زعلانه من زوجي 😢

السلام عليكم .. كيف حالكم
اول موضوع لي 💃
المهم بدخل بالموضوع على طول


انا زعلت من زوجي والحين لنا اربع ايام مانتكلم مع بعض وهو مطنش ولاهامه ادري مستحيل يعتذر بس عالاقل يبادر باي شيء وانا راكبه راسي ماتنازل ولاول مره ..


الحين بشرح لكم قصتي ..
انا وحده احب زوجي ومتعلقه فه شششكل كير واحانا اير نشببه واغار مرره حتى لو مابينت غيرتي بوقتها بعدين ابينها باختلاق المشاكل وهو ماحملني ومطنش ويتغاضى .. وانا ماقد خليته ينام واحنا متزاعلين حتى لو هو الغلطان مع انو انا دايم الغلطانه ..
ولو تزاعلنا وراح المقلط صح على نفسه ونام اجلس اطق الباب برجولي وبيدي وابكي لحد مايفواجلس اتفاهم معاه ببكا وصياح واعتذر ونتراضى
وخوهكذا ادري حركاتي هبلا سويتها كذا مره ومرات ازعجه اطفي المكيف وافتح اللمبه اهم شيء مايطنشني انقققهر من التطنيش
الزبده انه متعود علي مهما زعلته اراضيه بنفس الوقت واليوم والساعه واحيانا ابكي وانقهر واعتذر وكذا
وانا حبي له مرره باين بس اتلزق فوقه هو يحبني ب عادي ينام بدوني ينام بغرفه وانا بغرفه مايعبر عن حبه همه نفسسه ياكل يشينام مايهتم لتعبي واذا شكيت له يغير الموضوع ويقول فكينا .. واحيانا اذا جيت احضنه يقول حران بعدي واذا ضميته مايمسكني كذا واقف ويستهيل ويقول هاه يلله خلصتي


الزبده طولت في الشرح بس ابغى افهمكم ..


المهم انا ولدت قبل فتره وصار عندي بنتين وانضغطت مرره لا انام الليل ولا النهار ومكروفه بالبيت واسوي رجيم كيميائي وتمارين عنيفه وعندي وقرفت حياتي وهو يدري ويشوف بس مايساعد يجي من الدوام ينام يصحى ياكل لقمه ويرجع ينام .. المهم بنتي الصغيره بس تببيبكي لدرجة اشيلها بيد واشنغل وامسح واطبخ باليد الثانيه تعبت نفسيا ومحد عندي من اهلي وجامعتي عندي غيابات ودرجاتي ناقصه لدرجة فجاءه بكيت وحضته وخاف قال ا في وقلتله وهون علي وراح الدوام ..
اليوم الثاني اللي هو يوم الزعل انا مرهقه مانمت زين وهو نايم بالمقلط والبنت تبكي عجزت فيها وشايلتها واشتغل وقام الساعه 2 يقولي سكت البنت معصب وراح نام مع انه نايفي غرفه بعيده وبعدين انا ارضعها وادور فيها وكسرتني بس سكتت .. المهم قرب وقت دوامه وبسرعه اجهز له فطور وغدا لانه يطول في الدوام وماشي على نظام طبعا ماسكه بنتي بيد واشنغل بالثانيه متخيلين كيف المهم خلصت باقي بس احك ملابسه نزلت بنتي عالكنب وبكت الحماره على قومته متعوده عالشيل وانا نفسيتي زفت وجاتني الدوره وتعبانه .. وشوي يعصب ويصيح ويقول انتي مافي قلبك رحمه وحرام عليك من الساعه 2 تبكي وانتي بعنني اكرف واشتغل 😨
انا هنا انقهرت وصحت فيه قلت مالك دخل انت كل ونام ولا تتدخل ماتدري عني المهم شلت بنتي ورحت الغرفه الثانيه وبكيت بكيت لين صدعت تخيلو مواصله وعلي الدوره وبنتي بس تبكي وبنتي الثانيه نشبه وعندي اختبارات وقايمه اجهز فطوره وغداه على تعبي وكرفي وفي الاخير هالكلام
طبعا وانا ابكي توقعت يجي يطيب خاطري
وماسمعت الا صوت الباب وانقهر اكثر
وزعلت بجد ومن يومها للان وانا رسميه جدا معاه قايمه بواجباتي من تنظيف وتبخير وتجهيز اكل وهو يجي ياكل وينام وماجاء لساني على لسانه ولنا 4 ايام وهو ولا فكر
ومقهوره صراحه .. ومصره اكمل تطنيش اهم شيء مايمسك علي شبء من قلة اكل او بيت وسخ ..


انصحوني و اسوي
ترا متفاجى ماقد سويتها لس قهرني مامعي بعد الله الا هو لا ام ولا اب ولا اخت ولا احب اشكي ولا اشارك همومي مع احد


ادري موضووع طويل بس اول مره اكتب 😆