مرحبا حوائيـــــات //
السسسسسسسسسلام عليكم / أخباركم / ان شاء الله طيبين
حبوبات انا كتبت لكم موضوع على هالرابط قبل أمس وماقصرتو معي
وأتأسف للي راسلوين خاص ماقدرت ارد عليهم مثلكم شايفين ردودي مابعد كففت ولا تعديت الخمسين
http://forum.hawaaworld.com/showthread.php?t=3180332&page=2
المهم بقول لكم وش صار معي اليوم وانتوو احكموو
الرجـــال اتفق مع ابوي انه يجي اليوم العصــر . وما جا الا المغرب
انتظروه ابوي واخواني كلهم ودق قبل المغرب قال حصل لي ظرف وبمر عليكم بعد المغرب
المهم وهو يجي الرجـــال ويجلس مع ابوي واخواني
تخيلوو يا بنـــات
أبوي سأله عن أسم شيخ قبيلتهم بحايل
قال ماعرفه ولا يعرفني ولا عمري رحت لحايل انا طول عمري عايش بالرياض
سأله أبوي عن جماعتهم وربعهم عشان نسأل عنه
قال متقاطعين معهم ومانتزاور ولا نعرف بعض ومالنا غير خالتنا
قال ابوي طيب جيرانكم عطني عنوانهم وكذا
قال ماعرف غير واحد ,, سكت شوي وقال هقوتي انه مسافر
قال ابوي طيب دوامك وين بالضبط بعد أي اشاره
تخيلو ماعطاه وصف أكيد
قال ابوي طيب في أي مسجد تصلي عشان بروح له
قال ترى الامام مايعرفني لاني ادخل اصلي وامشي على طول
وش رايكم بكلامه
مع ان البنت تقول لي مرررره الولد طاير ومستانس
يوم كلم ابوي امس ورحب فيه وحدد موعد للتعارف
بس معقول فيه ناس كذا ماتعرف احد ومقاطعين جماعتهم
حتى البنت تقول اذا جاكم أسألو عنه
بس الولد ماعطانا معلومه عشان نسأل عنه
بعدها الرجال راح بس أبوي ماعطاه رد
قال لي وش رايك
قلت ما ادري الراي رايكم
قال ابوي انا اهم شي عندي النسب وجماعته وقبيلته نعرفهم
هذا رجال غريب عنا ومانعرف عنه شي
ولازم يدلينا على احد عشان نسأل
ويقول مايعرفون احد أبد
لو انتم بمكاني وش بتقولون
أبي أنساك @aby_ansak_2
عضوة جديدة
يلزم عليك تسجيل الدخول أولًا لكتابة تعليق.
ملوكه.
•
اسمعي حبيبتي هذا ينخاف منه ليه كذا معوقله مقطعين الناس حبيبتي هذا زواج استخيري واسئلو اي احد بحراتهم من بعيد لبعيد والله يقدم الي فيه الخير
احس انه مخبي شي ومايبي احد يسال عنة !!!!!!!!!!!!!!
يعني هذا لو وافقتوا علية مبدئيا كيف راح تسالون عنه وهو مايعرف احد؟؟
يعني هذا لو وافقتوا علية مبدئيا كيف راح تسالون عنه وهو مايعرف احد؟؟
ماراح اوافق عليه لين اجيب قراره
لو اخوك اخذ رقم السياره وطلع كل المعلومات الخاصه فيه وعن طريق السجل المدني اسالوا عنه وشوفوا هل له ماضي سيئ او قد دخل السجن لا سمح الله
او عن طريق رقم جواله
انا قد تقدم لي واحد وزي هذا مو راضي يعطينا تفاصيل واخذ رقم السياره اخويه وطلع بلاويه والحمدلله ربي انقذني منه وكفاني شره
الله يوفقك ويرزقك ويكتبلك مافيه الخير والصلاح
لو اخوك اخذ رقم السياره وطلع كل المعلومات الخاصه فيه وعن طريق السجل المدني اسالوا عنه وشوفوا هل له ماضي سيئ او قد دخل السجن لا سمح الله
او عن طريق رقم جواله
انا قد تقدم لي واحد وزي هذا مو راضي يعطينا تفاصيل واخذ رقم السياره اخويه وطلع بلاويه والحمدلله ربي انقذني منه وكفاني شره
الله يوفقك ويرزقك ويكتبلك مافيه الخير والصلاح
الصفحة الأخيرة