شخباركم ان شالله طيبين؟
اولا تقبل الله صيامكم وصلاتكم ودعواااتكم..اعاده الله علينا باليمن والبركااات...
ثانيا: ممم صراحة تقريبا كل يوم ادخل على المنتدي واشوف الاشياء الحلوة.. وقلت مثل ما شاركتونه بنشاركم..
و هاي اول مشاااركة لي.. وياريت اتشجعووني يا اخواتي تراني توني مبتدئة بالنسبة للي اجوفه من طباخات في المنتدى (ماشاء الله) ومنكم نستفيد يا اخواتي الحلويين والطيوبين...
يلا باسم الله نبدأ..
المقادير تكفي 12 حبة الحجم المعتاد..
1 كوب دقيق جميع الاستعمالات
1 و نص ملعقة صغيرة بيكنغ باودر
ربع ملعقة صغيرة ملح
نص كوب سكر
بيضتان من الحجم الكبير شوي (يعني اشتخدمي اكبر بيضتين في ثلاجتج)
نص كوب زيت
نص كوب حليب مخلوط مع نص ملقعة طعام خل ابيض
1 ملعقة صغيرة فانيلا
صبغات طعام.. 4 او 5 الوان
نبدأ: بسم الله..
اول شي شنو؟؟؟؟!!! صح! نشغل الفرن على درجة 165
وبعدين الله يسلمج حطي ملة وخلطي فيها: (الدقيق+البيكنغ باور +الملح) وخليهم على جنب
المله الثانيه: خطلي(البيض+فانيلا+الحليب اللي وياه الخل+السكر)
بعد ما اتخلطين ضيفي المكونات الجافة (المله الاولى) شوي شوي في المله الثانية وانت تخلطين
طيب هاي 70%خلصتي..
بعدين قسمي الخليط بالتساوي على عدد الالوان.. انا استخدمت 4 الوان..
وحطي عليه نص ملعقة صغيرة من اللون.. وخلطي..
طيب في صينية الكب كيك صبية طبقات..
مثلا ملقعة من الاحمر, ثم ملعقة من الاخضر ثم ملقعة من الاصفر وهكذاا.. حتي يمتلئ 3/4 الورق..
(انا كنت اخذ لون وااحد واحط شوي منه في جميع الاوراق(مااعرف شنو اسمهم.. سامحووني) وبعدين اللون الثاني وهكذا) مبين بالصور
الطبقة الاولى..
الثانية..
الثااالثة...
والرابعة......
حطيه في الفرن لمدة 15 دقيقة فقط!!!
وهاي بعد ال15 دقيقة..
زين للتزيين..
50 غرام زبدة.. بدرجة حرارة الغرفة
1ونص ملعقة كبيرة حليب
نص ملعقة صغيرة فانيلا
1 كوب سكر نااعم
اولا:
تخلط الزبدة + الحليب+الفانيلا
شوي شوي حطي السكر مع الخلط
يوضع على الكب كيك بعد ان يبرد..
وهاااي بعد التزيين...
ملحووووظتين حلويين..
1. كل الحليب المستخدم, حليب سائل مش بودر يعني حليب طويل الامد
2. احلاااااا شي ان الخلط كللله اليد!!! مافي داعي خلااااااااط!!!!!
وبالهنا والشفا
لا تنسووون تدعون لي ان الله يرزقني الزوج الصالح اللي اذووقه من اعمالي.. اللي ماخذة اغلب افكارها منكم.. :)
اللهم ارزقني وبنات خالاتي وبنااات المنتدى بالزوج الصالح.. عاااجلا ليس اجلا.. :arb:
يلا حبايبي انشوفكم على خير
وهالله هالله بالردوود للي اتجرب واللي يعجبها.. واسفة اذا طولت علييكم بس واااايد مشتطة!!!