والله يابنات رحت امس لمكتب العمل بسجل ولقيت الزحمه قلت لا خلاص انسي التسجيل الناس زحمه داخل والنفس على النفس ومنعوا اللي برى من الدخول وبعد جهد جهيد دخلت بعض ان البنات هددوا الرجال ورجل الامن اذا ماابتعدوا وخافوا الرجال وقفوا على جنب صاروا مايقدرون يطلعون ولا يدخلون ويوم دخلنا انواع السب والطرد
شتبون من قالكم عندنا اعانه ماعندنا استمارات خلصت وقامت وحده الله يجزاها خير وجمعت فلوس وصورة وجابت الاوراق بعض نص ساعه وتزاحموا وقت التوزيع وصارت نست تصور الوجه الخلفي للورقه ورفضوا ياخذونها وراحت من جديد وجمعت صور وصورت مره ثانيه ورجعت وعبينا وطلعنا لدرجه ان ماقدرت توزع دخلت وصكت المكتب عليها وقالت الاوراق من الشباك وطلعو ا البنات يركضون ورى البيت عند الشباك كانك بالمقصف لمى تشترين والبنات يدفون بعض والله يعين ويوم طلعنا لقينا الزحمه صاروا صكوا الباب وزعوا الاوراق بالشارع وقعدوا البنات على الرصيف يعبون الاستمارات على الارض منظر حضاري هههههههههههههه اخليكم مع الصور
مسكين هالشرطي جته وظيفه غير وظيفته ههههههههههههههههههه
وعلى فكره يقولون الموظفات مالنا شغل بالاعانه مو عن طريقنا التقديم حنا مكتب توظيف مفتوح طول السنه بس البنات تشبثوا
ويوم طلعت حصلنا الشرطه والمرور والزحمه
صاروا اللي بالشارع يعبون الاستمارات ويعطون الشرطي اللي واقف مبين بالصوره ومعله كيس كبير يحط فيه الاوراق تخيلوا والاوراق استماره وشهادات بدون تدبيس من يقعد يدور عاد اللي تروح تاخذ دباسه وياها احتياط انا دخلت يوم شفت الكيس كلن يرمي فيه ودبست اوراقي من داخل
الله يرزقك ويرزقنا من واسع فضله