ريش- شاركونا بذبيحة العيد.

السلام عليكم ورحمة الله و بركاته
طبخة بسيطة مرة اليوم،
مب ذبيحة العيد ، ضلوع تيس ضحية ثانية لأبوي، قطعتهن ريش،
وشويتهن بالفرن مع بطاطس وبصل.
الطريقه
بصل أقطعه طويل خفيف زي حق الكشري و المشهيات فوق الرز،
أقطع كثير مرة وأحطه بالقاع،
بعدين بطاطس أقطعه حلقات خفيفة شبتس،
بعدين ريش اللحم+بهارات+معجون طماطم.
(يوم العيد قطعتهن ريش و حطيتهن بالفريزر،
لأن صعب تتقطع بعد التجميد)
+صبيت ماء قليل ما يغطي اللحم.
بالقصدير كتمته،
حطيت الرف بالوسط، النار من تحت، طبخته نص ساعة درجة 200 فأعلى،
بعدين نص ساعة180 درجة.
تركته بالفرن ربع ساعة بدون ما أفتحه يطبخ بالبخار.
فتحت القصدير، شبيت ع النار من فوق
كذا عشر دقايق لين تحمر شحمة اللحم و البطاطس وبس^^".
(بصينية اللحم عكس الدجاج:ما أحب أحط خضروات ثانية مثل:قرع،كوسا،فلفل رومي،زهرة،طماطم الخ
لأن يطلع منه دهن كثير و تتشرب)
اللي جنبه بالصورة خضروات سلطة عادية^^"
كبار ما أحب صغار عشان ما تروح قيمتها.
بعدين
سلطة ذرة حب+زبادي.
ما عندي كل الأغراض بالبيت المفروض تكون
ذرة حب+زبادي+طحينة سايلة.
و كنت مشتهية مقبلات ثانية معها /
حمص حب+زبادي+طحينة سايلة.
حمص بالطحينة+قشطة+زيت زيتون بقدونس للزينة.
بس ماعندي كل الأغراض اليوم.
البهارات نشتري علب بهارات مخلوطة مطحونة جاهزة أكثر من نوع ...حريم أو محلات عندنا بالقصيم يجهزنهن و يبعنهن، بس أحيانا تختلف بالمقادير مثلا وحدة حارة أكثر و حدة به ثوم أو كزبرة أكثر..
بالصينية حطيت من كل شيء
بس قللت اللي به ثوم و كزبرة، تصلح للرز مب الصواني.
ورشيت فلفل أحمر مطحون من فوق شوي بس.
دورت كمون بالبيت مالقيت،
الكمون من أفضل البهارات مع الصواني و المقلقل(حميسة اللحوم الكبدة الدجاج الكرش الخ، و فوق الفول بالفطور).
و بس


https://a.top4top.net/p_630fvv...
https://c.top4top.net/p_630vt2...