السلام عليكم
يمكن موضوعي طويل شويه بس حاولو تقروه و تفيدوني
أعطيكم نبذه بسيطه عن ماما صراحه مرررررررره طيوبه و فرفوشه و تمزح معانا و نمزح معاها كأننا صحبات حتى صحباتي دايما يحسدوني عليها و يقولولي سلفينا هيا عيبها زعل مره صعب و على أي شي ممكن ما تكوني تقصدي
نجي للمشكله
ماما لها فترة مكتأبه أو أحس إنها تحب تعيش نفسها جو الإكتئاب و لمن أقولها إيشبك تقول مافيني شي و الله يا بنات بره البيت مرررررررررررررره غير تفرفش و تضحك في البيت لها ركن في الكنبه تجلس تفرج تلفزيون و هيا كده مزاجها م رايق و أنا أجلس بلابتوبي جنبها و نتكلم عادي المهم أنا لمن أشوف ماما مكتئبه أحس مافي حماس في البيت أبدا
المهم صحيت أمس من النوم لقيتها متوتره و أسمعها تقول لبابا حولي المبلغ الفلاني لكذا إستنتجت إنه لأحد من أهلها أسألها إيش فيكي تقولي مافيني شي و إلا شي خصني سألت بابا قالي إذا تبغى تقولك حتقولك أنا ما أقدر أقولك المهم سكت قلت براحتهم و جيت اليوم من الدوام و هيا نفس الشي مكتئبه :09:
صلب المشكله إنه من يومين كنا في فرح و جات صحبتي و أختها و أمهم و أختها كانت دبه ماشاء الله و دحين نحفت كثير قامت ماما سألت أمهم إيش عملت قالتلها إشتركت في النادي الفلاني مع تخفيف أكل المهم إنه ماما إتحمست تخلينا أنا و أختي نشترك خصوصا إنه قريب علينا النادي و لنا تخفيض فيه و المواصلات و متوفره و كلمت بابا و قال طيب حيسأل عن الرسوم و سأل و جا اليوم كلمنا و ماما قالت خلاص أشتركلهم و قالت بس و الله لو ما نحفتو لأخصم الرسوم من مصرفكم أنا مره زعلت قلتلها حتذلونا على الإشتراك :angry2:قالت لا مو ذل بس عشان تتحمسو و تنحفو و بعدين بدأت بمحاضرتها ما كأنكم بنات فشلتوني كل البنات رشاق و إنتوا لا و إلخ المهم أنا مزعلت طنشت متعوده على الأسطوانه
و الله يابنات حسستنا إننا فيله أنا أوكي مليانه يس مو لدرة أفشلها أما أختي جسمها حلو بس من تحت شوي عريضه خلتنها نفشل و الله يا بنات لو تشوف أتخن وحده في العالم تقول لا إحنا أتخن و ربي أكره دي الصفه يعني إنتي مو قاعده تحمسينا أبدا و إذا أحد قلي نحفتي تقوله في وجهي لا تكذبو عليها و تفرحوها و معذلك ساكته و متحمله
المهم صحيت أختي المغرب رحتلها عشان أقولها إنه ماما و بابا خلاص حيشتركولنا في النادي و فرحانه و قلتلها ماما إيش قالت علينا يعني عادي قلتلها مما حشتنا حشه قويه يعني من باب المزح و حكيتها إيش قالت ماما قامت و عصبت و الله لا أروح أكلمها مو كل شويه تهزأنا و نطت بتكلم ماما قمت أنا سكرت الباب و أخذت المفتاح و قلتلها أمنتك بالله لا تكلميها لا تطلعيني فتانه قدامها و الله حتزعل قالت لا حكلمها بأسلوب و أنا أعرفها أسلوبها زي وجهها و أرتفع صوتنا وجات أختي الصغيره تقول إيش في قلتلها مالك شغل و قالتلها أختي قفلت الباب و أخدت المفتاح فقامت أختي الصغيره تقولي فكي الباب قلتلها موضوع ما يخصك راحت بأعلى صوت بابا ماما شوفو فلانه الزفت ( عليا أنا) قافله الباب و قاعدين يتضاربو قامت ماما أنفجعت و قالت إيش في فكو الباب و أختي الصغيره بأعلى صوتها ألحقو فلانه كأني حابستها عشان بقتلها
فكيت الباب و رحت من كتر عصبيتي ضربت أختي الصغيره و سبيتها و ماما ما تحب إننا ضرب بعض و قالتلها إنتي عيب تسبي أختك الكبيره و قالتلي و إنتي ما تمدي يدك عليها
بعدين ماما قالت إيش عندك إنتي وأختك في الغرفه تضاربو قلتلها مافي شي قامت خرجت أختي من الغرفه تبكي يعني إنها تبغى منديل من الصاله و شافتها ماما و قالتليلي أكيد في مصيبه و لازم أعرفها قمت أنا قلتلها شي خاص بيني و بينها قالت لا مافي شي إسمه خاص أنا أمكم و لازم أعرف كل شي قمت أنا عصبت زياده قلتلها مو كل شي لازم تعرفيه كل واحد عنده خصوصيات أنا ما أتدخل بينك و بين و أهلك لمن يكون بينكم شي خاص هذا شي يخصنا أنا 24 سنه و هيا 21 و قادرين إننا نقدر إذا كنا نحتاج مساعده خارجيه و إلا لا قامت عصبت و قالت إن كبرتي تكبري على نفسك مو عليا و الله من عمرك عشان تعرفي تقدري إيش شفتي من الحياه عشان تعرفي تقدري حجم الامور
وراحت عندي أختي الغرفه و قامت الهبله كبتلها كل العشاء و خرجت ماما معصبه و قالت بنات تافهين أنا أمكم أخاف على مصلحتكم و إنتوا تتكلمو عليا من ورايا قلتلها الكلام اللي قلته عادي قالت لا كمان تألفي على لساني كلام أنا قلتلك إنكم تفشلوني ( و الله يا بنات إنها قالتها لكن ناسيه ) و تقول أنا ماقلت و أنا لمن أقولكم كده عشان مصلحتكم لكن إنتي صرتي ما تحترميني و تتنفخي عليا و إنتو مايتمر فيكم التربيه و بكت و سوت مشكله طويله عريضه :06:
و قعدت تقول مافي أم تعاملكم زي قمت أنا قلتلها إيوه لكنك إتغيرتي صرتي تراقبينا في الدخله و الخرجه ( أول ما كانت تكلمنا دحين خروج وسط الأسبوع مافي و إذا خرجنا الساعه 10 نكون ف البيت و يا ويلنا إذا أتأخرنا ) لمن قلتلها كده قالت إيوه إنتوا بنات تبغوني أفلتكم في المولات قمت قلتلها مو بس كده صرتي بس تقعدي زعلانه و مكتئبه و كل ما في خرجه تقولي مالي نفس ( و أخرها عندنا فرح الأسبوع الجاي نبغى نروح ننبسط و هيا ما كانت راضيه بالمضاربه رضيت) أنا وحده أكره جو الكابه
المهم و اخر شي رحت لأختي هزأتها قالت أصلا إنتي السبب في المشكله قلتلها صح عشان أاتمنت وحده زي غير مؤتمنه
أدري إني غلطت و رحمت كلمت أختي باللي قالته ماما خصوصا إني أدري عقلها صغير و بسرعه تقلب لو قلتيلها دي التنورة ما تليق عليكي تقلب و جهها فكيف بأحد ينتقد جسمها
لا و قالتلنا ما في إشتراك في النادي و لميت قشي و أنا أهو في الغرفه لوحدي :06:

dr.wewe @drwewe
محررة ماسية
يلزم عليك تسجيل الدخول أولًا لكتابة تعليق.

حليمــه
•
مافي ام ماترضى روحي سلمي عليها واعتزري واتفاهمي قولي لها انك تنجرحي لمن تتكلم عنك كدا والامور تكون بخير

مايبغالهاا كلام انتي واختك غلطتوو على امك
بس قب الام كبير وبيسامح
روحي ليهاا وبوسي رجولهاعشاان ترضى
وبعدين باين على مك مرة تحبكم وكأبتهاا يمكن اهاا شايلة همكم وتفك في مستقبلكم وكذاا
ياستي احمدي ربك انهاا اشتركت ليكم بنادي وتحاول تنتبة اجسامكم وتحاول تخليكم احلى بنات
بس قب الام كبير وبيسامح
روحي ليهاا وبوسي رجولهاعشاان ترضى
وبعدين باين على مك مرة تحبكم وكأبتهاا يمكن اهاا شايلة همكم وتفك في مستقبلكم وكذاا
ياستي احمدي ربك انهاا اشتركت ليكم بنادي وتحاول تنتبة اجسامكم وتحاول تخليكم احلى بنات

بعيد عن المجامله غاليتى الغلط راكبك من راسك لرجولك بدون زعل انت عرضتى مشكلتك والمستشار موتمن انا اقدر اقول امك غلطانه وانت صح واخت بعد صح لكن هذا اكبر غلط بحقك منى
هذى امك وكلامها مافيه شى كل ام تحب بناتها يطلعوا افضل بنات واحسن بنات وهى من حرصها عليك قالت هذا الكلام ولا سعت انها تساعدكم اشترك فى نادى وتشجيع لكم ولا لو غيرها كان قالت خليهم هم احرار الى تبى تنحف والى تبى تسمن
وكلامها فقط لتشجيع وهذى ام يعنى كلامها مو تحطيم او استفزاز
نجى للغلط الثانى غاليتى ليش تنمين لااختك بكلام امك هذا غلط بحقك تجاة امك غير ان انك راح تخلين اختك تشيل فى قلبها على امك
وكلامك الثانى ونقد تصرفاته غلط ثالث مهما كبرنا لكن نظل صغار فى عيون اهلنا وخوفهم علينا وحبهم لنا هو الى يدفعهم لتصرفات نظنها تضيق وتشدد لكنها فى مصلحتنا هم اكبر منا واعرف بالحياة هذا دور الام والاب وانت بكلامك لامك حاولتى تلغين دورها علشان كذا زعلت منك
امك تمر بظروف هى سبب الاكتئاب علشان كذا تحتاج احد يقف معها ويساعدها وتعرفين كيف الواحد يكون مزاجه لما تتعب نفسيته
امك ثم امك ثم امك اعتذرى منها واطلبى تسامحك وحاولى تساعدينها حتى لو ماطلبت منك
والله يوفقك لك خير
هذى امك وكلامها مافيه شى كل ام تحب بناتها يطلعوا افضل بنات واحسن بنات وهى من حرصها عليك قالت هذا الكلام ولا سعت انها تساعدكم اشترك فى نادى وتشجيع لكم ولا لو غيرها كان قالت خليهم هم احرار الى تبى تنحف والى تبى تسمن
وكلامها فقط لتشجيع وهذى ام يعنى كلامها مو تحطيم او استفزاز
نجى للغلط الثانى غاليتى ليش تنمين لااختك بكلام امك هذا غلط بحقك تجاة امك غير ان انك راح تخلين اختك تشيل فى قلبها على امك
وكلامك الثانى ونقد تصرفاته غلط ثالث مهما كبرنا لكن نظل صغار فى عيون اهلنا وخوفهم علينا وحبهم لنا هو الى يدفعهم لتصرفات نظنها تضيق وتشدد لكنها فى مصلحتنا هم اكبر منا واعرف بالحياة هذا دور الام والاب وانت بكلامك لامك حاولتى تلغين دورها علشان كذا زعلت منك
امك تمر بظروف هى سبب الاكتئاب علشان كذا تحتاج احد يقف معها ويساعدها وتعرفين كيف الواحد يكون مزاجه لما تتعب نفسيته
امك ثم امك ثم امك اعتذرى منها واطلبى تسامحك وحاولى تساعدينها حتى لو ماطلبت منك
والله يوفقك لك خير

dr.wewe
•
شجرة*الدر :
بعيد عن المجامله غاليتى الغلط راكبك من راسك لرجولك بدون زعل انت عرضتى مشكلتك والمستشار موتمن انا اقدر اقول امك غلطانه وانت صح واخت بعد صح لكن هذا اكبر غلط بحقك منى هذى امك وكلامها مافيه شى كل ام تحب بناتها يطلعوا افضل بنات واحسن بنات وهى من حرصها عليك قالت هذا الكلام ولا سعت انها تساعدكم اشترك فى نادى وتشجيع لكم ولا لو غيرها كان قالت خليهم هم احرار الى تبى تنحف والى تبى تسمن وكلامها فقط لتشجيع وهذى ام يعنى كلامها مو تحطيم او استفزاز نجى للغلط الثانى غاليتى ليش تنمين لااختك بكلام امك هذا غلط بحقك تجاة امك غير ان انك راح تخلين اختك تشيل فى قلبها على امك وكلامك الثانى ونقد تصرفاته غلط ثالث مهما كبرنا لكن نظل صغار فى عيون اهلنا وخوفهم علينا وحبهم لنا هو الى يدفعهم لتصرفات نظنها تضيق وتشدد لكنها فى مصلحتنا هم اكبر منا واعرف بالحياة هذا دور الام والاب وانت بكلامك لامك حاولتى تلغين دورها علشان كذا زعلت منك امك تمر بظروف هى سبب الاكتئاب علشان كذا تحتاج احد يقف معها ويساعدها وتعرفين كيف الواحد يكون مزاجه لما تتعب نفسيته امك ثم امك ثم امك اعتذرى منها واطلبى تسامحك وحاولى تساعدينها حتى لو ماطلبت منك والله يوفقك لك خيربعيد عن المجامله غاليتى الغلط راكبك من راسك لرجولك بدون زعل انت عرضتى مشكلتك والمستشار موتمن انا...
مشكوره حبيبتي
إن شاء الله لازم أستسمحها
مشكورة على النصيحه
أدري إني الغلطانه :06: بس من جد مقهرة من أختي يعني بالعقل ما تعرف إنه ماما حتزعل لمن تدري إني فتنت الله يستر لا تهزأني إذا رحت أصالحها
و مشكورة على نصيحتك و أكيد ما أزعل من اللي يوجهني و يوريني عيوبي
إن شاء الله لازم أستسمحها
مشكورة على النصيحه
أدري إني الغلطانه :06: بس من جد مقهرة من أختي يعني بالعقل ما تعرف إنه ماما حتزعل لمن تدري إني فتنت الله يستر لا تهزأني إذا رحت أصالحها
و مشكورة على نصيحتك و أكيد ما أزعل من اللي يوجهني و يوريني عيوبي

الصفحة الأخيرة