مساء الخير ياجماعة الخير
زبده (الشي سو) هذي لها مفعول عجيب خاصة مع ذوات البشرة الجافة.. او البنات اللي عايشين في مناطق جافة .. الرياض مثل
خل اقولكم قصتي مع هالزبده
قبل سنتين كنت رايحة ماليزيا وكنت دخلت محل يشبه البودي شوب فالبنت اللي كانت تبيع في المحل لأن اغلب اللي يشتغلون في المحلات هناك في ماليزيا بنات ... المهم ... جابت لي كريم زبده الشي سو للجسم وامدحت لي فيه لين ماقالت بس... قلت يلا يمكن زين .. ولما سألتها عن السعر طلع حوالي 120 ريال تقريبا.. ورجعنا لأرض الوطن وصرت استخدمة .. يابناااااااات ماتتصورو ياجماعة كيف ينعم الجسم .. عجيييييييييب..و اول ما بديت احس ان العلبة شوي وتفرغ صرت استخدمها حبه حبه .. اييه بعد مابي اعيش من دون هالكريم. وفي الاخير خلص وتورطت
وطبعا درت الرياض كلها ابي اشوف كان لهم فرع هنا بالسعودية .. ونزلت الشرقية .. وبحثت عنه في النت .. مافي له وجود هالمحل في كل الشرق الاوسط..
خلال الفترة اللي كنت استعمل فيها هالكريم كنت توني متزوجة وكان زوجي دايم يقول لي ان بشرتي ناعمة وطرية مثل الاطفال .. ولما خلصت العلبة صرت استخدم زبدة الكاكاو من البودي شوب .. وجربت زبده اللوز اللي بعد من البودي شوب.. صار زوجي يسألني ليش بشرتك ماعادت مثل الاول.. وقلت له اني كنت استخدم هالكريم اللي قلت لكم عليه .. فوعدني انه يطلب لي منه كميه من الانرنت وفعلا طلب لي ووصلت الطلبية وصرت الحين ما استغني عنه ابدا
فيلا يابنات عليكم به.. واذا تبون تشوفون شكل المنتج هذا ويب سايت الشركة
www.thann.info
لما تتدخلون الموقع اختارو برودكتس وبتلاقونها في الشريط اللي فوق.
بعدين في الوسط تبي تتضغطون على بودي كير.
إضغطو نكست مرتين وبتشوفون صورته .. وهو اول منتج على اليسار .. علبته مرسوم عليها ورقة شجر عريضة. تبي تلاقونه في آخر صفحة.
ودمتم سالمين
كراوانة @kraoan_1
عضوة جديدة
يلزم عليك تسجيل الدخول أولًا لكتابة تعليق.
الشييماء
•
جزاك الله خير حبيبتى
الصفحة الأخيرة