زعلانه من زوجي وسافر ولا كلمني ولا كلمته

من زماااااان ماجيت هنا
لاني من زمان ما تزاعلت مع زوجي
بس قبل يومين كنت معزومة
وقلت له يجيني بالوقت الفلاني
ودق علي وماسمعت الجوال
وطلعت بعدها ب5 دقايق
لقيته معصصصصصصب
هزئني وقال كلام اني ما احترم مواعيدي
وانو مو سواق عندي.. واني مو وجه تقدير
كل هذا عشان 5 دقايق تأخرت
ووالله اوووول مررره اسويها
واعتذرت له واستمر يصرخ علي ونكد علي

بكيت بالسيارة وهو مستمر يهزئني
دخلت البيت عيوني حمرااااء
نمت وانا ابكي من القهر وهو ولا همه
ثاني يوم راح دوامه ولا سأل فيني
ورجع ولا كلمني
وكان متجاهلني ولافكر ياخذ بخاطري


واليوم كان المفروض يسافر للديرة
وبرضو ماكلمني ولا كلمته
وانا انقهرت منه لانه ذلني على هالمشوار
المهم
لما جاء وقت السفر قال لي: يلا انا بمشي
قرب مني حتى يبوسني
وانا صديته وصافحته بسرعة
وهو سافر والمفروض واصل له 3 ساعات
ولا كلمني لحد الان
بالعادة يدق يقول ترى وصلت او عالاقل يرسل مسج
واناما كلمته ولا سألت فيه.. وجالسه الحين عند اهلي



مااي خلق اسمع صوته ولا لي مزاج اشوفه
بس خايفه يركبني الغلط
بيتحجج باني ماسلمت عليه زين
انتم ايش رايكم
وترى سفرته قصيره بيرجع السبت