ريفيو (Review) عن افضل الشدو (الظلال - ظل العيون) والقلوسات او القلوس

السلام عليكم و رحمة الله وبركاتة
وجيت بموضوع جديد اول مرة اجلس المدة دي من غيرما اكتب موضوع جديد ارتحتو مني شوي هههههه >>> بس :bkh: رجعت ثاني
انا حبيت اني اكتب موضوع جديد رغم اني مشتركة في مسابقة في المنتدى بس قلت احسن افيد اخواتي
اول شئ ابغى اشكركم لثقتكم لي في موضوع كافي الميك اب واشكر المشرفات انهم وثقو فيا وحطوني ضيفة في الموضوع عشان انا مو خبيرة مكياج انا عندي خبرة في المكياج (خبيرة المكياج) دائما تكون تعرف كل شئ في المكياج و ( الي عندها خبرة في المكياج ) زي انا خبرتي محدودة بس الحمدلله قدرت اجاوب على الكل ولله الحمد
نرجع للموضوع طبعا راح يكون زي المجلة مثل الموضوع السابق الي كان عن الارواج و البلاشر
هذا الموضوع راح يكون عن افضل الشدوهات او الشدو و القلوسات او القلوس
الكلام راح يكون مختصر وتحت كل صورة شرح بسيط كم كلمة بس
طبعا كل الي راح اكتب عنهم انا استخدمتهم وطلعت بأفضل الشدوهات و القلوسات
يلا بسم الله
الشدوهات (الشدو)
1- اول شدو من نيكد بجميع انواعة


طبعا في منه المطفي و اللمعة في نفس العلبة ما غير العلبة الصغيرة كلها مطفي و تنفع للمناسبات النهارية اكثر من المسائية او زيارة غير رسمية شئ زي كذا
طبعا انا طلبتها من امريكا كاملة وهي زي كذا

بس مو مرة غالية بالنسبة للمجموعة كاملة اذا طلبتيها كاملة فيها الشدو بكل انواعة وبلاشر والقلوس انا اشتريتها كلها كذا ب 255 دولار يعني ب957 ريال دحين اتخيلي تشتري كل واحد لوحدة المبلغ راح اكثر من كذا بكثير
2- coastal scents انا اشتريت المجموعة كلها

اشتريته من تاجرة طبعا وقت تخفيضات السنة الباليت الواحد كان قبل التخفيض 160 ريال بعد التخفيض ب120 ريال
الشدو في منه المطفي و اللمعة الخفيفة و اللمعة القوية مرة رائع طبعا انا اشتريت المجموعة كلها قلت متى تاني احصل تخفيض بالشكل ذا
3- شدو coastal scents revealed

هذا الباليت احسة يجمع بين كل الشدوهات الي في نيكد من ناحية الالوان حتى في التشابة
4-شدو ديور

احس شدو ديور فيه بس الالوان المعدنية حلوة اكثر طبعا حقي قريب لي هذا بس فيه كل الالوان المعدنية واشتريته من مندوبة في وقت تخفيضات السنة
يعني يا بنات استفيدو من التخفيضات
5- شدو chocolate bar
هذا الشدو رائع و في الباليت نفسة المطفي و اللمعة وثابت
6- شدوlorac pro
هذا الشدو رائع وانا احب استخدمة هو مطفي و لمعة زي ماقلت رائع وواضح وعلى فكرة مرات استخدم اللون البني اللي هو اللون espreso هذا مرات اعبي فيه حواجبي والنتيجة مثل بودرة الحواجب حلو وواضح طبعا بي فرشة الحواجب
ملاحظة : اذا انتي من النوع الي ما يثبت معك الشدو استخدمي برايمر للعين وبعدين حطي بودرة او شدو قريب للبشرة كأساس و ارسمي عينك عادي
ثاني شئ القلوسات او القلوس
بس بقولكم شئ عني انا ما احب القلوس كثير عشان انا ما احب لمعة الشفايف و ثاني شئ احس القلوس ما يثبت بس لقيت كم نوع انهم يثبتو مدة طويلة وراح اكتبها لكم
1- قلوس من نارس( nars)

احسن وافضل القلوسات الي انا استخدمتهم يجلس مدة طويلة وما راح تحسي بلزوجة في الشفايف
2- قلوس من ديور

هذا القلوس يشبة الروج و يجلس مدة طويلة
3- قلوس من ريفلون

كمان يجلس مدة طويلة و مو لزج وفيه لمعة
4- قلوسnyx

يجلس مدة طويلة بس مشكلته انه لماع الحمدلله اني اشتريت واحد بس ما اشتريت مجموعة
لمعته مرة واضحة هذا لي الي يحبو شفايفهم تكون لماعة
هذو القلوسات الي انا استخدمتهم بس انا سمعت عن قلوس من استيلا سمعته انه يجلس مدة طويلة بس بالامانة انا ما جربتة

دحين كذا نصيحة اخوية : احسن شئ عشان تحتفظي بمكياجك بطريقة مرتبة في التسريحة استخدمي منظم المكياج او منظم التسريحة راح تلقية في سنتر بوينت
وهذة اشكاله


هذة كلها منظمات حلوة وراح تحلي شكل التسريحة فيه اماكن للروج و الشدو والبلاشر فيه لكل شئ
طبها الحاجات الي انا كتبتها راح تلقوها في سيفورا واذا انتي من المدينة للاسف ما عندنا سيفورا بس انا اشتريتها من تاجرة و بعضهم من امريكا
اذا عندكم اي معلومات زيادة عن الي انا كتبتها او منتجات ثانية ياريت تكتبو في الردود عشان الكل يستفيد
يلا مع السلامة :icon35::icon35::icon35:
:26: اختكم في الله:26: