زفـــــــة عرس غير شكل

أهلييييييين بالبنات كيفكم
موضوعي اليوم حتى لو انعرض من قبل راح اعرضه اليوم
عشان الكل يستفيد ....
وهو ايش الزفه اللي عملتيها في عرسك حتى لو كانت بسيطه
ببدا أنا <<< مومعرسه مسكينه :09: خخخخخخخخ
بقول ايش سوينا في عرس أختي كانت الحركة غريبه شوي وبلا طول سيرة الحركة هي
رقص باليه أفهمكم كييييف

كنا مجهزين لدخول العرس كانت معانا منظمة زفات وكانت الزفة على شكل رقص باليه
في البدايه كانت الموسيقى مشغله ودخلت انا واختي اللي اصغر مني << تخيلت نفسي عروس ( حسيت روحي اميرة الكل يطالع فينا والاضواء علينا ) <<< كانت رجلي ترقص من الخوف خخخخخخ
وكنا لابسين ثياب باليه قصير ه تقريبا تشبه الباليه ومعانا قفص عصافير حلو داخله بيضه
فيها لمعه من الداخل .... أنا كنت ماسكه القفص في ايدي اليسار وأختي قدامي ماسكه القفص بيدها اليمين
وكانت الموسيقى فيها صوت عصافيرة طبعا.... دخلنا الصاله وحنا نمشي ويدنا الثانيه اللي مافيها قفص
مادينها ونحركها مثل الموج <<< حلو الوصف خخخخخخخ وكنا نحرك جسمنا بطريقة معينه تناسب الموسيقى
بعد مانركب الجسر نمشي شوي وأنا أوقف وتكمل أختي مشي الين نص الجسر وتوقف
وتالي تدور لي وتعطيني وجها ونتبدي نرقص باليه بحركات في اليد ونزلات مع بعض ومثل بعض
طبعا تدربنا عليها وقت طويل انا واختي عشان نضبط الحركات عدل
وبعد مانخلص امشي وتمشي اختي الى نهاية الجسر ونوقف وبعدين تدخل بنتين غيرنا وسووا حركات
غير عنا ويخلصوا وويوقفوا ورانا وبعدها نمشي الى الكوشه اختي اللي قدامي تروح يمين
وانا أروح يسار الكوشه قريب من كرسي العروس وهكذا الباقي
بعدها تدخل العروس وتبتدي موسيقى ثانيه مع ترتيب الوقت طبعا منظمة الزفة هي اللي تسوي كل شئ
تاشر لنا متى نمشي ومتى نوقف
وبعد ماتدخل العروس تمشي الين ماتوصل الى تقريب نهاية الجسر قبلها ب11 خطوة توقف
تروح اختي الى العروس وتفتح القفص اللي عندها وتاخذ البيضه وترميها بكل قوتها فوق الجدار اللي فوقهم
وراح يتناثر اللمعه في النص بينها وبين العروس وبعدين تعطي البنت العروس تحية باانحنائها
وبعدين تمشي العروس خطوتين وانا اروح لها واسوي نفس ماسوت الاولى وهكذا كل مره تمشي العروس خطوتين
وكذا بتكون في نهاية الجسر بعدها تمشي العروس واحنا نعطيها تحية باانحناء الين ماتقعد على الكرسي
وبعدين نرقص باليه حواليها بحركة دائرة ثلاث دورات حواليها وتاخذ اختي القفص حقها طبعا بنكون تاركينه على الارض عشان نعطي العروس تحيه وهكذا بالترتيب ناخذ القفص ونمشي الى الجسر
وبنكون بترتيب وحده ماسكه القفص باليسار ووحده باليمين وايدنا الثانيه نحركها << مثل مافهمتكم في البدايه
عاد الناس انهبلوا علينا عجبتهم الحركة كانت روعه بالاداء طبعا وقعدنا نجمع تعليقات الناس
ثلاث اسابيع من بعد العرس الكل قام يتكلم عن العرس
انشاء الله عجبتكم فكرة الزفة :09: <<< تعبت من الهدره خخخخخخخ
ها وش رأيكم لاتنطشوووون:( <<< تالي تزعل وأخ من زعلها