نَـوضًـهً

ههههههههههههههههه
انا اول ماعرفت للنت سجلتني وحده اعرفها في منتدى قبيلتنا وقالت يالله شاركي
وكانو لاعبين فيني لعب العيال في الألعاب ههههه قصايد وقمر ومدري وش وانا ضايعتن علومي معهم رحمني ربي ذيك الايام ماعرف وشو ماسنجر ولا لونه عندي كان هببت

هههههههههههههههه
وكنت ماعرف ان فيه اختراع اسمه نسخ ولصق وبموت نفسي احط موضوع مثلهم
واروح يابري حالي وافتح قصيده لحامد زيد حدود 30 بيت واجيب ورقة وقلم واقعد اكتبها ساعتين
يوم خلصت واروح المنتدى واجلس اكتبها ساعتين بغيت اموت من التعب
ياعمر الشقا صدق لاتذكرت اكسر خاطر نفسي يازينها ذيك الايام

انا كنت لما دخل النت كان بسلك التلفون والله لايوريك امي يوم تكشفنا انا وخواتي عالنت تفز من مكانها وتورينا شغلنا هههههههه تقول عيب ماحد يدخل النت الا الكبار لاشوف احد فيكم يفكة لامصع جلدة ههههههههههههههه
كنت افتكر موقع سبيستون ههههههههه كنت احبة ودايم نضارب انا واخواتي هم يبغون يشوفون الفنانات نانسي ومدري منو وانا ابغى موقع سبيستون وياويلنا لو درو امي وابوي يهاوشون على طول
والحين بنتي ام 4سنوات تسأل النت سددناه ولا لا زمن عجيب !!

chocolate girl

ههههههههههههههههههههههههههههههه
اجل كل العالم نفسي طلعوا دلوخ
اول ماكان عندي كمبيوتر ماافتحه الا اطقق على الورد والنت ادخل اشوف صور واحملها وبس
ايام اول متوسط ولااصكر الجهاز بدون اغلاق

اذكر كان صديقة اختي اصغر مني بسنتين بس كانت فقاااااااااااااااااشة تفقش علينا واحنا نصدق تقول لنا بالكمبيوتر انا كل يوم اكلم جواد العلي وانه يحبني واحنا مصدقين وتقول الحين بطلعه لكم عاد انا من الدلاخة انا واختي قلنا عيب يشوفنا الرجال واحنا مو متغطيات<<<<انا بااول متوسط واختي البزرة بخامس ياحبي لنا خخخ مودبات
واجيب النقاب حق امي والبسه وواختي اغطيه ببطانية واخليها بس تطلع عيونها ونجلس نستنى نبي نشوف جواد العلي المشكلة صديقتي من فقشها ودلاختنا مو مشغلة الجهاز مطفيته ولاعندها كام ولاشي وتقول لنا الحين بيطلع جواد العلي ونستنى ونستنى وبالاخير تقول مايطلع الا لي انا
ياكبرها عند ربي هههههههههههههههه
قسما دلاخة خخخخخ
اول مادخلت النت كنت بس احمل صور في صور من اول متوسط الى 3 ثانوي وانا افتح النت بالشهر مرتين مرة بس
لمى وصلت 3 ثانوي ودخلت شات كان على ايام اول ناس تسولف زي الناس سواليف صاحية مو الحين وع وسويت ايميل وعرفت اضيف بالمسن ومن بعد الثانوي مادخلت شي ااسمه شات وع ماادري وش احس فيه وانا ادخله ههههه
بس وقت الثانوي صرت شاطرة في البوربوينت ووسويت دروس نموذجية كثيرة بالمدرسة كنت اطلق وحدة وعندي كمبيوتر الباقي ماعندهم ولايعرفون له

ووكنت اطبع لللمدرسة اشياء وويليتهم قدروا جهودي اكرهكم يامدرسة............
>>>مدرستي حكومية معفنة
كنت احط الاشياء على سي دي واروح اطبعه بالمكتبة ب5ريال للورقة

قسما موضوعك يفطس ضحك
تحياتي لك

ياقلبو عليها بسم الله ماشاء الله

تكفون سددوه لاتقهرونها

آنسه سبهه

رهيب الموضوع بس لاحظت أغلبكم علمتو أنفسكم بأنفسكم ليه ؟
أتكلم عن الأساسيات .. كيف تفتحون البراوسر وتسوون إيميل وتسوون إتصال


يوووه ودي أسمع صوت الدايل آب .. تتوقعون نلقاه في النت مقطع صوتي ؟

بدايتي كانت وأنا بزر .. أبوي علمني الأٍساسيات بما إني بكره ولا إهنا أحدن أكبر مني غيره
والباقي الخرابيط حقت المنتديات والمسن والشات جلست أحوقها لين ظبطت أموري

على بدايتي ماكان عز قوقل .. كان عز الياهو
ومسوي لي أبوي إيميل ياهو ومرسمه ومعد أروح مع أمي لخالي من الموقه
أقول قولي لهم مشغوله على النت
وكنت كاتبته في ورقه هو والباس وموزيته في درج المكتب
مدري وش سنعه لإن محد كان يرسل لي إيميلات إلا أبوي والياهو
وكنت أدخل الشات حقه وكان كله إنجلش وكل اللي فيه مهوب عرب
أدخل أكتب gjkdfhsjkdskvhujsldnckvcnb وإنتر
وبس كل يوم أدخل أشخبط وإنتر

كبرت شوي وطلع رعودي ومكتوب وكازنوفا وعلاء الدين ونصب لوكيشن والإقلاع
همن طحت في الشات أدخل على أوقات الصلاة وأبثر العالم يلااااااااااه الصلاااااااااااة ياأهل الريااااااااااااااااض الصلااااااااااااااااااااااة
إيييه صح على طاري الشات تعرفون شات مايكروسوفت ولا أنا الدينصوره الوحيده هنا
المهم

كانت معنا خاله في المدرسه وكلنا عبيد لله
دايم تسولف عنه
ووناسه ووصاخه ويهبل <<<
عاد رحت لأبوي بكل سباهه وقلت يبه طلع لي شات مايكروسوفت ماعرفت له (مع إنها موصفتن لي مكانه)
قال من قالتس عنه
قلت فلانه .. بنت معي بالفصل
قال لاعد تحاتسينها
وتراه شئ مب زين ووصخ هو والبالتوك .. إذا سألك أحد عنهم قولي ماأعرفهم

همن طحت في شله ناقعين في شات الود ونقعت معهم وصرنا نستهبل على العالم ..
نعلب على البنات على أساس إننا عيال ونخققهم


إيييه دنيا