.
السلام عليكم ورحمة الله وبركاته .
ترددت انى اكتب تجربتي لكن للفائده لكم .
بدايتي بالموضوع مثل اي بنت كرهت انها تظل لابسه النظارة والتقيد بالعدسات الخارجيه
ومع تشجيع اهلى واخوانى قررت اروح لفحص اجراء عمليه ليزك . لكن للاسف اتخذت هالقرار بدون تفكير انى ممكن اسال عن مستشفى متقدم وممتاز لطب العيون فا اخترت مغربي للعيون
رحت عندهم واخذنا موعد لزيارة الدكتور المختص وجا اليوم المحدد واجرينا عدة اختبارات للعين
وكل اختبار بمبلغ بالاخير صارت كل الاختبارات بمبلغ 900 رجعنا للدكتور وكشف على الاوراق وحدد زراعة عدسات
وهل انا موافقه او لا ؟
كان لى خيار انى اتراجع لكن مايسوون شي الا تدفعين اول
قال لى اخوى كملي والى الله كاتبه بيصير .
بالمقابله مع الدكتور حدد سعر العمليه 16000 انصدمت صراحه هذا بدون الاختبارات والحاجات الثانيه !
طبعا قال ندخل بالعين عدسه صغيره وبس . ومابدا وماشرح اى شي
قال : روحو ادفعو نص المبلغ وارجعو لنحدد موعد العمليه
طبعا العمليه كل عين لحالها وبنج موضعي
توكلت على الله ورحنا باليوم المحدد تفاجات من الوضع دخلونى بغرفه عمليات ولباس عمليات وكل شي
تخدير موضعي وعملت العمليه كل عين باسبوع . خروج بنفس اليوم
اول عين تعدلت الرويه بعد ثاني او ثالث يوم مع وجود وشوشه
العين الثانيه من ثاني يوم العين الرويه واضحه كل شي تمام بكلام الدكتور الوشوشه مع الوقت تروح !
وبعد عدة مراجعات اتضح انى العين الاولى مش تمام وقال الدكتور نظر العينين مو متساوى بعد سنه لو ظلت كذا نظطر نسوي تشطيب بسيط للعين .
كنت وقتها ببكي صحيح الفرق مو كثير بس مسبب لى ازمه احس انى عين وعين
وعلى كذا بعد عدة اشهر صارت العين هى نفسها مو تمام يجيني فيها الم مايروح الا بالمسكنات
بكل مرة احاول انى اراجع الدكتور واخاف يخرب عيوني
طبعا بعد بحث بالنت لقيت انو هذا الدكتور يعمل زراعه عدسات لكل الى عندهم قصر نظر مدري هو عشان الفلوس او كذا عباطه ؟
ماكنت ناويه اكتب اسمه لكن عشان تاخذو الحذر ولاتستعجلون مثلي
اسمه الدكتور هشام ابو حسين .
عشان كذا كتبت الموضوع نصيحه لكم المغربي لا لانو همهم انك تدفعين وبس
مايهمهم لو فشلت العمليه هم ياخذون الفلوس ويصرفونك بآي كلام .
يعني الوضع الحين
عين تمام والعين ثانيه لحد الان فيها قصر نظر .
.
حاليا اطلب استشارة منكم / ا
العين الي ماضبط فيها النظر هل تنصحونى انى اراجع نفس الدكتور مع انى متخوفه
او اروح لمستشفى ثاني ؟
او اظل على حالي ازين لي
شورو علي
هل فيه امكانيه ازالة العدسه من العين واعاده العمليه ؟
:(
.
حسبي الله ونعم الوكيل .
حزينة الشرقية @hzyn_alshrky
عضوة فعالة
هذا الموضوع مغلق.
££7ddy-Classy££
•
الله يشفيك ويفرج همك ماعندي فكرة
الله يشفيك
لكن ليش زراعه ؟؟
ليش ماسويتي ليزك يعني زي التشطيب وبس
بدل الزرع
والله يخفف عنك ويحمممميك
لكن ليش زراعه ؟؟
ليش ماسويتي ليزك يعني زي التشطيب وبس
بدل الزرع
والله يخفف عنك ويحمممميك
عليك العافية ان شاء الله انا اراجع في مستشفى التخصصي خالد وعند تحدب بالقرنيه ورحت لمستشفى الحبيب قال لي عندهم زراعات حلقات بالعين ب8000 ريال واذا فشلت سحبنا الحلقات وبصراحة هذي عين ماينلعب فيها
انصحك تروحين عندهم او التخصصي افضل واكفء ولا ترجعين للدكتور الاول وشوفي وش يقولك
والله يشفيك وطمنينا
انصحك تروحين عندهم او التخصصي افضل واكفء ولا ترجعين للدكتور الاول وشوفي وش يقولك
والله يشفيك وطمنينا
الله يعينك ويختارلك اللي فيه خير
صراحة ماعندي معلومة غير اني زي حالتك قصر نظر
رفع
اللهم صلي وسلم وبارك على عبدك ونبيك محمد وعلى آله وصحبه اجمعين
صراحة ماعندي معلومة غير اني زي حالتك قصر نظر
رفع
اللهم صلي وسلم وبارك على عبدك ونبيك محمد وعلى آله وصحبه اجمعين
الصفحة الأخيرة