يازين ذاك الوقت ليته يرد 
أنا تزوجت صغيره وماكنت أشتغل واجد عند أهلي لانه أمي ماكانت تعتمد علينا بس مع أخواتي غيرت نظامها وصار كل شي عليهم الا الطبخ ماشاء الله وانا أخذت نظام أمي مع بناتي صج انه لازم أقول قومي سوي الشغله كم مره بس أنه مستحيييييل أسوي شي طلبته منهم علشان الوحده فيهم تعرف انه الشغله فيها فيها ومحد بيسويها غيرها

هو ع تربيه الام لبناتها
يايصيروا سنعات ويساعدون امهم بالبيت
او كسلانات ومامنهم فايده كله بسبب تربيه الام
انا عني زمان كان شغل البيت كله علينا
كانت امي معودتنا ع الكرف الله يخليها لنا والاعتماد ع النفس ويوم تزوجنا الحمدلله قدرنا نمسك بيوتنا ونتحمل المسؤليه

الله يسعدك
ذكرتينى بايام المتوسط والثانوى كنا نطبخ حتى بايام الدراسة بحكم امى معلمة وشغل البيت علينا
والخميس غسيل المﻻبس كل واحده اسبوع وغسالتنا كانت عادية سبيد كوين لو تذكروها
وكنا واحده عليها الطبخ وتنظيف المطبخ وواحده القهوة والشاى وغسل المواعين وواحده تنظف الببت
ونبدل بالشغل حسب الجدول
عيب هالزمن الدلع وااحنيه الزايدة من اﻻمهات غير النت اللى واخد اغلب الوقت
مع بناتى التنظيف عليهم باﻻجازات وغرفتهم عليهم باﻻجازة والدراسة والنشر والتطببق والكوى
اما المطبخ فهو على بكل اشغاله رافضين يدخلوه هههههه

الله على أيام اول نستحي على أنفسنا اذا بقينا جلسات ﻻ شغله وﻻ عمله لكن اﻻن حسب تربية أﻻم لبنتها تعلمها الشغل زين في عمر صغير وتعلمها مسؤولية العمل المطلوب منها

يووه اذكر زمان امي ماترفع حتى العود من الارض انا بحكم اني البنت الكبيره ماسكه شغل المطبخ كامل وخواتي ثنتين ماسكين البيت وهذي حياتنا ندرس وننظف وفينا نشاط وطاقه بس الفتره الاخيره تغيروا البنات صاروا عالاجهزه وتطلبين الشغله منها تطلع عينك ماسوت اللي تبينه طيب طيب ثم سحبت عليك سبحان الله شخصية الام لها دور كبير بهالشيء