زلــــــــــــــــــــــــــة لسان

يبنات فيه موضوع محيرني ومأنب ضميري اتمنى تريحوني لاني قاعده الوم انفسي ..

السالفه ..اني كنت عند قرايبي وكنا نتكلم وانا بصراحه مااحب احش في احد واحيانا اذا تكلمت عن احد وحسيت اني حشيت واغتبت في شخص وقاموا اللي جنبي يزيدون في الحش والغيبه اسكر الموضوع لاني انا اللي فاتحته واخاف ربي يعاقبني <حريم اللي يهدينا اذا سولفنا نزل بالسنتنا ...

...طبعا مو هذي المشكله ..المشكله اني كنت جالسه انا وقريباتي ونتكلم جا الموضوع عن طريقة التعامل وقعدت اتكلم انا عن وحده وماقلت اسمها باعتبار ان هذا مايعتبر حش ولاغيبه ..وقعدت اتكلم عن البنت وقلت انها مسكينه اسلوبها جاف مع الناس وانها طيبه بس ماتتعرف تتعامل ممكن انها ترمي عليك كلام وتفشلك وانها ماتعرف تمزح وهذا كله لانها في الغربه مع اهلها من سنوات وما احتكت في الناس المهم انا اخذت راحتي بالكلام بحكم انهم مايعرفونها وانها ماتعتبر غيبه .. قالت وحده عرفتها اللي تقصدينها هي فلانه الفلاني اعرفها تقرب لاهل زوجي ..تفاجأت انا وقلت اجل الله يستر علينا وعليها ماودي والله اتكلم فيها ..
طبعا صاروا البنات يعرفونها وخفت من ربي اني اغتبت البنت وتكلمت عنها لاني اخذت راحتي بالكلام احسبهم مايعرفونها ...انبني ظميري والله عاد ريحوني لاني قاعده الوم نفسي .........
استغفر الله العظيم الذي لا اله الا هو الحي القيوم واتوب اليه..