لاسباب كثيره منها :

_ سوء تربية الاهل لابنائهم وما يعلمونهم منذ الطفوله ان قلوبهم تكون لبعض

_ التفريق بين الابناء من قبل الاهل ( واتوقع هذا السبب الاكثر ، لما الاب او الام تحب واحد من عيالها اكثر من الثاني يبدا بينهم الغيره ويتحول لكره ويكبرون والكره والحسد يزيد )

_ و يمكن تكون عين سبب للتفريق بين الاخوان والاخوات

البنات اللي قالوا عن قصة هابيل وقابيل وان الشيطان هو السبب عجبني جدا كلامهم واحييهم عليه

بالنسبة لمسألة التفريق بين العيال انا مو ضد هذا الرأي بس المشكلة مو دايما يكون صحيح الوالدين يفرقون
بين عيالهم بس هو الشيطان يوسوس للإنسان انه ما يعاملونه زين واقل من اخوانه وبالنهاية يحقد على اخوانه
وتلاقي هالنوع حتى امه وابوه ما يرتاحون منه يعني بالأخير الشيطان تغلب عليه وهذا السبب اللي اتفقنا عليه

الحمدالله انا واخواني قلوبنا على بعض

مع اننا نتهاوش ونزعل الا ان الاحترام والمحبه هي اللي تغلبنا وسواء صغير ولا كبير اللي يغلط يعتذر واللي يحتاج نوقف معه

لكن اشوف المشاكل من اكبر خوات زوجي مع انها بعمري وعاقله وفاهمه الا انها تتصرف تصرفات تجرح زوجي بشكل فضيع

لدرجة ان زوجي احيان يداري دمعته لاتنزل بسببها

اذا زعلت على احد من اخوانها تقلب عليه وتكرهه عيشته وكل فتره ترضى على واحد وتزعل على الثاني بمزاجها

احسها مثل السوسه بس تجيب المشاكل ومهما عاملتيها بالاحسان مايبين معاها

ام زوجي علاقتي فيها الحمدالله كويسه نوعا ما , لكن من تدخل بنتها بيتها مايمر اسبوع الا وحنا بمشاكل ممكن توصل للطلاق

بمثل حالتها احس الحسد والغيره هي السبب , مع انها متزوجه ووضعها ماشاءالله

الا ان اغلب زعلها على فلوس وايجار وسفريات والحين زعلانه ليش انها تشوف ان هي احق بحلال زوجي مني وهو رافض هالمبدأ

استغفر الله العظيم واتوب اليه

حسبى الله زنعم الوكيل انا جده عيالى مفرقه بين عيالى وعمانهم بالكذب والله الحين لنا عشر سنوات وكل مره اشاعه اقو من اختها وكل مره اقول حرمه كبير وعجوز والناس يصدقونها صرنا بسببها منبوذين تتكلم بالشرف وما تخلينا بحالنا ومدرى وش اسوى حتى ان اطفالهم يتكلمون فينا والله تعبت تركناهم وشرهم ما تركنا عيالى يكرهون جدتهم وعمانهم وانا ما ودى عيالى يحقدون على احد يا اهل الخبره دلونى