🤒. زميلتي الغريبة جدا 🤒

بسم الله الرحمن الرحيم

ودي تحللون وتنصحوني. لاني احس قلبي يوجعني جدا ... نبذه عني.. انا يقولون عني الاعدا قبل الاحباب والحمدلله اني طيبة جدا وفيني براءه وماعندي فهم بالناس كثير.. مريت بصعربات كثيره والحمدلله ومشاكل ودنيا والحمدلله والشكر.. عندي اكتئاب شديد جدا. وعدم تركيز جاني نقل لمدرسه جديدة
ولقيت زميلتي بالتخصص اول ماشفتها حسيت بقبضه بصدري وانها مو سهله بس انا ماعندي ثقه بنفسي عشان حتى أصدق احساسي بعد شويات عرفت ان والدينها متوفين الله يرحمهم ولقيت عندها مشاكل مع المديره وتبكي وكان شكلها ينرحم وكانت معتزله الجميع تقريبا كلمتها كم مره هديتها وانه المشاكل بإذن الله تعالى بتنحل البنت ساعدتني بأوراق المنهج ونظام المدرسه مع المنهج.. وراحت ندب وصرنا نتراسل واتس ورسايل شوق وحب واللي بيأخذ أخبارها يسألني رجعت السنه هذي وانا ماصدقت نلتقي.. ومدري وين احطها فيه انت حب انت رحمه كل شي اكتشفت ان البنت تعبانه جدا بحياتها وأنهم وحيدين وفيهم إصابات روحيه. انهبلت بساعدها وقلبي متقطع واندفعت بقوه.. ع اساس انها وحيده ومسؤوله.. صرت اعلمها بمشاكلي عشان تعرف قيمه نعم وفي نفس الوقت عشان تعرف انه مو لحالها تعاني... خاصه ان الباقيات أشكالهم جدا سعيده ما شاء الله.. لما دريت انه فيه إصابات روحيه... دريت من زميلتنا الثالثه ودرت هي اني دريت واحسه انصدمت.. علمتني معلومات عامه وركضت اساعدها بالاقتراحات والحلول.. لما دريت عن خواتها وتعبهن بالبيت ووحدتهن.. ابتلشت عزمتهن بالحديقة عشان اطلع اختها من جوها الوحيد الحزين (مع اني ماالتقي بأحد ولا اروح مناسبات ولا اجتماعيه ) بس كني مسؤوله عنهم.. واحاول بالجلسه ادلع اختها ويوم جابت طاري النادي ارسلت لها قيمه اشتراكه مع اختها من بكره.. واضفتها واتس مع انه كله ع قلبي بس من باب انهن يتيمات ولا لهن قرابه ومريضات.. وبينهن مشاكل بين بعضهن عجيبه عجيبه.. وقلت لزميلتي خوذي المناهج اللي تبين وعطيني اللي ماتبين. والمنازل خليهم على لأنهم بلشه.. واحاول مااخليها تدفع شي ابد لا شوكولاتات ولا شي اعيي بقوه لان ظروفهم مو مره
حاولت امدحها وامدح شكلها بقوه واعطيها ثقه بنفسها ولمحت لزميلتنا الثالثه انه تمدحها لعلها تبدأ تكشخ وتهتم بنفسه. وفعلا حسيت بدت تتغير واقول لها اني معجبه به وياليت شكلي مثلها وووو.. واي شي تبيه اقولها خوذيه. اي شي يسعدها احاول اسويه لدرجه قلت لها ناديني يمه.. وواناديها بنيتي احيانا.. مع انها أكبر مني!
كلامي معها عسسل وكل شوي اقولها احبك بابتسامه ودف! وهي علمتني انها تسأل نفسها ليش انا معها كذا.. وارد عليها انه حبها مصبوب بقلبي واني كأني مسخره والله اعلم
انا عكسها انه لي شعبيه جدا في المدرسه ما شاء الله بعكسها ويحبوني ومشهور جدا بينهم ويشبهوني بأحسن التشبيهات والجميع يتمناني والحمدلله كشخة وشاطره جدا بتخصصي ما شاء الله
صدماتي ومتاعبي معها اللي متفاجئة بها:-
١.. جلافتها معي وقله الاحترام لي ومخاوله الرد على حتى أمام المعلمات واهانتي


٢.. لما قلت خل نطلع الحديقه عشان اختك.. رفعت اصبعها وتهزه كأنها تهاوش. وتقولي شروط! زي.. لا تسألين عن شي ولا ولا ولا.... وتمليها على بهواش وتهديد بدال ماتقول شكرا!
٣.. لما رجعنا بعد فتره صار حادث لوحده من خواتها.. وبينهم وبين اختها اللي ب الحديقه مشاكل ومقاطعه.. رحت وكتبت لها بالواتس وكانت تكلمني فيه انه روحي زوري اختك بالمستشفى ترى المرض احسن فرصه للحب.. مادريت الا حذفتني من الواتس والسناب.. سألت اختها بعدين لقيتها توها تدري ويوم قلت لها ليش قالت لي بكل جلافه ( معليش مالك دخل) ! يعني ليش أتدخل فيهم اصلا... طيب اختاري جمله احسن... ثم طلعت ورجعت أدخلت لانه خافت ادعي.. َصارت تقولي انه لا تدعين ع اختي
٤. تحاول تهينني بالكلام وترفع صوتها.. وتقلب الاشيا لاهانات.. وتحاول تكون جلفه وتقول انه هذا الحب عندها وانه تحب تحارشني.. كلمات توجع... مثل غصب عليك و وش دخلك لو اسألها سؤال عادي يدي ع قلبي من المهانه لو بالصوت
٥.. ماتبي اقولها ولا شي ولا ارفع صوتي وتطير عيونه وتنعفس. ٦. يوم سالتها وش اسم اختها اللي صارر لها الحادث وهي تتكلم عن حادثها رفضت تقوله.. وانا تدري عن اهلي
٧.. نظرتها لي فيها سووواد يعني مره تقولي انه انا احب اعرف معاناه الناس عشان اقول لنفسي مو انا لحالي اللي اعاني.! يعني مو لاني طيبه ولا لاني حبيتهم ولا لان فيني خير..!
٨.. ونظرها لي وشخصيتي فيها سوء واهانه كثير لدرجه اني احس نفسي جحا وتهينني كثير لدرجه قلبي صار اسود تجاهها
٩.. قليل تمدحني جدا جدا... اكثره تعليقات او هوشه او رد وقح
١٠.. قبل كم يوم غابت صديقتنا الثالثه وشغلها جلس وهي قد عزمتنا ببيتها وتكلفت بالحيل.. فقمت اشتغل شغلها كرد جميل وفيه نشاط انا ي المعلمات يقومون فيه الطالبات حنا بس نشرف. فجوني وانا اشتغل بنشاط خويتنا وعلمتهم وش يسوون وعطيتهم طاولات... وكنت مريضه جدا أخذه ٤ مسكنات.. مادري وش ابدي.. قلت لهم قالو للاستاذه.... تجي عليكم (بس تشوف الطاولات جابوها او لا) مادريت الا جايه لمى وطلعتني وتقولي ان وراها تصحيح ومو ملزومه بالنشاط! قلت لها وانا اللي ملزمتك! هذي تكليف من المديره ومسؤوله النشاط! قولي لهم هم.. وتطير عيونها عشان بس رديت.. متعوده اني ضعيفه.. وتجلس طايره عيونه كان أحد صاب عليه مويه بارده!
١١.. مره وحنا راجعين بالنقل نناظر البيوت وشلون جميله قالت إنه يعني كلهم ديون وأولهم انا (يعمرن اللي توظفن منهن برواتبهن عماره وواقفه عظم ماكملوها).. قلت انتي عليك ديون! (من باب الرحمه وكرد بديهي) قالت وهي حاطه عينه بعيني وكل قسوه (مالك دخل! )
١٢.. احيانا ترفع صوتها على حتى بالنقل والرجل سعودي ويسمع وااشر لها انه تكفين لا يسمع ١٣... اذا قال احد بدعي تنهببببببل هبله ماتبي طاري دعا واذا قالت رأي ممنوع احد يخالفه وترد انه هذي شخصيتي وماسمح لاحد يتحكم بها.. واذا تكلمت تطنز بكلامي وتخالفه
مره يوم بمحنتها مع المديره كنت اكلمها واهديها واعلمها تدعي. وعلمتني بعدين انه ماحد كلمها غيري وانه ماحد شال عمها غيري لدرجه انها استغربت مني.. ولكن تعاملها معي سيء
١٣.. لو اسولف معه اي شي مثلا فنانه ترررفع صوتها وتتكلم بحده انه لا تتكلمين عندي وتكلمي مع غيري ووو بتهوش وتهديد (طيب قولي بهدو وأدب مثلي ) .. كثر مانا رافعه راسها بين الناس بدلالي وحبي واني فضلتها ع كل اللي يبوني. كثر ماهي تهينني وحتى مره قالت كلام أوجعني... إن حبي لها ولزميلتنا الثالثه لانه يمكن زي ماتقولون ماعندي احد بالبيت ابادله الحب أو زي ماتقولون تفريغ عاطفي! بعكس زميلتنا الثالثه تشوف ان ربي سبحانه خلانا بطريق بعض وجعل المحبه بيننا والتوافق ووو
يعني احس اني كرهت هالانسانه كره وتاذيت منها أذى. وكل شوي يدي ع قلبي لا تغلط على.. حتى بالنقل اذا ركبت جزماتها امسكها بيدي واحطها بالمكان اللي ورا..
هل اتغير معها هل اهاوش معها واطلع حرتي... هل اقدم نقل حتى لو المدرسه جميله جدا وحسافه.. هل الغلط كله مني انا؟. صار اكتئابي شديد شديد
دايم اقولهم انا اجيب انتن لا تجيبن.. ولا ابي منكن هدايا او خدمه انا اعطيكن. واذا غابت الثالثه اقوم بشغلها قد ماقدر والثالثه حبيبه جدا جدا وتحبني واحبها وهي ام عيال وحول عمرنا وطيبه جدآ وفيها دين ما شاء الله