ريلي حطمنييييي ،،،

سلام عليكم و رحمة الله و بركاته

بنات يمكن لي موضوعين فهالقسم والموضوع الاهم يتعلق بحلميييييييي اني اسكن برووحي

تعبت من بيت اهل ريلي قسم بالله ضيق فظيييع

من 4سنين ساكنين معاهم و في غرفة وحدة والحين عني ولدين الله يحفظهم واحد سنتين و 8 شهور والثاني 10 شهور

المشكله الحجرة ضااقت علييينا و عيزت وانا اكلم ريلي ناجر بيت ما يطيييييع من سنتين اقوله وقام يعصب اذا فتحت الموضوع بعد

والله حياتي وياه مب مستقره هني ع طول مزاجه يخترب يرجع من الدوام و لوية العيال ووانا ماقدر اطلع واسرح في بيتهم ع كيفي لان كله اولاد اخوان ريلي
وغير عن جي والله تربية ولدي الكبير اختربت قام يتعلم منهم كلمات سب و صراااخ لان اسلووبهم جيه فالتعامل
والله محرومين من اللعب فالصاله ع طول ينازعونهم اذا خربوا ولا وصخوا
اوكي بيتهم و يحق لهم طيب هذيل يهااال شو اسوي فيهم تعبت ونا حابستنهم فالغرفه هم ملوا وطفشوا خاصه ولدي العود كللله يقولي ماما بروح الصاله
اقول لريلي عيالي يبون ياخذون راحتهم وانا نفسيييييي ابغي ارتاااح واستقر خل ناجر بيت صغير لييين نبني الله كرييييم لكن يقهررررررررر يطنشني ولا يتحاور ولا يقنعني ليش ع طول يقولي جب اسكتي
والله تيني صيحه انزين خبرني ليش
لو ظروفه ما تساعده والله بعذره لكن ريلي الحمدلله عنده خيييييييييييييير وايد
يقدر يشتري بيت مب الا ياجر لكن هو يبغي تطلع الموافقه عالارض الله اعلم متى وتاااااالي يبدا يبني

يعني لا سمح الله 3 سنين جدام

هالبيت ضيييق وتعب نفسي ،، امه دااايما مبوزه والله ونفسها في خشمها ودايما تسويلي مشاكل بشكل غير مباشر معاه
واخوانه دفشيييين وماويحترموون و ريلي استغفر الله الله كله ولا اهله حتى لو غلطانين
اما انا يذم اهلي واخواني داايما بس خل اقول كلمة حق في اهله والله يقلبها لي مصييييبه
مع العلم انا بنت عمه و متزوجني عن حب لكن ماشفنا شي من بعد ما حملنا و يبنا عيال

انا داايم ادعيييي والله ان الله يوسع لي في داري و ينزلني منزلا مباركا و اطلع من هالبيت و واثقه من ربي بس احس ينقصني التوكل عليه الشيطان يوسوس لي الله ياخذه

اللي خلاني اكتب الموضوع ان قبل شوي بكل هدوء قلتله وبشكل مباشر تعبت وانا الف وادور في كل مره وشفته رايق قلت نتفاهم
قلتله شو رايك نطلع بيت بروحنا ،،، بقق لي عيونه وقالي اسكتييي جب
والله انصدمت ما رديييت من الصدمه ،،قال طلعه من هالبيت ماشي وقلت في خاااطري
يا ظاااالم حراام 4سنين في غرفه وحده ،،لو غرفه وصاله كنت بسكت لكن غرررفه وحده و 4اشخاص اللهم لك الحمد و رب العالمين عاطنك من فضله ليش جيه
لما شافني ساكته قالي عشان جيه ما احب اكون رايق معاج من تشوفيني زين واسوولف ع طول تفتحين هالسالفه
يعني بالله عليكم متى اقووله لما يكون معصب ؟؟؟اصلا من الاساس مافي حواااااار بينا ابدن هو نحس ما يحب نتحاور ولا نتفاهم ع طول يقول اسكتي

وقريت عن شخصيته شمالي شرقي لكن ما فاد
وطبعا مستحييييييل اكلم اهله ولا اهلي في هالموضوع لان اهله استغفر الله الله يهديهم ابدا مابيتدخلون في هالشي وادا تدخلوا ف لصالح ولدهم
واما اهلي ما ينفع ابدن لان هو بيعااااااااااااند جدا وانا ابغي من طيب خاطر انا وهو من نفسنا نتفق ونطلع ونرتاح

والله هو اول بيرتاح لو طلعنا لكن ماعرف ليش يكابر والدليل لما نروح لبيت اخته شوي بعيد عن منطقتنا هي قريب منتقله بيت ايجار
المهم لما نروح عنده يقولها حلوو جيه البيت هادي و حلو تسكنين بروحج

بس لما الموضوع يتعلق فيني واللي اطلبه طلب بسيط يريحنا كلنا يرررفض ويجرحني

وايد مضايجه من الموضوع ادري هالشي بيد رب العالمين الحمدلله ع كل حال بس بغيت افضفص

ادعولي خواتي نحنوفي ليالي فضيله الله يرضى عليكم يمكن انتوا اقرب من الله مني لاتنسوني فالصلاه والقيااام ،، انا للاسف اليوم نزلت الدوره ماقدر اسوي شي غير الذكر والدعاء
ادعولي الله يحقق لكم اللي تبونه يارب