........
ماشاء الله لاقوة الا بالله
كان يوم اجازة
قلت اغير مكان الريوق للتجديد وتغيير الروتين
جهزنا عصير البرتقال الفرش
ولبنة بزيت الزيتون والزعتر
ويقط وتمر
طريقة اليقط هنا
http://50.28.64.140/showthread.php?t=2957142
كب كيك الشوكلا بالجلكسي
الطريقة هنا
http://50.28.64.140/showthread.php?t=1402927&page=150
في البداية شلنا المتو وطلعناها معانا حتى تونسنا وهي تقلد الاصوات :)
علقناها في السدرة اللي بنقعد تحتها
والحب عندنا فيه ماي << الحب بكسر الحاء
بدينا بعصير البرتقال الفرش
الشجرة منعكسة عالطاولة
عجبني الانعكاس ماشالله
هنا شمس الصباح بدت ترتفع شوي شوي
والهوا حلو والمنظر يجننن وهدوووووء مافي الا احنا والعصافير والمتو المزعجة
لقطة لاشعة الشمس المتسللة بين الفروع والاوراق
تذكرت الكلمات القديمة اللي كنا نقراها
الشمس ترسل شعاعا ذهبيا
والقمر يرسل ضوءا فضيا
و قلبي يرسل لك حبا أبديا
روعة ماشالله
......
الرد الثاني في نفس الموضوع
............
بعدما شربنا العصير والحمدلله
قعدنا نسولف
والمتو بدت تخربط وتقلد وتضحك سوت لنا جو حلو
ومر الوقت الكافي بعد شرب العصير
الحين دور الكيك واللبنة والخبز والشاي
احلى شي ان اجازة مانحاتي دوام ولا شي
صحن اللبنة بالزيت والزعتر كان مغلف بنايلون وصورة السدرة منعكسه عليه وعلى كوب الشاي
تمر ويقط للي يبي
كانت جلسة حلوة وريوق مفيد والحمدلله رب العالمين
وقبل لا تجي الساعة 6 ونص دخلنا
وفي النهاية قمت من مكاني شفت هالنحلة جاية تمتص الرحيق لان السدرة بدت تزهر لا اله الا الله
الف صحة وهنا:26:
...........................