السلام عليكم ورحمة الله
اخواتي انا اليوم مريضه ومقهوره :(
محتاجه افضفض لكم
بما اني لحالي وماعندي احد اشكي له
انا اشتغل بمدينة واهلي بمدينة ثانية
مالكم بالطويلة .. البارح كنت بخير وجهزت اغراضي ونمت بدري استعداداً للدوام
والساعه 3 الفجر قمت من وجع راسي .. صداع فظيع يابنات ومفاجئ مره وحده
وجسمي يررررررجف ومعرقه وبردانه بنفس الوقت
بس مافيه سخونه ولاشيء
بالقوه قدرت اقوم من الوجع ورحت مستوصف حكومي << اقرب شي ماكنت قادره اتحمل الالم
كانت الساعه 4 الفجر .. لقيت دكتور هندي بالطوارئ
مااهتم كثير اعطوني ابرة مسكن وفيتامينات ومسكنات
طلبتهم اجازة مرضية لاني ماراح اقدر اداوم
قال لي مااقدر اعطيك هالوقت بس تعالي الصباح ويعطونك
وفعلا رجعت لهم الظهر لقيت دكتوره من جنسيه عربيه
وبحسن نية حكيت لها اللي صار الفجر وطلبتها الاجازه
رفعت صوتها قالت افهم انك جايه تاخذين اجازه .. قلت ايه لاني جيت الفجر
واعطوني العلاج ومابقى الا الاجازه
قالت اطلعي المختبر سوي الفحوصات هذي بعدين ارجعي
قلت طيب منها مره وحده استفيد ويمكن اعرف سبب الصداع
طلعت سويت التحاليل ونزلت وبعد طول انتظار دخلت
قالت كل شي زي الفل بتشتكي ليه؟ ياربي هو المرض بكيفي:(
قالت شوفي انا بكتب لك اجازه مع انك ماتستاهلينها !!!!!!!! :eek:
حسبتها تمزح .. قلت ليه؟
قالت لانه المفروض الهندي اللي اعطاك اياها
قلت بس هو يقول النظام مايسمح
قالت لا .. بس بكتبها وبحطها بالدرج
قلت ليه بعد؟ قالت لين تجيبين احاله من المدرسه
(( انا من بداية الاسبوع ماخذه لي احاله من المدرسه كنت بروح افحص النظر ))
قلت لها هاتيها عندي احاله
قالت وبكل وقااااحه : ايوووووه مجهزه وضعك من امبارح!!!!!!!!!!!
:angry2:
انا هنا خلاااااص طرطعت
قلت اقول لك
انا وكيلة بمدرستي وكان بإمكاني مااحسب لنفسي غياب لو اني مااخاف ربي
او بإمكاني اخذ اضطراري
او ادبر لي اي اجازه
لو ما كنت تعبانه ماتعبت نفسي وجايه من الفجر
واجازتك خليها عندك ماابغاها :angry2:
يابنات طلعتني من طوووووري ولولا احترامي لنفسي كان قطعت الاجازه ورميتها بوجهها
حسبي الله عليها
وطول ماانا اتكلم تطقطق هي بالكمبيوتر وتكلم نفسها تقول " عيال الـ%^&* ادو المريضه دوا غلط"
مسويه انها مو مهتمه لكلامي
وقحه يابنات لابعد حد
والفاظها وسخه وترفع صوتها بدون سبب
طول يومي مقهوره من اللي صار ووجعي زااااااااااد ونفسيتي سيئه
مريضه وتكذبني!!!
الله يحاسبها
شباصه مدعوسه @shbash_mdaaosh
عضوة مميزة
يلزم عليك تسجيل الدخول أولًا لكتابة تعليق.
تصدقين هالمستشفيات مليانه من هالهمج مالت عليهم
يخرج الواحد من عندهم رافعين ضغطه بدال مايعالجونه يعورون قلبه
يخرج الواحد من عندهم رافعين ضغطه بدال مايعالجونه يعورون قلبه
الصفحة الأخيرة
طهور ان شاء الله
ياستي اللي يقهر انهم في بلدنا ورواتبهم من ضهورنا والسنتهم وش طولها علينا