زعل زوجي

السلام عليكم
هذي اول مشاركة لي بالمنتدى.. سجلت لرغبتي في استشارتكم بمشكلتي مع زوجي لعلكم تكونون سبب في ايجاد حل


المشكلة بيني وبين زوجي بدأت بمزاح... هو كان يتكلم عن عايلتنا يعني مش اسرة أهلي لا
العائلة بشكل عام.. اجداد اجداددنا.. كان يقول ان سمع قصص وسواليف واخذ يتكلم
طبعآ مو أول مرة كل مرة يتكلم ويمزح وانا اخذ الامور بمزح.. لأني واثقة من نفسي ومن عائلتنا.
لكن هالمرة يمكن لأني طفشت او حبيت اسوي زيه
فقلت له انا بعد سمعت كذا وكذا عن عايلتكم.. طبعآ زوجي عصب.
وتغيرت نبرة صوته... قلت له هدي بالله انت قلت وانا رديت عليك
وكل عايلة لابد فيها شيء سلبي هذا عادي وانت كل مرة تتكلم انا ما ازعل.
طبعآ ما رضى وأخذ يزيد بالكلام وذكر لي موقف صار لأحد قرايبي يوم كان مراهق.
انا من غبائي اللي حكيت له عن الموقف لاني كنت جدآ متضايقة وحسيت ان ممكن يساعد في حل الموضوع.
انا من ذكر هالموقف تضايقت كثير وقلت له انا اساسآ غلطانة وستين غلطانة لأني ذكرت لك الموضوع والا مافيه امرأة عاقلة تتكلم لزوجها.
وقلت له حسافة ثقتي فيك.. طلعت مو أهل للثقة ياحسافة.
وبعدها سكتنا خلاص.
ثاني يوم قلت موضوع وعدى وانا مابي ادقق ع كل شي... خلاص موقف وعدى وانا استفدت منه اني ما اتكلم له بشيء سلبي عن اي احد حتى لأجل المشورة.
لكن زوجي ماعدى الموضوع ظل ساكت وزعلان
صار له اسبوع وهو مايكلمني.
قلت له خلينا نتناقش ترى اثنيننا غلطانين ومن هالكلام
لكن كلامي هدر.
انا متضايقة منه حيل لأن اذا زعل مايرضى.
هذا عدا انه يزعل على امور تافهة.


بالله خبروني كيف اتصرف ايش اسوي معاه
يزعل ويسكت مايتكلم وينتظر اراضيه في كل زعلة هذا حاله.