انا حلمت حق السباحه لونه ازرق

جزاك الله خيرا على ماتبذلينه من جهد
اختي انا عندي اربع اطفال ثلاث بنات وولد وانا الشهر الجاي بحول الله وقوته بسوي عملية تلقيح صناعي وحلمت امس اني مسويه عمليه ومطلعين اكياس من رحمي واني رجعت البيت وانا تعبانة مع العلم اني ما فيني تكيس ولا اشكي من شئ ولله الحمد وحلمت بعد الفجر بس ما ادري انا خايفة لان الحلم كنت تعبانه والناس والاهل كانو يزورني

جزاك الله خير ياختي بنت الرياض واثابك على ماتفعلين انا يوم كنت حامل بنتي من خمس سنين حلمت اني حامل بنت وان هالبنت بدون يد والحمد لله جبت بنت متعافيه وكان يشغلني تفسير هالحلم وقبل كم اسبوع حلمت ان تفسير هالحلم اني سرقت شي مع ان الحمد لله عمري مامديت يدي علىشي
ايضا حلمت اني جبت ولد معاق ولكن كنت فرحانه بشكل ومدري ليه وتحلمت بتفسير هالحلم ان يدل على قوه ايماني
انا لي بنت وحده بس

السلام عليكم ورحمة الله وبركاتة
انا متزوجه من سنتين ولم ارزق بأطفال بعد متخرجه حديثا من الجامعه

قبل تقريبا 3 ايام
رأيت ابن اختي واسمه خالد وعمره الان 5 اشهر
رأيت اني احمله ويسقط مني و(تنخنع رقبته)كانت فهمتي علي يعني تنكسر
وجت امي وحملته وكان معه مفرشه ويوم جت تحطه على كتفها زلق منها من فوق كتفها وانخنعت رقبته ثانيه
وبعدها كأنه داخ وانه بدى يحتضر بيموت وان احنا مو مصدقين انه بيموت
وكأني في الحلم احس اني مذنبة في موته لانه طاح مني المره الأولى..
وامي تناظرني نظرات اتهام..

------

أمي رأت من يومين تقريبا
انها تطل من شباك الدور الثاني هي وأختي(ام خالد ) وناس ماتعرفهم معها يطلون
وكان فيه سيارة بيضاء
فيه رجال لافه الغتره على راسة مثل اليمنيين وعليه ثوب ابيض وكأنه واقف عند السياره بيركب
وعلى كبوت السياره ملفوف خالد بمهاد ابيض ومب باين منه شيء لكن امي عرفت انه خالد
نزلت هي وامه يبون ياخذونه ركَبه واحد على عربيه مثل عربيات العثيم يعني عربيات الشراء
لكن ماهي محدده مسطحه ماهيب مجوفه
وهرب فيه من مكان لمكان وامي واختي وراه وصحت ولا لقوه

------


أنا ساكنه في شقه في الدور الثاني
وأمي رأت ان شقة ام زوجي مقابله لنا وشباكها مقابل لشباكنا
ورأت أن زوجي يكلم امه مع الشباك وامه سعيده وامي معنا في شقتنا وتناظر الموقف
وسعييييده وتقول الحمدلله انكم قريبين عند بعض وشباكم عند بعض ومبسوطين مع بعض


مع العلم اننا متزوجين من سنتين ولم نرزق بأطفال
وام زوجي عمرها 47سنه وتتمنى ان تنجب فتاة

ياليت تفسرينهم جزاك الله خير..

السلام عليكم ورحمة الله وبركاته ..انا حلمت بوالدي المتوفي ثلاث مرات خلال الشهرين الي راحوا
الحلم الأول:
حلمت اني راكبه مع ابوي بسيارة انا واخت زوجي نبي نروح لمنطقة القصيم وحنا نمشي بالطريق شفنا طلعه قلت لبوي متاكد انك تقدر تجتازها قال ان شاء الله لاكن ماقد ونزل السياره بسرعه بس ماحصل فينا شي وشفنا ناس متجمعين وفيه سيارات الي تزين الطرق قالوا لاتخافون يبي يصلحونها
الحلم الثاني:
شفت ان وحده من الزميلات معي فيدار التحفيظ وهي من جنسيه عربيه عازمتنا وفي حماتها معنا وفجأه شفت ابوي بالحلم وكنت اعاتبه ليش ما جبتلنا فاكهه ولاغيرنا جايبلهم وكان بيده شجر وبأخرهن ورد وعطانياهن وقلت وشي هاذا قال هذا جلنار يعني "رمان"
واخذته
الحلم الثالث:
شفت ابوي بالحلم ماخذني انا وامي واخواتي من امي مع العلم ان ابوي مطلق امي من زمان معه في السياره الظاهر في طريق القصيم يبي يودينا لمكه وشفنا ناس قاعدين بالطريق بس مكان كانه وادي نزل ابوي فينا قلت لبوي متاكد انك تقدر ترقى ثاني مرره قال اذا ماقدرت قلت لأحد الشباب يسوق ويرقينا لكن تفجأت ان ابوي ماشاء الله رقانا وصلنل مكه وامي تقول انا مستحيه بعد هالعمر انام مع ابوك قلت احمدي ربك انه رجعك وانا وياه كنا نتكلم بطريق ضيق زي طرق مكه وبدات تمطر بغزاره....
وهاذي احلامي الثلاثه خلال شهرين مع العلم اني حامل الآن .... جعل الله ماتفعلينه بموازين حسناتك