ام سالم 88 @am_salm_88

محررة فضية

زمن الجاهلية 💔

بسم الله الرحمن الرحيم
السلام عليكم ورحمة الله وبركاته وبعد
كيف حالكم اخواتي الغاليات 💚
الموضوع وما فيه صرنا في زمن ما نعرف فيه الغلط من الصح ما نفرق بين الحرام والحلال ما نميز بين هذا يجوز وهذا ما يجوز 😓
نعم والله انا في حيره من أمري هل انا مكبرره الموضوع ولا صح تفكيري...
المهم المشكله انه حضرت عرس وشفت بعض الاخوات لابسات لبس غير محتشم ابدا فساتين قصيره فوق الركبه والله اني استحي البسها لزوجي كيف في مكان مليان حريم وأطفال والله يعزكن من فوق مكشوف ليش يعني لا هو جميل ولاشي حسيت كأني في مرقص من لبسهن مش عرس لناس محترمين ناس تصلي وتصوم..
يعني احنا ايش وضعنا كيف نقض البصر والله ما كملت جلست شوي ورحت ضاق صدري من الي شفته والي يحزن الدي جيه رجال وكل شوي يتكلم مع الحضور ويشجع ويطلب منهن يزغرتن ليش لهذا الانحدار وصلنا صح ما يشوفنا وهو في غرفه منفصله بس هو عارف انه فيه رقص والأصوات توصله..
الحين ايش الحل هل خلاص ما عاد اروح أعراس من اليوم ...
وهل هذي الي لابسه كذا هل عليها إثم ولا عادي هيه في مجتمع نسائي هذي حجتها.
وللاسف فيه تصوير يعني انت تجلسي على أعصابك لا أحد يطقك صوره وانت ولا تدري..
لأنه والله وصلني فيديو عرس في منطقتنا صاير أهل العرس يرقصون وما يدرون ما خذين راحتهم والله حرام انا على طول حذفته خفت هذي أعراض ناس وكان حديث الناس والكل استنكر. وخاف وقلت أن شاء الله البنات يخافون احد يصورهن وما يبالغون في لبسهم لكن لا حياة لمن تنادي..
هل تشوفون هذا الوضع عادي ولو كان تكشف المرأة لنساء بهذي الصوره يجوز ليش ما شفناه قبل الحين ليش انتشر في هذا الزمن وما كان موجود ابدا
لكن الي اشوفه الصراحه انه زمن الجاهليه يعود وبقوه وهذا ليس تطور ولا انفتاح ابدا ..
الله يسترنا ويحسن خاتمتنا اللهم آمين 💚..

10K

يلزم عليك تسجيل الدخول أولًا لكتابة تعليق.

تسجيل دخول

ام_ياسمين" • 6 سنوات

في الزواجات احس فيه كثير بنات يلبسون للركبه بس الطامه الكبرى شفت لك بنت قبيله في مشغل لابسه كانه كلوت انا انصدمت من الجراه وقلة الحيا ماادري اهلها عارفين اولا لكن اول مره اشوف هالمنظر

الله يهديهم ويستر علينا

كل يوم أنسى حسابي • 6 سنوات

كل أحد حر باللي يسويه، وأنت حرة بعدم حضورك للمناسبات.. ماتقدرين تمنعين أحد ولا تمشين الناس على هواك

عواطف تركي • 6 سنوات

ولا زواج حضرته وكان اللبس محتشم

الغالبيه خاصة اللي بسن الشباب لابسين مكشوف من الظهر والصدر والسيقان وضيق وقصير وهذا الواقع والحقيقه اللي نعيشها في مجتمعاتنا حتى لو حاولنا نغطيها بالكذب ماتتغطى ولا تترقع هذا جيلنا وهذا عرف اللبس بالزواجات والمناسبات وهذا لبس جيلنا مهما حاولنا نرسم صوره مثاليه ونتكلم بالمثاليات الواقع يحكي الحقيقه بدون تزييف .

اما ناحية الحلال والحرام فهو واضح وبيّن مايحتاج نقاش والله يهدي ويصلح الجميع ..

وطن لا ينتهي • 6 سنوات

كل يوم أنسى حسابي :

كل أحد حر باللي يسويه، وأنت حرة بعدم حضورك للمناسبات.. ماتقدرين تمنعين أحد ولا تمشين الناس على هواك

كل أحد حر باللي يسويه، وأنت حرة بعدم حضورك للمناسبات.. ماتقدرين تمنعين أحد ولا تمشين الناس على...

لا ليس حر
الله سبحانه
امر بالامر بالمعروف والنهي عن المنكر

وقال عز وجل عن بني اسرائيل (لُعِنَ الَّذِينَ كَفَرُوا مِن بَنِي إِسْرَائِيلَ عَلَىٰ لِسَانِ دَاوُودَ وَعِيسَى ابْنِ مَرْيَمَ ۚ ذَٰلِكَ بِمَا عَصَوا وَّكَانُوا يَعْتَدُونَ (78) كَانُوا لَا يَتَنَاهَوْنَ عَن مُّنكَرٍ فَعَلُوهُ ۚ لَبِئْسَ مَا كَانُوا يَفْعَلُونَ (

لعنوا وطردوا من رحمة الله لانهم لا يتناهون عن منكر فعلوه

ويقول عز وجل (كنتم خير امة اخرجت لناس تامرون بالمعروف وتنهون عن المنكر)
هنا لانهم يامرون بالمعروف جعلهم الله خير امه

وانت تقولين حرين
مافيه حريه بمعصية الله

كل عمل مباح انت حره فيه
لكن تصل الى ماحرم الله هنا ستوب واجب علينا نتناصح

اما نكتب رسائل او مباشره

وننشر الدين بكل ما اوتينا من قوه
اما اقول هم حرين يسون اللي يبون لا ومايجوز لك وانتبهي لنفسك

تكونين خالفتي ما امر الله به

واقرائي قصة (اصحاب السبت )
فيها توضيح للي يعمل المنكر ماهو جزائه
والساكت ايضا ماهو جزائه

والتاصح كيف كان جزائه

بالنسبه لموضوعك ام سالم
لاحول ولاقوة الا بالله نسال الله السلامه
والهدايه والثبات على الدين
لنا ولهم

شي محزن

يحسبونه تقدم وحضاره وهو عين الرجعيه والتخلف
اي شي فيه معصيه للخالق تخلف ورجعيه ..

ام سالم 88 • 6 سنوات

ام_ياسمين" :

في الزواجات احس فيه كثير بنات يلبسون للركبه بس الطامه الكبرى شفت لك بنت قبيله في مشغل لابسه كانه كلوت انا انصدمت من الجراه وقلة الحيا ماادري اهلها عارفين اولا لكن اول مره اشوف هالمنظر الله يهديهم ويستر علينا

في الزواجات احس فيه كثير بنات يلبسون للركبه بس الطامه الكبرى شفت لك بنت قبيله في مشغل لابسه كانه...

ما اعتقد أهلها يدرون يلبسون تحت العبايه معقوله يشوف بناتهم وما يغارون على عرضهم..
اسعدني ردك 🌹