ماعاد .. في أمان
السلام عليكم ورحمة الله وبركاته
كثيراً ما كُنت أتردد في كتابتي لموضوع فعلاً يحتاج لنقاش
جااد في هذا القسم والآن نحنُ في ساحةٍ بيضاء نحتاج لأرآء بعضنا البعض
وهذا يهُمني كثيرا ً بأن أستمع لأراء الآخرين
مثل ما أنتوا شايفين العنوان / ماعاد في أمان
ويمكن في اليوم نسمعها كثيير .. وليه قالوا هاذي الكلمه ماعاد في أمان ؟ ]
هاذي الجمله هي صلب موضوع النقاش الجاد
مع الأسف عصرنا هذا يختلف عن باقي العصور أحنا فعلا ً جيل
مُختلف لكن جيل ما ورث إلا المصايب والمشاكل في المجتمعات
مثال :-
لو تجلس / مع جدك , أو تجلسين مع جدتك تسولف / أو يسولف
عن زمان أول فعلاً تلتمس من كلامه / أو كلامها إنه كان عصر مُسالم
يعني البنت تلعب مع الولد في نفس الحاره والبيت جنب البيت لكن ما يعتبرها إلا مُجرد أخت / والبنت ما تعتبر ولد جيرانهم إلا أخ يحبها ويخاف عليها زي اخته اللي من لحمه ودمه , وإذا كانت البنت في سن ال17 مثلاً والولد في سن ال20 وفي علاقة حُب وموده ما يقول لها تعالي نتقابل في المكان الفلاني زينا اللحين يروؤح من باب الذوق ويتقدم لها على سنة الله ورسوله صحيح لما كانوا يتزوجون صغار في السن لكن عقوؤلهم أنضج منا بكثييير , فتسمع الجدة أو الجد يرددون هالعباره ويقولون
ياولدي / أو يابنتي زمنا غيييييير وزمنكم يخووف ماعاد فيه أمان
فعلاً مافيه أمان اللحين البنت إذا في السوق مع أمها وخواتها صارت تخاف تبتعد عن أهلها بسبب جرائم الإختطاف اللي نسمع عنها حتى في بيت الله مكه ما سلمنا أيضاً من الإختطاف .
الطفل صرنا نخاف نخليه يطلع يلعب عند الباب كم من طفل أُختطف
وراح ضحية الإعتداء الجنسي
كثرة السحره والمشعوذين والدجالين , والناس قامت تحقد على بعضها
يعني فلانه ما زوجتني لأخوها بروح أعمل لهم سحر يا أما يموت الرجال ولا يصير مجنون وإلى آخ ...... ماعاد في أمان
العماله الوافده وما أدراااك ما العماله الوافده هم عباره عن قنبله موقووته
شوفوا مصايب الشغالات كيف ؟ كم من شغاله سممت طفل وطفله
والله آخر مره شفت صوره لطفل الشغاله كانت تحط له سم في رضاعته
لين تغيير لونه والله منظر يدمي له القلب ما أقول إلا الله ينتقم منها دنيآ وآخره ويصبر والدينه .
زمنا بالمختصر وبالخط العريييض ماعاد فيه أمان
فعلاً هاذي من علامات الساعة ونهاية العالم
والله العالم طبعاً متى ينتهي الزمان وتنطوي الأرض كطي السجل
أتمنى أسمع آرائكم عن هذا الموضوع
ودمتوا بخير ورضى .. والله يجيرنا شر الزمن هذا .
غيييمه @ghyyymh
محررة برونزية
يلزم عليك تسجيل الدخول أولًا لكتابة تعليق.
غيمممه معك حق حنا بزمن الفتن الله يثبتنا على الحق والدين حنا بزمن القابض عبى دينه كالقابض عالجمررر الله يجيرنا واياكم وجمييييع المسلمينغيمممه معك حق حنا بزمن الفتن الله يثبتنا على الحق والدين حنا بزمن القابض عبى دينه كالقابض...
اي والله انك صادقه والله اني اقرا صحيفه سبق واشوف المصايب حتى الزنى الله لا يبلانا كثر وبقوه لاحول ولاقوه الا بالله هاذا زمن القابض على دينه كالقابض على الجمر اسال الله لنا الثبات على الايمان وان يبعد عنا فتن الدنيا ماظهر منها وما بطن
الصفحة الأخيرة
حنا بزمن الفتن الله يثبتنا على الحق والدين
حنا بزمن القابض عبى دينه كالقابض عالجمررر
الله يجيرنا واياكم وجمييييع المسلمين