زلقت وانجرح خدي

السلام عليكم خواتي كيف الحال ان شاء الله بخير

ماأدري اذا موضوعي مناسب مكانه اهني ولا لأ

المهم ياخواتي هالله بالتحصين انا زلقت وطحت وبايدي مبخر ومبخر كبير وزاواياه مدببه وشق خدي وخيوطوا الجرح الحمدالله الشق نوعا ما صغير يمكن 2ونص سم ويخيطو 3 عرز داخلي والحمدالله ع كل حال

زوجي يقول مايبين كانه مشخ او شخطه قلم بس انا نفسيتي اول ماطحت حيل تاثرت والحين فيه ندبه بين خشمي وخدي والله يا بنات الحمدالله الي سلم لي عيني الجرح بينه وبين منطقه العين والله تقريبا اصبع واحد فقط والحمدالله ع كل حال ماكنت احصن نفسي الصلاه وبس وكنت اقرا ايه الكرسي بعد كل صلاه بس ماكنت اقرا اذكار الصباح ولا المساء

انتبهوا ياخواتي العين الحق انا من رحت حفله ولد حماتي وانا مو مترقعه صار خلاف بيني وبين حماتي الثانيه والحين الجرح الي في وجهي والله يحفظني انا واعيالي وزوجي من كل شر ومن كل سوء ولاتنسون الاذكاااار

اللهم اني اعوذ بك من زوال نعمتك وتحول عافيتك وفجاءة نقمتك وجميع سخطك ولله الحمد