**زميلتي بالعمل وموقفها وموقفي**

السلام عليكم ورحمة الله وبركاته

بداية أتمنى للجميع الصحه والعافيه ويكون الكل بخير ومشاكلهم محلوله بإذن الله


موضوعي مو مشكله موضوعي سؤال محيرني وأبي له إجابه


اليوم المناوبه كانت على زميله لي في العمل متزوجه طبعاً أنا غير متزوجه:)
المهم طلعوا الطالبات والمعلمات كلهم كذلك مابقى إلا أنا ووحده ثانيه وهذي المعلمه
كانت كل شوي تسألني عاليه متى بتروحين؟!!
أقول لها مدري أخوي للحين ما جا
وترجع مره ثانيه تسأل وكانت مرتبكه مدري ليه ؟!!!:09:
حتى زميلتنا الثانيه حست بالموضوع
بس مااهتمينا قلت يمكن مستعجله علشان ترجع لبيتها بس هي زوجها مابعد جا علشان ترتبك وتتوتر:(


المهم دق جوالها وطلع زوجها وسمعتها قالت اوكيه انتظر لسا باقي معلمتين وقفلت منه
وصارت تناظرني المهم قلت لها أنا وزميلتي أوكيه لاتخافين علينا المهم الطالبات راحوا لاتشيلين همنا
قالت ماقدر وكانت مره طفشانه
على طول بعدها جا زوج زميلتي اللي معي وطلعت بعدها جا أخوي ولبست عبايتي وأطلع ورجعت مره
ثانيه لإني نسيت كيستي
المهم وأنا راجعه إلا وهي تكلم وهذا اللي سمعته منها والله يشهد ماكان قصدي اسمع لإن صوتها كان عالي


قالت له إرجع بالسياره ورى فيه بنت طالعه مابيها تشوفك ياويلك لو شافتك بزعل منك وولا راح يصير خير ترى وصوتها كان جاد وواضح إنها متوتره




بنات أنا مقهوره ليه تقول كذا مع العلم أنا الحمد ملتزمه بحجابي ولله الحمد ومافيه شي يطلع مني وعيني مو طويله من دون مدح هذا كلام الناس


ليه قالت كذا والله اني رجعت البيت أبكي وأخوي يقول وش فيك عجزت ارد عليه
وش اقوله
زميلاتي خايفين على أزواجهم مني؟!!!!!!!!!!!!!!!!!!!!!!!!!!!!!!!!!!!!:(


أنا عمري ماضريت أحد ولا سببت مشاكل لأحد مدري ليه الناس يضايقوني على أي شي ويحبون يجرحوني؟!!!


أنا موضوع الزواج متجاوزته وعايشه حياتي بالطول والعرض يعني ماتوقفت حياتي عنده متى مالله رزقني الحمدلله على قضاءه وقدره وأبي انسى هالموضوع بس الناس دايم يذكروني فيه بمواقفهم واسلوبهم....






وش رايكم.....؟!!!!!!!