السلام عليكم و رحمة الله و بركاته
اللهم صلي و سلم على سيدنا محمد و على آله و صحبه أجمعين
ما شاء الله تبارك الله لا قوة إلا بالله
حبيباتي زمان عنكم .. اشتئتلكم و اشتئت لتنزيل المواضيع
المهم ,, اليوم شفت بفلاشتي مواضيع متخللة
الها مدة طويلة فيها و انا كنت ناوية انزلها بس مافي وقت بالمررررررررة من شغلي متعبني و ماخد وقتي كلو
هاي الوصفات نزلتها من قبل بشكل مختصر بموضوع عضوة بالمطبخ و هلأ حبيت انزلها بالشرح مع الصور
اول شي نبدا بالريش او الكستاليتا و هي غرامي غرامي غرامي لو كل يوم اكلها ما بزهئ منها
هادي طريئتي فيها و يا رب تعجبكم ,,
1 كيلو ريش
للتتبيلة ( 6 حبات توم مفرومين / عصير ليمونة كبيرة / اربع معالق كبيرة خل / بهارات مشكلة +قرفة + زنجبيل مطحون / قبضة يد اوراق ريحان مجففة افركيهم بإيدك و حطيهم عالتتبيلة / تلات معالق كبار زيت زيتون / ملح )
حركيهم سوا و حطيهم عالريش
انا نقعتهم أبل بيوم و كل ما طولت التتبيلة كل ما كان الطعم اطيب
هاي صورة التتبيلة و بنفع على فكرة تنقعو فيها الجاج و تشووه بطلع بجنن أد ما زاكي
1
و هون همي منقوعين
2
هلأ بنحطهم بكيس الشوي و بسير تحطي معهم شوية خضار ازا بتحبي بعدين بندخلهم الفرن لحد ما يستوو
هادا كيس الشوي
3
4
5
بنات الكيس لا تنسو تعملو فيه فتحه قبل ما تدخلوه الفرن عشان لا يفئع
6
7
8
يتبع الفتة صبايا لا تردو حبيباتي
بعدين بنقطعو مكعبات .
- تاني شي بنحتاج خبز مقلي أو محمر .
- بندورة مقطعة صغيرة ( انا حطيت وحدة لئنو الكمية لشخص واحد بس)
- علبتين لبن بنحط عليهم شووووية مي و سن توم مفروم و شوية ملح و بنحركهم لتخف سماكة اللبن و يسهل توزيعو عالفتة.
- بقدونس مفروم
- صنوبر مقلي
اول طبقة بنحط الخبز
تاني طبقة بيتنجان مكعبات
تالت طبقة لبن
الرابعة بيتنجان مكعبات
1
2
3
4
5
و هوني الفتة جاهزة للأكل
7
صبايا البيتنجان بسير تقلوه بس والله بالشوي اخف بكتير
و بالنسبة للطبقات فيكم تشكلو و تنوعو على راحتكم و متل ما بتحبو يعني ممكن اكتر من طبقة بيتنجان و اكتر من طبقة لبن و هيك ..