:26:

الف مبرووووووووك اختي الوفااااااااا

وعقبال الباقي


تخيلتها مررررررررررررره حلووه !!بس مافي تأأثيرات صوتيه !!؟؟



عموما الله يبارك لك ويوفقك آمين

فكرة الزفه مررره روووعه ورومانسيه
يعطيكِ العافيه فكره حلوه
الف مبروك وموفقه:26:

السلام عليكم
فكرتك حلوه ورائعه جدا جدا..
الله يوفقك ويسعدك يارب...


بس بنات من عنده موسيقى لـ زفه بحريه او امواج بحريـــــــــه..
شكرا لكم..:27:

بأقترح عليكي بعض الزفات اللي شفتها في زواجات هالعام :

بالنسبه للطريقه ازفه بالبدايه ممكن تخلون الزفه تبدا قبل دخله العروس بصوت رياح قويه وعواصف وبرق ورعد ...ثم دقات ساعه....ثم صوت خطوات واضحه وعاليه جدا ...ثم صوت فتحة الباب ...وهنا يفتح الباب لللعروسه كي تدخل في زفات بالبدايه يحبون يحطون شعر وهذي اول ماتدخل العروس من الباب وتظل واقفه الين مايخلص الشعر ....ثم تبداء زفتها ..في فكره شفتها تكرررت مرتين ..وهي يوضع كوب عصير طوله متر او متر ونص ويكون ملين عصير معين ويكون في مصاصا اول مايدخل العريس والعروسه يشرب هو ثم تشرب هي بعده من نفس المصاصه ((حركه جديده))...ممكن العروس واثناء مشيتها يجي طفله صغير وشايل معه سله مليانه ورد ويرمي العريس والعروس الورد منها على الحضور .....طبعا لازم قبل دخول العروس تترسون لهم الممر ورد تغطون فيه الارضيه او الممر اللي بتمشي فيه العروس
وممكن انك تجيبن ((مادري ايش اسمها))((اللي يرتكز عليها الرسام ويرسم فوقها تجيبن مثلها بس تكون حلوه او تودينها لاحد يشتغل عليها بالوان تتناسق مع الوان الكوشه وتجيبين دفتر
فخم وهذا عشان صاحبات العروسه وقرايبها يكتبون لها كلمه وتضعينها عن باب دخول القاعه
واذا جت العروسه تحطينها بالكوشه عشان اول ماتطلع الكوشه هي وعريسها يكتبون كلمه الختام لهذي الليله
وممكن تجيبين واحده ثانيه قبالها وتحطين عليها صوره مكبره للعروسه مع العريس يوم ملكتها ((خطوبتها او صوره حلوه لها مكبره ))

وعلى فكره الحين نازل موضه الكوشه الهندي ممكن تسوي الكوشه وتلبسون اذا جت العروسه لبس هندي وتسون رقصه موحده انتي وبنات العيله قبل دخول العروسه .
الشخصي ببعض الزفات اللي عجبتني بالترتيب:
1-راشد الماجد جدد اغنيه قديمه لفريد الاطرش ((دقوا المزاهر جنان ))خلاها كلمات خليجيه بنفس اللحن وروعه ((اسم الاغنيه احلى ليله))
2-عبد المجيد عبد الله ((محروسه)) شي راقي وحلوه
3-محمد عبده ((الحمام واليمام)) شي تحسينه ملكي قمه الروعه
4-في زفه جديده اللي انزفت عليها اميره الاردن اتوقع اللي صار من شهشهرين على الامير حمزه الهاشمي وفي واحده من صديقاتي حطتها في زو اجها حلوه اغنيه لماجده الرومي مادري انا ماعجبتني بس في ناس عجبتهم.
ومادري اذا كافي ولا تبي شي ثاني؟؟؟



:26: :26: هذي افكاري كنت فدت واحده من البنات فيها ان شاء الله تعجبك وتستفيدي ولولو شوي.