مشكله السعوديين
الجولات بيد كل طفل
الأجهزة بيد كل ورع
3 سنوات ونص تقدرين تتفاهمين معاها
والحريم وقفيهم عند حدهم
قسم هالشي يغبن

شوفي اختي العزيزه
الموضوع هذا يعتمد عليكي انتي اذا كنتي قادره على التحكم بالجهاز بشكل شبه يومي او ماتخليها تحمل اي شي عليه من غير علمك فأشوف انه اوكي واذا ماديتك تسمح

الايباد سلاح ذو حدين لو تقدري تحددي البرامج الي عليه تعليميه وقران كريم واشياء مسليه ومفيده بنفس الوقت اوكي اشتري لها واجعليه وسيله تعليم بالترفيه ..

اما نصيحه اذا انتي ماتقدري تسيطري عليها فأبتعدي عن الموضوع
لأن فيه برامج شات كثيررررررررررررررره خطيره جده وفيها تعدي على خصوصياتكم لاسمح الله في اي استخدام خاطئ

عندي واحد من اخواني مشتري لعياله وبناته الصغار ايباد ولكن حريص جدا وياخذ ويعطي معاهم حتى يتابعهم من غير مايحسون وهو يفهم بالالتكرونيات فمايفوت عليه شي ..

والاول والاخير انتبهي كمان اذا اشتريتي لها تروح وتسمع للبزارين الثانين عن البرامج وتسوي زيهم .. يعني من الاخير لاتحمممممممممل اي برامج شاااااااااااااات لانها بلااااااا ومصايب

اتوقع قصد بنتك الايبود الصغير

عادي ترى مافيه شي اذا ماديتك تسمح اشتريه لك انتي وياها

وحملي لها الالعاب اللي تناسب عمرها

مافيه اي خطر خصوصا هالعمر لأنها ماتقدر تحمل العاب من نفسها

وبالعكس يعلمها على التركيز والتفكير

مدري هذا رأيي وانت اللي يريحك

ما اتوقع اهاليهم يعطونهم ايباد
قصدك ايبود ؟ انا اشوفه كثير بيد الصغااار
وبنتك حيل صغيره عليه .. جيبي لها قيم بوي او اي شيء غير الايبود

طيب اشتريلها اياه عادي مافيه شي انا اخوي عنده ايبود
.. مافيها شي بالعكس
حلو الطفل يكون فاهم ويعرف لهذي الاشياء
وانتي بنتك صغيرة بس حمليلها العاب

انا اخوي احمله الالعاب والبرامج بنفسي
وعنده لاب توب وايميل لكن كللللللللللللللللللللله باشرافنا
وبلاك بيري وضايف اصدقائة لكن كل يوم اشوفه واقرا الاشياء اللي توصله
واصلن هو بنفسه يجي يوريني الاشياء اللي توصله

بالعكس لا تحرمينها اذا عندك القدرة هو شي مرة حلو ومفيد لك ولها
ويعلمها اشياء مفيدة حتى لدينها
انا محملة لاخوي قصص الرسول والصحابة والقران واوقات الصلاة
وصار يقتدي بالرسول كثير ويحافظ حتى على صلاته
ويقرا الاذكار كل يوم ..
انتي بس خليك مشرفة عليها وتطمني + اعطيها ثقة عشان لاتخبي عنك