زفو العروس

في ليلة من اليالي كنت اتصفح النت كانت الساعه الثانيه فجرا لا اعرف مالشئ الذي اعتراني في تلك اللحضه

شئ من الضيق على غير العاده

قبلها بيومين اتصلت على امي واطلت معها في المكالمه قالت لي

يابنيتي يكفي والله طولت عليك قلت لها ماعليك يمه انا اصلا شاحنه بخمسين ريال خصيصا لك تكلمنا في كل شئ

حتى ان بعض المواضيع ليس لها مناسبه كئنني كنت اريد ان اسمع حديثها واتركها تتحدث وتطيل في التحدث وانا

نادرا ما ارد تركت الساحة لها فهي الان ملكة الساحه لاصوت يعلو فوق صوتها اطربيني ياامي بحديثك العذب

الحت علي يكفي يابنتي فلقد اطلت وبعد الحاح منها سلمت عليها واقفلت السماعه

انتهيت من تصفح النت ولازلت احس بقبضة في قلبي \ ذهبت لفراشي ولم انم جيدا اتقلب يمينا وشمالا

وطلع النهار وفي الضهيره اذا بي اصحو على صوت ابني


يمه قومي قومي بسرعه خالتي تقول جدتي تعبانه مره


اصبت بحالة من الذهول والشكيك في البدايه \ كيف متى صحيح ماهو صحيح واخذت السماعه وقلت

لاختي وشفيها امي تكلمي قالت وهي تحاول ان تهدئ من روعي هلا وشلونكم وشخباركم


انا حينها عرفت ان امي حدث لها شئ لان من اين لاختي تلك الاعصاب البارده تسلم وتاخذ وتعطي وامي

بين الحياء والموت عرفت انها تحاول ان تتماسك لانها تمهد لشئ ما \ رجعت اسئل حلفتك باالله امي

فيها شئ قالت وتخنقها الغصه مادري كلمي اختي تبيك

رميت الجوال في السرير وانا ارتجف جسمي كله ينتفض لم اريد ان اكلم اختي الثانيه وهي اختنا الكبرى


لاني لم اريد ان اسمع كلمة امي ماتت خلاص عرفت ان هاذا الشئ قد حصل بالفعل

بعد ربع ساعه من الخوف والبكاء تمسكت بصيص امل واجريت اتصالا على امي فاذا به يرد علي


ان الهاتف المطلوب لا يمكن الاتصال به الان


هاتفها اخبرني انها ماتت ماتت ماتت خلاص لايمكن الاتصال بها

صرخت باعلى صوتي يمه ردي علي يايمه ناديت احد اولادي تابع اتصل يمكن ترد \ بعدها

اتصلت علي اختي الكبرى هلا وشلونك متبعة بذلك نفس اسلوب اختي التي سبقتها

قاطعتها امي فيها شئ قالت هي تعبانه والحين على التنفس الصناعي ممهدة بذلك الموقف فبل الصدمه

ادعيله وهي الحين ماتحتاج الا الدعاء والصدقه انا سكت وهي سكتت لساني حالي يقول لها هل تريدين ان

تخبريني بشئ وبعد دقيقه من الصمت قالت والحمد لله حنا ناس مؤمنين ونعرف كلنا ماشين على هالطريق هاذا

كلنا نبي نموت وادعيله ايو والله الله يرحمه

قفلت السماعه وانفجرت في البكاء خلاص فخبر وفاة امي تئكد لامحاله

قالت اختي بعد ان اسمعتني الخبر ابشرك امي ماتت احسن موته لا تعبانه لا مريضه لا منغثه

ولاحتى ماتت على التنفس الصناعي هي ماتت بفراشها


كذا موتت رب العالمين

الخبر هاذا يمكن ريحني شوي انها لا ماتت تعبانه ولا متعذبه بالمستشفيات وان ربي راحمها

مثل مايقولون الحريم الكبار جعلني من حليلي لقبيري

الحمد لله كلنا بنموت ومؤمنين بالقضاء خيره وشره بس الحمد لله امي ماتت من غير ماتتعذب ولا تحس

طلبت من زوجي يحجز لي على اقرب طياره لازم اروح للعزاء باقرب وقت اقرب حجز الساعه الرابعه فجرا

مضيت هالليله وماادري وشلون مضت اسوء ليله بحياتي ضناي وهو ضناي مات ببطني بالتاسع حزنت

اكيد بس نمت وتعوذت من الشيطان وقلت لازم انام استعدادا لروحة المستشفى بكره عشان يولدوني

الا موتت امي شئ غير

لا هم الا هم فقدك يايمه قبلك همومي سفاه وتسلي


حطت الطيارة بديرة امي وقلت صدق من قال عرعر غير وازيد عليها ليه عرعر اليوم حزينه

وصلت لبيت امي وكنت قبله طلبت من خواتي يسبقوني للبيت ماودي اجي مالقاها على غير العاده

وبحكم انهم اقرب ماقصرو خواتي الله لايحرمني منهم قعدنا نواسي بعض وكل وحده تحاول تهدي الثانيه

وتحاول تماسك وهي تكذب اذا قعدت لحاله جابت الاولي والتالي

جت زوجت اخوي الكبير ماقصرت جابت فطورها وقهوتها وشاهيها وتحاول فينا ناكل لو بس لقمه قالت لازم

تاكلون تراها ماترضى هاشئ يله كولو الحين وراكم روحه \ قالت اختي الكبيره انا ابروح بعد شوي

ابغسل امي من تروح معي اول شئ ماقدرت اني اروح معها قلت ودي بس ماقدر اشوف امي بهالحاله


بس لما شفها لابسه العبايه قلت وقفي ابروح معك انبسطت وقالت الحمد لله ماكان ودي تتركوني لحالي

قلت لو بس ياصلها من بري له هاذا الشي يكفيني ادوس على قلبي لاجل اللي هي بعد قلبي

لبسنا العبي قالت اختي الصغيره ماشين قلت ايه ماودك تمشين معنا قالت نفس كلامي ماقدر اشوفها كذا


قلت يابعد قلبي هاذا اخر ماياصلها من برك له امشي قالت انا معكم \ مشينا وحنا ولا كلمه بالسياره


صافقنا الهم والبين والخوف كل وحده تقول ياربي وشلون ابشوف امي كذا

وقفنا عند المغسله ونزلنا ودخلنا ماندري من اي باب ندخل استقبلونا حريم المغسله وانا ادخل ولمى شفت

امي على الحديده كنت ابطلع ماطلعت رجعت وتمسكني وحده منهن انتو بناتها هاه قلنا ايه قالت

ماشاء الله ماشاء الله ماشاء الله شوفوها شوفو وشلون هالابتسامه على وجهها تعالو شوفو

شفناها وكانت عليها ابتسامه وحنا اللي تحب رجولها واللي تخمها واللي تحب راسها وكلنا على لسان

واحد سامحينا يمه وكلنا ندعي الله يتفبلها مع الصالحين والشهداء والانبياء امين يارب قالن المغسلات

شوفو حنا خلاص غسلناها وقضينا وماشاء الله امكم اسهل وحده غسلناها اليوم كانت سهله مره يله خلونا

نلف الشراشف ونطيبها ونصلي عليها وهم بعدين الرجال يصلون \ وطيبناها وصلينا عليها وراحت

وحنا طلعنا من المغسله وركبنا السياره وكلنا صمت مثل ماجينا بس كئن نص الهم اللي فينا راح وكئن جبل

من الهم راح انزاح السياره كانت تلفها السكينه والطمئنينه شوي وقالت اختي الكيبره خلاص الحين يابنات

مالنا غير بعض مانبي نقطع بعض كلنا اتفقنا على هالشئ


وسبحان الله كنا نسئل حالنا ياربي حنا ليش كذا وين الحزن اللي فبل شوي على امي \ سبحان اللي ثبتنا


قالت اختي الصغيره تصدقون احس امي يومن يغسلونها وياخذونها كنها عروس يزفونها


قلنا اي والله صدقتي


اوصي كل وحده اذا لاقدر الله على امها لاتترك اخر مايوصل لامها من برها لاتفوت عليها هالاجر العظيم

لايلعب عليكم الشيطان ويقول ماتقدرين تغسلينها تقدرين مكذب عليكم هي صعبه بالبدايه ماكنت انام اتخيل امي

بس بعدين خلاص سلينا ومشينا بالهدنيا بس تكونين مرتاحه انك ماقصرتي مع امك ودعتيها وقمتي بواجبها

وحقها عليك واهم شي لاينقطع برك ولا دعائك له والصدقه كل شئ ياصلها حتى لو من اكل بيتكم والصدقه

الجاريه لها مثل البراده في مسجد يكون مافيه الا براده وحده او برادتين عشان يكون الضغط على برادة امك



دعوتكم لي بالصبر والثبات فلم يفت على وفاة امي الا اسبوعين رحمك الله ياامي