up

مصر أم الدنيا بعشقها مووت وكنت ألوم زوجي يوم يقولي أنا مدمن لها أيام الملكة لكن بعد ما سافرت لها خلاص ما تمر سنة إلا وأطل عليها مرة أو مرتين أحيانا ..
مولاتها حلوة .. بس مو بفخامة الأسواق عندنا .
عندك جنينة مول فيه محل إسمه متش مور هذا ما أتعداه للإكسسوار وشنط البيبي بضاعته حلوة وأسعاره أحلى ويسبقنا في الموضه بسنة تقريباً يعني إذا شريت إكسسوار من هناك حصلته بعد سنة نازل هنا ومدبول السعر.
ملحق هيلتون رمسيس مثل ما قالت الأخت حلو بسسسسسسسسس للأسف أنا بطبيعتي ما أحب زحمة الخليجين وتعرفين هبالهم ومناظرهم ورحت له مرة عنده ماركات للجلديات و بس حرمت أطلع له مره ثانية..
عندك
جراند حياة مجمع يستحق الزيارة كبير ومرتب فيه كل شيء ومستواه فوق المتوسط ويوجد فيه 70 دار سينمابس ما أدري وينهم (أسأل الله العافيه) يعني لما تروحين بتقولين وش هالزحمة بس تدخلين تعرفين السبب .
عندك الحسين يستحق منك زيارة بسسسسسسسسسسس انتبهي لازم يكون معك جنيهات فكة لأنه الشحاته على أصولها هناك وبيع الورد (لا تشترين لو نشبوا فيك وإذا بلشوك إشتريها وإرميها لا تشمينها) وخليك مفتحة عيونك النشل من هالأطفال ماشي(وخذي هدايا لصاحباتك وأخواتك من بدل الرقص اللي عندهم وسعرها حلو وتقدرين تكاسرينهم بالسعر علشان يدعون لك أزواجهم_ والعالم هابه فيها هاليومين).
شارع جامعة الدول العربية حلو.. عنده تشكيلة محلات للجزم والشنط تطيحين لك على أشياء حلوة وكد ومد.وكم مطعم حلوين.
أما بالنسبة للمطاعم لا تفوتين فيش ماركت على النيل روعة.. بعد عندك كاستن في مدينة نصر توب ورايق بس ما أدري إذا التكاسي تدله لأنه داخل حواري وإحنا شقتنا هناك يعني أوصله كعابي.
عندك المركب الفرعوني فيه 3 شفتات غداء(بوفيه مفتوح)- خفايف(العصرية) -عشاء (بوفيه مفتوح)يدور بك على النيل لمدة ساعتين هو حلو بالليل بس فيه راقصة وتدرين هالأشياء نحاسب عليها يوم القيامة (نسأل الله العافيه)بس ممكن تاخذين عشاك وتطلعين على سطح المركب هناك تتمتعين بالهواء الجميل ومنظر النيل وأنتي تاكلين. على فكرة الأفضل تحجزين لأن عليه زحمة من هالسياح واختاري طاولة بجانب الشباك أفضل..(الحجز عن طريق التلفون).
آآآآآآآآآآآآآآآآآآخ على الحمام المحشي بس نصيحة لا تاكلينه علشان إنفلونزا الطيور.
القرية الفرعونية حلوة مش بطاله.
المتحف المصري لا تتعبين نفسك وتروحين له ما أدري هالوقت يكون مزحوم من الطلبة ولازم لك مرشد يشرح لك عن هالميتين اللي هناك وهالتماثيل أنا دددار راسي لما دخلته وتندمت على الوقت اللي ضاع فيه.
الملاهي عندهم كثير بس حقيقة ما زرتها إلا مرة أو مرتين علشان بناتي الصغار وحليوة.
إذا عندك أطفال إشتري لهم ملابس داخليه قطنيات من هناك والله روعة وتلاقينها بكذا مكان انا بشتريها من التوحيد والنور مرتبة وما تتغير.
محلات قمصان النوم بوسط البلد حلوه تلاقين لك كم شغله ذوق هناك.
إذا أنتي من هواة القراءة لا تفوتين مكتبة مدبولي ما تتخيلين عندهم كل شي عن جميع الدول.
برج التلفزيون (شي مضحك معلم بارز بمصر بس على أيش مش عارفه_رأيي الشخصي)أطلع مع درج متهالك وضيق لأعلى البرج علشان أطالع من دربيل وفيه إستراحة يع ما حبيتها تجلسين فيها تاكلين جاتو وعصير بس صراحة مستواها مش ولا بد.
والتصوير هناك شغال.. يعني أول ما تدخلين صورة وانتي بالإستراحة صورة وطبعا كل شي بثمنه ويسونها لك بالكمبيوتر ويترجمون حروف إسمك بالفرعوني وتعرفين معناها بالرسومات الفرعونية يعني مجتهدين بس ممكن تاخذين هالصور كذكرى إذا حابة.
لا تفوتين ركوب الكريته (العربة اللي يجرها خيل) وتتمشين فيها على النيل بالليل.
المراكب اللي بالنيل لا تفوتينها تاخذلك لفه ساعة أو ساعتين حسب طلبك ورخيصة ونصيحة أركبي مركب ما فيه جروب علشان تاخذين راحتك وانتي تتفرجين وتسولفين مع زوجك لكن بهالوقت ترى جوا النيل موووووت وإذا معك بيبي لبسيهم ثقيل وجاكيتات علشان النيل هالوقت باااااااارد.
السينمات والمسارح ما عندي خلفية عنهم ..
الفنادق والشقق ما عندي خلفيه عنهم..
هذي المعلومات قطرة من بحر الله يهنيكم وانبسطوا ولا تفوتين لحظة إلا واستمتعي فيها مع زوجك... واجعلي مخافة الله حاضرة أمامك حتى يبارك لك الله في مالك وزوجك ووقتك.
رحلة موفقة وممتعه بإذن الله.

لاتفوتك تروحي الريف المصري
يومين بس بالكثير
ايش اكلات بلدي جبنه ومش وملوخيه
وحمام محشي آآآخ لاتذكريني ادمنت عليه
وشوفي الناس عايشه على طبيعتها
ومصر كمان( القاهره)ماقصرو البنات
الملاهي ماجيك لاند احلى من دريم لاند
والسفينه الفرعونيه في الليل فيها سهره حلوه ثلاث ساعات عشا ووناسه
والقريه الفرعونيه روحيها من الصباح افطري وروحي واتغدي على السفينه شوي بنفس السفينه
وبرج القاهره حلو وبرضو فيها مطعم دوار ومطعم عادي تحته
ولاتنسي خان الخليلي اتفرجي بس لاتشتري لأنو الأسعار غاليه واتقضي من السوق اللي جمبه العتبه تراها شعبيه وتصلح هدايا وحاولي تكاسري في الأسعار
اشتريت نص درزن كاسات قالي ب60 جنيه
والله اخذتها ب5 جنيه انتبهي تراهم نصااابين (وعذرا للأخوات المصريات
ولاأوصيك الاهرامات بس لاتشتري شي من هناك لانها موجوده نفسها في السوق
يعني لو لقيتي التحفه في السوق بريال هناك ب10 20 ريال
هذا اللي اتذكره ولاتذكرت شي اخبرك ورحلة سعيده
ودعواتك عاد

انا رحت لمصر وجلست فيها 7 ايام بضبط :)
مشينا من الرياض الخميس وجلست في القاهر ثلاث ايام
سكنت في فندق جراند حياة يطل على نهر النيل وفيها سوق ومطعم رااااااقي
لليلة الجمعه أخذنا جولة على القاهر وبعدينا رحنا مركب الباشا
اغلب المطاعم الي على نهر النيل حلوه وخاصتن المراكب وخاصتن مركب الباشا اكله حلوه وجلسه فيه حلوه بس لازم حجز قبل
يوم الجمعه رحت للقناطر الخيريه طبعا الصباح ومش بطاله تشوفين بيوت الفنانين وتزورين المزارع حقين فلاحين مصر بعدين رجعنا للفندق قبل المغرب وريحنا وفي الليل حضرنا مسرحيه لعادل أمام :)
يوم السبت رحت للجيزه إلي هي الأهرامات وكانت عندي الاهم بس انتبهي لا تشترين منهم ولا حاجة لانهم نصابين ويدبلون السعر عشر مرات ويوم خلصنا مرينا سوق خان الخليلي سوق شعبي ورخيص ويعطيك أجواااااااااااء مصر وعندهم اكسسوار مررره رهيب بعدين رجعنا الفندق
الاحد الصبح طرنا بالطياره لشرم الشيخ وانصحك تروحين لشرم الشيخ وسكنا في
منتجع الفور سيزن وكان طول اليوم بالمنتجع لانه راااااااااااائع وكانت فترة استرخاااء
الاثنين كان يومنا كله في خليج نعمه فيه مقاهي ومطاعم واسواق ورحلات على البحر ويكفيك نظافة شرم الشيخ واغلبهم اجانب
الثلاثاء رجعنا من شرم الشيخ للقاهره بطياره وركبنا القطار الفرنسي ومشينا للاسكندريه طبعا كان الهدف من الاسكندرية هو زيارة صديق زوجي :) جلسنا لحد يوم الخميس بعدين مشينا للقاهر وعلى طول المطار الرياض
الاسكندرية مافيها شي يذكر غير انها ارقىىىىىى من القاهر سكنت في فندق فلسطين في وسط حديقة الملك فاروق وكانت جنه رحت لسوق شعبي اسمه زنئة الستات ومكتبة الاسكندريه وقلعة الاسكندر وكان رائع والباقي قضيناها مع عائلة صديق زوجي :)

بالامكان تلغون رحلة الاسكندرية وتجلسون في القاهر اطول
انا مارحت للاسواق الحديثة في مصر غير سوق جراند حياة كونه في وسط الفندق
لان بطبعي لما اسافر برى السعودية احب الاسواق الشعبية لانها توحي بتراث البلد
اما الاسواق الحديثة موجوده عندنا وبكثره ليش اضيع وقتي فيها وهي موجوده :) خاصه لما تكون الرحله قصيره :)

الشي الي لا يفوتك ومارحت له القرية الفرعونيه كثيرررر امدحوها لي بس ماراحت لها :( فكذا لا تنسين تزورينها
اتمنى انك استفدتي من رحلتي
ولا تنسين تدعيلي وانتي بطياره اني ربي يسهل أمري :)

اهم شي خلي معك فكه على طول بشنطتك وخليها لحالها على جنب لانك طالعه داخله لازم تبخششين والا بيدعون عليك......
وانتبهي من النصب في الاهرام والقريه الفرعونيه واذا بغيتي تشترين شي الله الله بالمكاسر..
والاكل احرصي انك تاكلين في اماكن نظيييييييييييييييييييييييييييييييييييييييييييفه لان التسمم عندهم عاااادي....


لاتنسين تركبين الكرتا او الحنطور على النيل بالليل روووووووووووووووووووووعه مره وبعد لازم تكاسرينه يعني اذا قالك ب 60 جنيه اللفه على النيل اطلبي 30