انا زرعت الأوريو،، من جد ما اكذب.. و طلع لي وردات يحليلها
مو مصدقين.. اراويكم الصور
:42:
جتني الفكرة لما طحنت الأوريو و صار شكله مثل الرمل الزراعي،، تذكرت حلا الكاسات اللي شفته في المنتدى و قلت خل اسوي حلا مبتكر .. وهذي النتيجة
طبعا الطعم ما يحتاج اوصف لكم،، لما يجتمع السنكرز بالأوريو بالجلاكسي اكييييييد راح يكون خيال
اتمنى تعجبكم اول مشاركاتي في المنتدى:icon28:، علما بأني مشتركة من سنوات و ادخل بشكل يومي لكن خياااابة ما اشارك..
____________________________________
بعد التعديل:
المقادير:
دريم ويب مخفوق، سنكرز ، جالاكسي او بودرة كاكاو، أوريو
الطريقة:
تقسمين الدريم ويب الى 3 او 4 اقسام، قسم تضيفين الجالاكسي، و قسم تضيفين سنكرز، و اذاحابة قسم تخلينه ابيض بدون اضافة شي
تطحنين الاوريو وتحطينه في قاع الكاس بدون ما تضغطين عليه، بعدين تحطين شوي من كل خلطة على شكل طبقات و اخر شي اوريو مرة ثانية
للتزين دوري اي خلطة بسكويت بحيث يكون سائل، حطيه بقمع و سوي اغصان ودخليه الفرن، عقب طلعيه و اغرسيه في الكاس و ثبتي فيه مارشملو اللي على شكل ورد
اني اخترعت بسكويت و حطيت فيه زنجبيل عشان يصير لونه بني ، ما توقعت ان بيصير حلو
لأن كل مرة اسوي بسكويت يصير كأنه حجر هالمرة بالعناد صار هش 
البسكوت عبارة عن ملعقة طحين و ملعقة سكر و بيضة و زيت حسب الكثافة، نخلطهم لحد ما يصيروا مثل عجين الكيك ، نحطهم بقمع و نشكل اغصان في الصينية و ندخلها الفرن،،
الورد عبارة عن مارشملو..
و بالهنى و الشفا
يسلمو يا فنانة