
كم مرةٍ ودّع وكم مرةٍ غبت .. وكم مرة عقب الوداع إجتمعنا
لا قادره أنساه مهما تهربت .. ولا معترف في حبنا مجتمعنا
لها اسلوب مميز بالخيال القصصي
معنى الحياة بعينها صحوة الموت ...شهود صلوا والمملك دفنها
وكوشة فرحها حولوها لتابوت ...واكليلها الابيض بقايا كفنها
تبريكهم اصبح عزا يجرح الروح...صرخه ويبابه تساوى لحنها
راحت معه وبقلبها حرف منحوت ...يبقى معاها لين يطوى بدنها
راحت و... القهر لاتها لوت ... لا ابو تقاليد الحياة وسننها
كأي فتاه تلجأ لوالدتها في المحن تقول ..
يمه يايمه فديتك لاتخليني
بعثرني الهم وابغي يديك تجمعني
يمه افهميني تراك ان مافهمتيني
مافيه شخص في هالدنيا بيفهمني
ماعدت انا طفلتك كبرت شوفيني
خليك يمي ترا الاطماع تتبعني
لاتدلليني ابي منك تدليني
وابي يدينك تداعبني وتصفعني
ولاانهد حيلي ابي عطفك يقويني
ياما كلامك على الشدات شجعني
وان جيتك ابكي ابي منك تهديني
ماابيك تبكين ابغى العقل ينفعني
يامملكة عطف ياعطر الرياحيني
براثن الهم والهوجاس تطعني
بسمتك عندي الا من ضقت تكفيني
ورضاك عني عن الاحزان يرفعني
اسمى العلاقات تربط بينك وبيني
ياللي احضانك لاضاق الكون تاسعني
لك احترامي وحبي والوفا فيني
وفيك اروع الحب مايخطي ويخدعني
وتقول
تعال بشـرح لـك أنـا كـل مغلـوق تعـال شاهـدنـي مــع ذكريـاتـي
لا لا يغرك لبس موضـة ومسحـوق انفض غبـار الوقـت تلقـي صفاتـي
قرب وطالع معّـن الشـوف بحـدوق وزيف التطـور جـرده مـن حياتـي
بتشوف في وجهي من الماضي اطروق أخذت من بطن الصحـاري صفاتـي
طفلـة بثـوب مخيطينـه ومفـتـوق تنطـر جديـد الثـوب بالعيـد ياتـي
سمعت طرف اخبار عن كلمة السـوق وتاخذ وتسـأل هـو وجـوده ثباتـي
طفلـه سحبهـا الوقـت للهم برفـوق حتي انهـا صـارت مـن العاشقاتـي
وجار الزمن وعرض الحـب للعـوق شـرق ركايبهـا وهــم مشمـلاتـي
واتلا عهدها فيـه يركـض ورا نـوق مسرود جيب وفـي يدينـه عصاتـي
ويصد لكن يلتفـت لـي مـن الشـوق عجـلان يلخصنـي بعيـنٍ تحـاتـي
وقفـي وخطواتـه يتـلـن معـلـوق وخلانـي ماتنقـل عظامـي عبـاتـي
ودار الزمان ولا مشي الحظ بوفـوق ومازلـت أخفـي بالظـلام اعبراتـي
ولا زلت أنا العب له علي كل طاروق حتـي يجيـب الله مـوعـد وفـاتـي
.. وتقول..
بريال عارضته على السوق بريال من باعني برخيص والله لأبيعـه
من يشتري رجّال قصّر بالافعـال باع العهـود الماضيـه للخديعـه
رجّال يسوى له ثمانيـن رجّـال كل الصفات اللي ملكها فضيعـه
له ضحكةٍ تشبه لضحكات الأطفال ذيبٍ ونظراتـه حنونـه وديعـه
وله فزعةٍ منها المجانيـن عقّـال وفجوج لا ضاقت عليّ الوسيعـه
ياما عدل عوجا ثقيلات وطـوال وأنامعاقبتـه غيـورٌ صريـعـه
والله يسوى لـه ثمانيـن رجّـال والخبل مثلي لا زعل يب يبيعـه
تعلل عدم كتابتها لقصائد جديده قائله :
يسألوني عابـره ويـن الجديـد والاجابـه ضايقـه فينـي ملـل
راحت ايام السعـاده والقصيـد عشتهـا بيـن التكانـه والجهـل
كنت اروض شارد الحرف العنيد ماعسرني لو بغيته فـي عجـل
فيه اصور لوعة الحـب الاكيـد ومنّه(اشكل) ماحوى قلبي غـزل
ومعه (اسافر) عن معاناتي بعيـد ولأجل حبه ماشحنّي من زعـل
احضنه (فرحة) طفل في يوم عيد واسكنه (روض) الخزاما والنفل
واحتويته ليت لي (قلـب ٍ) بليـد ماعرف (فرق) الجزاله والهزل
والنهايه مابقـى عنـدي جديـد واعذروني صارت ايامـي ملـل
من الصعب على الإنسان كتابة وصية الوداع فما بالكم وهو يكتب وصيته هذي أخر قصيده لها الله يرحمها ...
تـــرى الـذبـايـح وأهـلـهــا ماتسّـلـيـنـي أنـا أدري إن الـمـرض لا يمـكـن عـلاجـه
أدري تـبـي راحـتــي لا يـابـعـد عـيـنـي حــرام مــا قـصّـرت يـديـك فــي حـاجــه
أخــــذ وصــاتــي وأمــانـــه لاتـبّـكـيـنـي لــو كــان لــك خـاطـرٍ مــا ودي أزعـاجـه
أبيـك فـي يديـك تشهدنـي وتسقينـي أمـانـتـك لا يـجــي جـسـمـي بـثـلاجــه
لـف الكفـن فـي يديـك وضـف رجليـنـي ما غيرك أحـدٍ كشـف حسنـاه واحراجـه
أبــيــك بـالـخـيـر تـذكـرنــي وتـطـريـنــي يجيـرنـي خـالـقـي مـــن نـــار وهـاجــه
سامح على اللي جرى ما بينك وبيني أيــام نمـشـي عـــدل وأيـــام منـعـاجـه
همـي عيالـي وأنـا اللـي فـيْ كافينـي علـمـهـم الـديــن تفـسـيـره ومنـهـاجـه
لكم تقديري وأحترامي :26:
نبع الوفا @nbaa_alofa
عضوة نشيطة
يلزم عليك تسجيل الدخول أولًا لكتابة تعليق.
~~عاشقة الفردوس~~
•
اشكرك اختي نبع الوفاء على الكلام الخيالي:26: وتسلمين على المجهود:26: تقبلي تحياتي
اشكرك اختي نبع الوفاء على الكلام الخيالي:26: وتسلمين على المجهود:26: تقبلي تحياتياشكرك اختي نبع الوفاء على الكلام الخيالي:26: وتسلمين على المجهود:26: ...
لله درك..
لله درك..
لله در أختيارك..
فأختيارك يدل علي قلب فهيم..
وعقل مدرك..
وواقعية حية..
فاتمني..
اتمنى..
من سمو عينيك المزيد..
لله درك..
لله در أختيارك..
فأختيارك يدل علي قلب فهيم..
وعقل مدرك..
وواقعية حية..
فاتمني..
اتمنى..
من سمو عينيك المزيد..
الصفحة الأخيرة