إحدى المدعوات إلى فرح .. تقول :
زفة البنت كانت غريبه صراحة بذكرها لكم ..
نزلت البنت من المصعد اللي هو على شكل كرستالة قدام الحاضرات
وطبعا كان ينزل ببطء المهم وصلت البنت الكوشة بعد ساعة او ساعة الا ربع
طبعا الانوار مافيه الا النور اللي على العروس
المهم ..
بعد مده نزل العريس من المصعد واول ماشافته العروس
رفعت فستانها وركضت وعلامات الخوف على وجهها ؟؟

وش السالفة؟

استغربنا من تصرفها !!

نزلت من على الكوشة وركضت بسرعة هاربه منه..

وهو العريس رافع مشلحه وبيمسكها وهي تصرخ

وش السالفة ياعالم ؟؟

قلنا ياااحرااااام مغصوبة عليه !!

والعروس والعريس من مكان الى مكان مطارد لين مسكها !!
وماتسمعين من الحريم الا كلام التشفّق والحسرة على البنت << ياقلبي ..

وبالنهاية

يوم مسك العريس زوجته

جا حاضنها وماسك يدها وراحوا على الكوشة .. وهم يضحكون .

مو كأنها صارت فلم هندي وفلم ماسخ بعد
صدق من قال :
أهل العقول براحه
يازين العقل زيناه
أستغفر الله .. شرّ البليّه مايُضحك

انا كل الزواجات اللي رحت لها كل العرايس ينزفون برجولهم ما فيه شي غريب

:eek::eek::eek:
من اغرب الزفات اللي سمعتها

الحمد لله على نعمة العقل
انا اصلا ما اؤيد هالزفات واذا لابد تنزف العروس لحالها زفة عادية وبسيطة وان شاء الله انها بتتوفق في حياتها وهذا عن تجربة مع قرايبي
انقهر لما يدخلون الرجال في صالة الحريم يترقصون خير ان شاء الله قلة حيا
ويا سلام عاد اذا المعرس سنتر فترة طويلة مع العروس ولا رقص معها ولا حبها قدام خلق الله
ويا سلام اذا بعض المعزومات فاصخات الحيا لا غطى ولا ستر كنها ما تشوفه
اتذكر يقولون واحد جالس جنب العروس وعيونه تدور بين الحريم ويوم هاوشته وحده منهم قالت استح على وجهك عروستك جنبك وتطالع قال هذي ممدي عليها
ولا وش هالخرابيط وحدة تدخل على بعير ووحدة تنزل من السقف ووحدة في تابوت ويجي المعرس يبوسها قدام الناس ما باقي الا ينام جنبها
ووحدة تدخل شايلة طفل مولود
والمشكله البنات معاد يستحون يعني في جرئتها في ليلة زواجها تقولين لها عشر سنين متزوجة
والامهات معاد فيهن عقل يبغون التميز باللي هي به صح غلط حلال حرام كله واحد والرجال صاروا تيوس اي شي تقوله الحرمة يمشي
هذا غير المبالغات والاسراف
ولو اللي يبالغون اغنياء نقول عادي كلن على قده المشكله ان حتى اللي ما عندهم تطلع الفلوس في الزواجات لدرجة تثير الفضول ودك تسألين من وين جبتوا الفلوس على الاقل احترموا مشاعر بعض المعازيم وخوفوا على نفسكم من العين اللي مطلقة واللي عانس واللي متزوجة سكيتي ومن واحد الله اعلم بحاله وااللي واللي ...الخ
الله يبلغني في عيالي واشوفهم معاريس في زواجات بسيطة كل ما يدور فيها يرضي الله ويرزقهم زوجات متدينات ويرزقني وابوهم برهم

بنت خالتي انزفت بقفص روووعه

وزوجت اخــوي مسكت بيده بدل المسكه ..

سلة سمـــك روووعه

وعقبااال مااقوول لكم زفتي ..

يااارب