زفااات رووووعه..

UP

بنات لا تطنشون الله يعافيكم..

ابي افكار غريبه لدخلة العروس والزفه والحركات هذي..

للرفع

لرفع

لرفع

أختي حضرت شبكة الزفة فيها كانت إبداع
على طريقة العصور الوسطى والعروسة كأنها في حفلة تنكرية

وكان فية أربع بنات صغار لابسين لبس الحرس (مثل ملابس العصور الوسطى)
واقفين في الممر ومعاهم رماح طويلة

بعدين طلة العروسة وكان عليها قناع مليان كريستال وماسكة القناع بيدها
والضوء مسلط عليها لوحدها والقناع كلة يلمع
والزفة فيها موسيقة عسكرية وتجي وحدة من البنات ومعاها خدادة لحد ماتوصل للعروس بعدين تقوم العروس تحط القناع على الخدادة وتبدا الزفة وكل ماوصلت للحراس فتحولها الرماح

صراحة فكرتها حلوة وعجبتني مرررررررررررررة

. انا حضرت عرس كانت العروووس ماسكه باقه فيها ليت (كشاف) وكانت ليتااات الصاله كلها مبنده ما عدا طبعا الي فالمسكه والليت مركز عليييها بس هيه وكانت حلوه وايد..

اما بالنسبه للي تبا افكار عن البحر...اقولج القاعه اتكون كلها الوان زرقا و مثلن مفارش الطاولات اتكون زرقا و عليها قماش كأنه شبك..و عقب انثري عليه قواقع و نجوم البحر و ورد ازرق مجفف..الكوشه اتكونين معلقه عليها شبك و اعشاب البحر و قواقع كبيره..البنات الصغار ممكن يلبسون مثل الحوريات و اتحطين على شعرهم قواقع صغار و عشب البحر بس بشكل ناعم.. دخلتج اتكون على صوت امواج البحر و مثلن صوت طيور النورس كأنج يالسه على البحر...اما انتي مكياجج يكوزن فيه الون الازرق اذا يناسبج و بعد دخلي في فستانج لون ازرق خفيف...الباقه ورد ازرق و علقي فيها قواقع صغااار و تنلف بعشب البحر ..طبعا خبيري الي بيسوي الباقه و هو بيعرف بس شوفي لج واحد مبدع في التنسيق..حتى في شعرج ممكن اتحطين نجوم البحر صغار...حلو بعد لو اترشين عطر frish يذكرج بالبحر...اما بالنسبه لهدايا المعازيم ممكن اتوزعين سله صغيره فيها قواقع للزينه و عطر صغير.... اتمنى انها اتعجبج و سلااااامتج

الي فهمته انك تبين حركات لما تدخل العروووسه بزفتها وتكون غريبه


راح اقول لك كم حركه وانا بنفسي حضرت له وغيري برضو


.. في عرس نزلت فيه وحده لابسه ساري و ترقص هندي و قالوا أنه روعه

لانها متمكنه من الرقص الهندي . و بعدين نزلت وراها العروس

و عرس ثاني أخوات العروس و اللي يقربون لها كانوا متدربين على رقصه و كلهم يسوون نفس الحركات

و رقصوا على أغنيه لراشد الماجد ,, يعني سوا نفس اللي يسوونه في الفيديو كليبات


وبرضو في فكره وهي كانت زفه العروس فرعونيه وكان وراها ثنتين لبسين لبس فرعوني ومكياجهم بعد .......... والكوشه على شكل أهرام.........

وبرضو
انو حاطين شاشة عرض كبيره بالقاعه و صورة العروس بالشاشة واهي لابس فستان وردي على ابيض على فرواله
ولامه شعرها فوق ومزينته بحبات فراوله البنت اتهببببببببل بالفراوله
وبعدين صورته واهي تطلع من السياره وتمشي عادي بعدين وصلت الصوره ليمن تدخل لباب الصاله
شوي ولا تطلع البنت بفستانها الأبيض
الصراحه توب كان في فراوله بعد بالورد ماله
الصراحه عرس فرواولي وكشخه...

هذة الزفة من تصميم تسجيلات الرياض وانا شغلتها بالفرح

1) مقدمة رياح ورعد
2) مقدمة الف ليلة وليلة
3) صوت شهرزاد بتقول للوالي حكاية الاميرة اللى ناوية تتزوج
4) صوت سوق ومنادي من بعيد ينادي بالناس بأن اليوم سوف يكون خطبة الاميرة وسوف تكون من نصيب افضل شخص يتقدم
5) صوت الحلبة والفرسان يتقدمون
6) يتقدم قريبها في البداية ويذكر ابيات شعرية في طلب الاميرة ولكنها ترفضة باغنية
7)يتقدم الغني ويذكر ابيات شعرية وايضا ترفضة
8) يتقدم الفتى الوسيم المغتر بجمالة وايضا ترفضة
9) يتقدم القوي والمفتول بعضلاتة وترفضة
10) اخيرا يتقدم الحبيب والشاعر ويفوز بقلب الاميرة
11) ويلتقي العرسان في نهاية الصالة امام الناس
12) تبدا الزفة ويبدأ الغلب معايا تسليط الكشاف وتشغيل مكينة الدخان ومكينة الورق والفلاشات

واذا ودك بعد علمينى