ارسلي لها اذا حابه ترجعين لها قولي انا لما تكلمت كذا عشان مصلحتك مالو دخل ب حسد او غيره قولي انا كثير سلكت وأحاول أخفف عنك بس لازم تتقبلي كل آرائي لاني مثل أختك
يعني حاولي تبرري موقفك
صارلي موقف شبيه شوي لك زمان صديقتي جابت ليا طاقه سلبيه فضيعه من شكاويها وهي لِسَّه مخطوبه فضييييع مره زوجها واضح عايفها ومآخذها غصب ويلعب فيها متى ما كان فاضي وله مزاج أعطاها وجه وأخذ عازته منها وبعدين يتركها بالشهور وانا بس اواسي فيها وأزيد ثقتها بنفسها ومره قلتلها انا وامها لو ترجعين هالمره راح تكوني غبيه اذا ما حطيتي شروط وسوى فيها موقف نذاله يقشعر مره وربي بالذات انها يتيمه ومالهم سند
لما دقت تشتكي قلت يا فلانه والله تعبتي نفسيتي وانا حذرتك خلاص وقتها كنت بالسياره وقفلت
تخيلي من هذاك الوقت وهي قاطعتني حسّيت انها بس تبغاني اواسي وخلاص اذا قلنا راينا بصدق شافونا حسودين استغفر الله
ريحي رأسك بس انا طنشتها الصراحة

لا ترجعين لاترجعين لاترجعين لها
قالت انك حسودة وبتظل ماخذه عنك هالفكرة هذا اذا مانشرتها لكل اللي تعرفهم
ربحي بالك وطلعيها من حياتك لمصلحتك والله

راجعي كلامك شوفي كيف وقع ذي الجمل:
لو انا زوجك ما تحملتك= سب وتقليل من شأنها
ماينلام هاجرك من لزقتك فيه= شمتانة في جرحها وتعايرينها
كثر خيره اللي لسه مخليك على ذمته = تستاهلين الطلاق = تمني زوال نعمة = حسد
شايفة كيف!!
الموضوع مو موضوع حومتي كبدي، السبب وقع الجمل السابقة
هذا اللي زعلها وبكاها و يحق لها، تفضفض لك وانتي تتشمتين حتى لو ما قصدتي، هذا هو وقع كلماتك عليها، بالغتي جدا اخطأتي
تبغاك عون لها صرتي عليها فرعون
يعني يا تسكتي وتسلكي او تسبي وتعايري مافي حل وسط ابدا!
تراك مرره تماديتي ما تنلام تحظرك، جرح الحبيب اقوى وهي اعتبرتك اخت تفضفض لك
استسمحي منها لو تغلينها واشرحي موقفك، خلصي ضميرك
ماعليك ذنب لو ما قصدتي ما تصيبك دعواتها، إنما الأعمال بالنيات
الله يهدي سرها وانتي الله يصلحك ما هكذا تورد الإبل

وعليكم السلام ورحمة الله وبركاته ..
من رأيي خيره انها بلكتك هههه
بس مفروض بلباقه قلتي لها انو حتتعب لو تعلقت بشخص هالكثر وانها مفروض تعلق قلبها بالله هو من يستحق هذا التعلق
واما البشر اذا تعلقتي فيهم يتكبرون ويتعالون عليك ويخلونك ماتسوى وهم مايستاهلون هذا التعلق الشديد
حتى لو زوجها مو معناته نص ساعه يغيب تشك وتغار هذا دليل ان الثقه معدومه مو دليل حب

للامانة انا عندي وحدة كذا ماعندها سالفة الازوجي راح وزوجي جا وتشك فية وتقذفة وتغتابه بأسوء الكلام وحتى العلاقة الخاصة تذكرها لي بالتفاصيل و أتمنى أنها تسوي لي بلوك عشان أفتك من سوالفها محومة كبدي جدا سلبية ونكدية الله يعين زوجها .
فاللامانه ما الومك أبد لاني مجربة هالنوعية المقرفة