اخثي بنت الرياض جزاكي الله خير
سلامة الوالدة ما تشوف شرانشاء الله
ارجو تفسير حلمي
أنا حامل في شهري الثامن وقالولي بنت
حلمت اني جبت بنت واني فرحانه انها طيبه واختها فرحانه فيها وكاننا في سطح قديم وفيه حريم كانه فيه مناسبه
وانا اتكلم مع بنتي الثانيه المولدة تردد بعض الكلمات وانا اقول ماشاء الله تعرف تتكلم واقول لأختها خلأص اسكتي لايسمعون الحريم اختك ويحسدونها
وكاني ابغى ارضعها بس هي ماهي عارفه ترضع وانا اقول في نفسي علشانها توها مولوده ماتقدر تمسك الصدر

ولك خالص الشكر

السلام عليكم
بنت الرياض كيف حالك
ان شالله بخير
الوالده وش اخبارها ؟لاتنسين تطمنيني عليها
والله مستحيه منك عندي حلم صغيرروور
ودي تفسرينه لي
حلمت اني انا واختي الصغيره كنا في بيت خالي القديم جداً وبالذات في مقلط النساء والغرفه هذي لها بابين بس في الحلم ماشفت الا واحد وكانت خالتي متركيه عليه والمكان ظلام قلت لاختي شغلي اللمبه عشان اشوف البطانيه اذا تحتها حشرات ولا لا
شغلت اختي اللمبه وجت بنت خالتي الكبيره وقالت ليش شغلتوها
قالت بنت خالتي اذا شفتوا الرجل اهربوا عشان صديقتي شافته ووقفت ورماها بالمسدس بس انا ماكنت ادري وش تقصد بس كانوا خايفين انا حسيت انهم خايفين يعني اشكالهم ماتوحي بذالك في الحلم
انا توقعت انهم خايفين من باب المطبخ قلت لخالتي قولي لخالي يغير الباب عاد هي فهمتني غلط قالت ايه قولي لابوك قلت لا انا اقول قولي لخالي بعدين دريت انها ماتقصد باب المطبخ تقصد غرفه في البيت شكلها مستطيل لما شفتها لقيت على جدران الغرفه من 3 الى 5 ابواب بس تراها مرسومه رسم
يعني مو ابواب حقيقيه بعد ماشفتها قلت لبنت خالتي انا اذكر ان عندكم مفاتيح كثيره وجابت بنت خالتي المفاتيح بس كانوا اثنين جديده انا صرت اجرب المفاتيح علي باب وادخل المفتاح بس الباب قديم متكسر
جربتها على باب المقلط وكل المفتاحين ضبطوا على الباب اقدر اقفله وصرت اقفله وافتحه اجرب
انا كنت خايفه بس موكثير وطليت في غرفه خالتي لقيت ابوي فيه والظاهر ان امي كانت معه قلت في نفسي الحمد الله ابوي فيه
هذا حلم امس السبت
ملحوظه
المفاتيح جديده وشكلها موب مثل الحين صغيره لا
راسها مثل الحلقه المفتوحه واللي ادخله في الباب طويل وله سنين
الابواب اللي اقول كيييف اوصف شكلها
تخيلي جدار مرسوم عليه مستطيلات كأنها ابواب وكل خط مرسوم جنبه خط ثاني يعني احنا في الرياضيات نسميه خطوط متوازيه مثل الاصابع جنب بعض بس كل باب بينه وبين الباب الثاني مسافه
باب الغرفه مقابله الجدار اللي مرسوم عليه 3 ابواب
والجدران الثانيه على باب واحد
في الحلم اذا شفتي الرسم اقدر بعصا اكسره واشوف البيت اللي ورا الجدار
ادري طولتها بس ابي اعطيك ادق التفاصيل اتمنى يكون اسلوبي واضح
انا غير متزوجه
مششكووووووووووووووووووووووووووووووووووووورررررررررررررررررررررررررررررره تعبتك معي

اختي بنت الرياض الله يعطيك العافيه على مجهودك معنا ----وارجو منك تفسير هذه الرؤيا لاختي متزوجه وما عندها اطفال تقول انها حلمت إن ولدي الصغير عطاها اربعة ورقات وقالها خالتي عديهم من واحدالى ثلاثه والرابع افتحيها وهي الان ماشيه على حميه غذائيه يارب يرزقها الذريه الصالحه--ومشكوره اختي

مرحبا اختي والله محرجه منك كثير لأنا اتعبناك ولا تنتهي احلامنا
الله يسعدك ويوفقك دنيا واخره .
فسري الله يرضى عليك
1ـ حلم للوالده حيث رأت خالي يوجد بينها وبينه حاجز مثل الستار وزوجته بجانب الستاره جالسه وعندها كيس لحم . وانا نفس الحلم وزوجته عندها كيس اسود فيه لحم .
ومرة ثالثه رأيته متمدد ووجهه اسود وزوجته تضربه على ارجله وهو يتقلب .
2ـ ابنتي عمرها 6سنوات رأت خالتها انجبت طفل صغير وتحمله ( غير متزوجه )

الله يجزاك عنا كل خير

بارك الله فيك اختي وفي الجميع في هذا المنتدى الاكثر من رائع.امل ان تفسري هذا الحلم
رايت قبل يومين ان عندي مجموعة من الاوراق المكتوب عليها ارقام بما تساوية من عملات نقدية وهذه الاورق كانها مجمعة في لوح خشبي وكانها اورق كتلك الاشياء التي تضعها بعض الشركات التي يححدون من خلالها على جوائز وكان الجوائز عبارة عن مخدات وكان بعض الاورق بما يعادل نصف ريال وورقة بما يعادل السبعة ريال اخذتها امي مني وكاني نزلت من الدرج وكان بس( قط) اسود متعلق في يدي وان احاول ان انفك منة وهو متعلق بي وبصعوبة حاولت الفكاك منه وامي تناديني ثم رجعت لامي على امل ان احصل على المخدات من خلال تجمعيي لتلك الاوراق امل ان اكون قد اوضحت ا