زميلتي وايد شايفه نفسها علي وبعد سحبت صديقتها وصديقتي

السلام عليكم بنات
انا طبعي مدري ليش ما احب البنات المغرورات والشايفات نفسهن والمتفشخرات وايد، ما اتقرب منهم لاني ما احب تصرفاتهم وهم بعد لما يشوفني يزيدو في التفشخير جدامي والله مدري ليش مع اني فحالي وصديقاتي من النوع الهادي. في بعضهم يقولو لي لازم انا ابادر واسلم على هالنوعيه عشان اكون الأحسن ولكن مهما كنت طيبه معاهم واعاملهم بالزين وبعد يتفشخرن ويشرفني نفسهن علي بالرغم من اني الحمدلله شكلي احسن من شكلهن استغفر الله.
قصتي عندي زميلتي من بدايه عملي وهي تشوف نفسها علي وتكلمني من خشمها، وانا صابره وامشيها وابتسم واسلم بالرغم من اني محب هذي النوعيه لكن امشيها بصفتها زميلتي وبعد البنات الي معاها يحبوها لجرإتها الزايده ولسانها.
هذي لما تشوفني ع طول لما تمشي تدز مقدمتها ومؤخرتها وتمشي بتكبر قدامي بالرغم من انها قبيحه وانا اجمل منها. وايضا قدام الناس كذي تسوي تمشي بتكبر لكن معاي انا تكلمني من خشمها، والله صرت ما احبها اكثر.. من هذي الحركات البايخه ..
وسحبت صديقتها بريئه جداً وطيوبه وصارت مثلها وسحبت بعد صديقتي الهاديه صارت مثلها في بعض الصفات والحين هم الثلاث صارو اصحاب وبينهم أسرار وانا كني غريبه مع انا كلنا زملاء بنفس القسم. والله مدري يابنات كيف بستحمل هذي الأشكال بالدوام.
وعلى فكرة صارت اطباعهم نفس الشي من ناحيه الفتنه وصديقتي تاخذ إخباري وشو سويت ووين سافرت وتخبرهم، انا ما كنت متوقعه صديقتي بتغير وبتاخذ اخباري لهم، وايضا تجلس تسألني اساله عشان توصل المعلومات واسراري لهن.
وخاصه عن طلعات في الاجازه لما اقولها ان ريلي مايقدر نطلع هي تفرح والي معاها يفرحن وتقول انا زوجي يأخذني للمكان الفلاني ونسافر ويجلسن يضحكن.
الله يعيني علئ هالاشكال😞
وبعد ما اقدر اطلب نقل قسم اخر لان هذا القسم مرتاحه فيه من ناحيه العمل.