هلا بأخواتي العزيزات بناااات حواء
الموضوع ... كان عندنا حفل بالمدرسه الاسبوع اللي راح
وانا بالعاده احب ارفع شعري عشان الحر وارتب بالذات ان شعري ناعم و تحت كتفي ماشاء الله
المهم قبل فتره قصيت شعري بس الغره>> القصه
وكنت مقتنعه بشكلي لأن القصه غيرت اللوك ماااره واعطت كثافه لشعري وصغرتني عشرطعشر سنه :42:
بس ما كنت استشور او الف شعري بالمدرسه يعني ما احد لاحظ التغير
ويوم الحفل طبعا غير استشورت ولفيت شعري وطلع شكلي مرتب الحمدلله وكلن يقولي متغيره ومحلوه والقصه مناسبتك ومن هالكلام
المهم عندنا وحده من المعلمات الله يصلحها يوم شافت المعلمات يمدحوني ويسألون عن اسم القصه واسم المشغل
وانا رااازه خشتي يمين ويسار واجاوب من قلبي
قالت زميلتي كان قصيتي شعرك وقصرتيه من ورا افضل
لأن شعرك خفيف :(
وضعيف :44:
ومحتاج عنايه واهتمام :09:
قالت وحده من المعلمات الله يسعدها بس القصه مناسبتها وشعرها طويل ماشاء الله
ردت اختنا في الله بس ناقصه الكثافه :mad:
وقالت انتي محتاجه انبولات وفيتامينات
ولازم تراجعين عياده ويطقون ابر براسك :confused:
وانا مبققه عيوني واستوعب وهي الله يسامحها نزلت علي بالنصايح بإسلوب جدا" قاسي
تركتها تتكلم براحتها ورسمت على شفتى ابتسامه واردد الحمدلله الحمدلله
ولسان حالي يقول يعلم الله اني من ثلاث سنوات وانا ازيت شعري واحنيه واهتم بصل ... ثوم ... حلبه ..سدر
وشعري في تساقط مستمر ولله الحمد
كنت باقول لها كشفت وقالت لي الدكتوره 3 احتمالات يا فقر دم
او خلل في الغده
او نفسيه
وحللت كل شي سليم الحمدلله
يعني النفسيه وفعلا" انا في هم وتفكير مايعلمه الا الله
خلاصة موضوعي
لآلآلآ تحرجون احد ولا تجرحووون احد بالكلام وانتِ ماتدرين عن ظروف الناااس
ما اقول جاملوا بس اذا ماعجبك شي ما انتِ ملزومه تمدحين او تذمين
اذا كنتِ فعلا" ناصحه انصحي بس بدون تجريح وبدون فلسفه وبينك وبين اللي تقدمين لها النصيحه
اعذروني كثرت حكي
ودعواتكم الطيبه بزوال همي
وان الله يمن علي براحة البال والشفاء
ولكم مني كل الود والتقدير :26:
اضفت هالصور للتوضيح... تقريبا" تشبه قصتي من الامام بس انا فيها تدرجات اكثر p
واشكر كل من قرأت الموضوع ودعت لي لو ماردت
تطيبون الخاطر يابنات حوووواء الحبوبااات :42:
استغفر الله العظيم واتوب اليه