زعل علي والسبب ؟

السلام عليكم
انا صرفت مكافأتي حق الجامعه 850 وماتهنيت فيه
وزعته كله على اهلي وبقي بس 200 لي ويوم جيت اطلبها من ابوي زعل 😑 بنات والله العظيم ان كل البنات الي حولي اقاربي صديقاتي يأخذون راتبهم كامل ولاوحده منهم اشتكت وقالت اهلي زعلو علي
انا انتظرت شهر وعليه عشان بس ينزل واشتري ملابس الملابس الي عندي قليله وكررتها عدة مرات وابي أشياء مثل البنات بس اهلي مو فاهمين انا خلاص صرت بالجامعه يعني احتياجي زاد
حتى يوم صرفلي ابوي المكافأة كان معصب وقال كم تبين اسحبلك منها سكتت شوي قال وش فيك تكلمي بسرعه قلت مافيني شي وخذها كلها / سحبها كلها ورفض ياخذ منها ريال وكان واضح عليه زعلان قلت يابه انا مااحتاج الا شوي منها خذ الباقي ورفض
قلتله خلاص على الاقل امسكها عندك لو احتجت شي تاخذ منه عادي مالك ومالي سوا قال بمسكها عندي بس مارح اخذ ريال!! هو ماكان كذا كان عادي ياخذ مني على طول بس هذه اول مكافأة لي بالجامعه ومدري وش صابه؟ بنات حسسني اني عاقة وبخيلة
اليوم جيت عنده وكان رايق ويضحك وقلت يابه راح انزل السوق ابي بس 200 وناظر فيني نظرات عتاب فهمتها منه وعصب وجلس ساكت شوي قال خذيها من المحفظه وتوه الحين الليلة يناظر فيني نظرات حقد وزعل بنات انا ماابي اكون عاقه انا وش سويت حرام يطلعني مذنبه وانا بريئة يعني غلطت انا يوم طلبت منه بس 200 يعني مايعرف اني محتاجه وامي مااتقضا الا بالعيد .... اقسم بالله كرهت نفسي واحتقرتها وندمانه اني طلبتها عادي بجلس بملابسي لين تتقطع المهم مايزعل ويحسسني سويت ذنب