زميلتي و جارهم ،، أدخلو ربي يسعدكم/ استوفى

بسم الله الرحمن الرحيم 

السلام عليكم ورحمة الله وبركاته 


أخواتي 

أنا في حيره ماني عارفه كيف أتصرف أو كيف أساعد

 أحد زميلاتي متزوجه وعندها طفلين هي

متدينه ماشاء الله و كمان زوجها متدين الله يستر عليهم  

  

 أشتكت لي مشكلتها و أستأذنتها أنزلها لكم لأني أحترت

فيها والله و بشوف رأيكم فيها 


زميلتي من أول ما تزوجت كانت تطلع بحوش بيتها عادي 

بملابس النوم و ملابس البيت ما أحد يقدر يشوفها 

إلا جيرانها اللي ساكنين فوقها 

طبعاً جيرانها رجل و زوجته وولدين بس و الخزان 

حق البيت كله في بيت زميلتي وإذا بغو الجيران يغسلون 

حوشهم يكلمون زميلتي و تطلع تفتحه لهم 

طبعاً صار يجيها مكالمات مره تزعجها على جوالها وعلى البيت

و إذا ردت يطلع لها رجل يقولها تكفين لا تسكرين أسمعي بس 

إيش بقول لك لكن هي تخاف و تسكر بسرعه 

و صار أبو الجيران يدق عليها يقولها أفتحي المويه أم فلان

بتغسل الحوش 

و زميلتي على نياتها تطلع تفتحه ولا خلصو تسكره 

و صارت زميلتي تشك بجارهم من تصرفاته المريبه 

لما تطلع من البيت يقعد يطالع فيها و يأكلها أكل بعيونه 

و صار يتقصد يطلع لسيارته لما تطلع من بيتها 

وكمان نفس الصوت اللي يكلم و يزعجهم 

و قبل شهر كلم وقال لها أفتحي المويه طلعت تفتحها و سمعت 

الشباك يفتح دخلت و كلمت جارتها قالت لها فتح الماء قالت 

أي ماء أنا مو بالبيت من قالك أفتحيه قالت زوجك قال لي

تقول زميلتي بذيك الليل أسمعهم يتهاوشون هي وزوجها 

و تقوله أدري أنك تكلمها 


زميلتي تأكدت أنه الجار يطالعها من الشباك و هو اللي يكلمها 

و زميلتي أصرت على زوجها يصلحون المويه وفعلاً 

صلحوها و أصرت تغير تلفوناتها الجوال  و البيت و غيرها 

زوجها و أنقطع الأزعاج اللي على التلفونات ماعاد الرجل يدق

لأنه مو بحاجه للمويه خلاص 

حاول يحصل على التلفونات بحجه لزوجته لكن زميلتي محرصه 

زوجها ما يعطيها إياه من دون ما تخبره بفعايل بالجار 

الأن الجار طلب من زوج زميلتي يفتحون الباب اللي بينهم 

بوسط البيت على الصالون علشان أطفاله و أطفال زميلتي

 يصيرون ببيت واحد يلعبون و ينبسطون 

هي الأن خلاص تأكدت من نوايا الجار أنها مي خير 

و قالت لزوجها يا أنا يا الباب اللي ينفتح 

زوج زميلتي الأن صرف الجار و قال له ما راح نفتح الباب 

بس زميلتي جداً خايفه منه و من اللي ناوي عليه 



أمس شافت فيه رؤيا و فسرناها عند مفسر و المفسر 

رفض يفسر الرؤيا وقال ضروري تطلعون من البيت

وحافظي على أذكارك و أورادك  




بالله عليكم يا أخوات إيش الحل كيف نتصرف 

هل ترون مناسب تقول لزوجها 



لا تقول شك فقط يا أخوات الجار فعلاً تصرفاته مريبه 

أخوان البنت و أبوها و أمها كذا مره يوصلونها لبيتها 

و تلفت أنتباههم تصرفات الجار اللي معسكر عند الباب 

و يأكلها بعيونه

و أنا رحت بيتها كثير مستحيل أدخل أو أطلع ما أحصله

معسكر عند بابه يطالع الداخل و الطالع 

تعرفون اللي فيه بلا يبان عليه من تصرفاته 





الله يستر علينا وعليها و الله معاد في الدنيا أمان