زميله زوجي في الشغل

السلام عليكم انا عضو جديد واول مره اخش موقع زي ده انا عندي مشكله وحابه تفيدوني وتنصحوني ، انا عمري ٢٠ سنه ومتجوزه بقالي ٦ شهور ، زوجي بيحبني جدا واحنا اتجوزنا ع حب حياتنا والله مش ناقصها حاجه الحمدلله مابيخلينيش انا زعلانه ولا يرفضلي طلب احنا عايشين في المانيا
ففي مكان شغله واحده بنت عندها ١٩ سنه بتشتغل معاه هي المانيه فاول مره قبل مانتجوز كانت على طول حوليه وهو يحكيلي عليها ويقلي هي مش طبيعيه وشكلها زي الرجال وكمان كل ما يعوز حاجه تقله انا هساعدك على اساس هو جديد في المدينه وفي الشغل ومديره يقله انا هساعدك فى الحاجات اللى انت عاوزاها تيجي هي تقول لا انا هساعده هو يخجل يقلها لا قدام الناس ويحرجها وهو في طبعه مابيتكلمش مع الناس هو قليل الكلام
هي الوحيده البنت اللى بتشتغل هناك كلهم رجاله وكل يوم مع داه وداه وانا اتعصبت وقلت هي مهتميه بيك كده ليه هو قالي انا مش عارفه وبيردش على كلامها ويرد على الحجات اللى تخص الشغل وبس هي ضافته من ع الفيس بوك والانستجرام والاسناب وبتكلمو وبتبعتلو حاجات ملهاش علاقه بالشغل تصور صحباتها البنات ابوها اخوها اوضتها كل حاجه وهو ولا يرد واشوف انا ولا اكلمها حسيت انو مش فارق معاها يرد ولا لا وانا كبرت رأسي الاول وفي يوم عيد ميلاده السنه اللى فاتت جابت تورتايه امها اللى عملاها وجابت واحد زميلهم فاجاهم وهو في البيت وجابوا هديه ، وساعتها مكناش متجوزين كنا لسه مخطوبين هو حكالي على كل حاجه قالي انا مش حاببها ولا مديالها وش بس هي اللى مصره تحرج نفسها انا اتخانقت معاه قلتله اتصرف انا مليش دعوه فعلا حظرها من على الانستغرام والفيسبوك والاسناب ، وانا هديت نفسي قلت ديه مجنونه ولا حاجه تاني يوم وهو في الشغل قالتله ليه حظرتني قالها خظيبتي مابتحبش اضيف نسوان وكده علشان كده حظرتك قالتله ماشي يومين زعلت ولا كانو في حاجه حصلت نسيت اللى عمل معاها ،قلنا ممكن ديه اجنبيه ومش مسلمه وكمان فضوليه وبتحب تصاحب الناس وانا في احساس كده يقلي البت ديه وراها حاجه
الحمدلله اتجوزنا وماعزمنهاس ولا قلنالها حتى يعنى وحده غريبه وكمان مابحبهاش قلت اعزمها ليه
هي سمعت كلمته قالتله انا وفلان حابين نعزمكم علشان نحتفل معاكم بمناسبه جوازكم انا قلت لا ورفضت وزوجي قالي شوفي نيتها صافيه وحابه تعزمنا قلت ماشي رغم اني مش مستريحالها
رحنا وزوجي وراها قد ايه بنحب بعض وحكينالهم قصه حبنا والسهره كانت عاديه اول لما رجعنا البيت واحنا بنودعها حضنتني وحاولت تحضن زوجي انا اتخضيت هو كمان جينا البيت انا ماعرفتش اعمل ايه قالي ديه اجنبيه وملهاش دين يعنى والله المشهد داه مابيفارغش خيالي وهو اتعصب قال قليله التربايه تبجي وتحضني ازاي هي جرئه والله هي حضنتني الاول وبعدبن بدل ما تقله سلام راحت حضنته هو رجع خضوتين لورا وبعدين هي حست وقالت مع سلامه هو حلف وبكى وقالي من اول الحكايه انتي عارفه هي كده مع كل الرجاله اللى بيشتغلو معايه اعملها ايه غير اني اهرب واتجاهلها دالعادي بتاع الالمان
يوم كنا راكبين مع بعض القطار كانو مروحين من الشغل وانا كمان اتقابلنا في القطار زوجي قالي تعالي احنا قاعدين مكان كده وكده معاهم واحد تالت زميلهم انا قعدت وببصلها كده هي بتلعب مع الولد التاني وهو ساكت هي بتضحك وبطلع لسانها لبره والولد يا عيني مكسوف وزوجي لا يحكي ولا يبصلها قاعد معايه بيضحك ويحكيلي عن يومه وهما مش فاهمين لغتنا هما الاتنين المانيين لما جينا في محطتنا قلتله يلا يا حبيبي قالت ورايه (يلا) قالت انا بعرف من العربي الكلمه دي وبس قلتلها اعلمك لو تحبي ضحكت ونزلنا وصوتها اول لما تقول حاجه ولا تضحك تقول راجل وبتمشي زي الرجاله قلت سبحان من خلقك ,اول امبارح انا مسحت كل مسجاتها من عندو اللى على واتساب قلت مش عايزه اشوف اللى كتبته زمان لانه زمان كل يوم تبعت حاجه تافه عايزه يكلمها وخلاص وبعدين مسحت قلت افتح صفحه جديده علشان انا الغيره كلتني بس عايشه مع زوجي والله عيشه الحمدلله بيحبني ويقولي اعملي اللى يرضيكي قلت ماشي اغير نمض حياتي وابطل اركز معاها ديه مخلوقه كده


انا امبارح قلت اشوف موبايل زوجي عادي يعني شوفت هي اخر شخص كلمها ومسح كل المسج قلتله اداه ياحبيبي انت كلمتها ومسحت الكلام هو قال لا وانكر مايعرف يكذب وعيونه فضحاه يقلي انا هفسرلك بس اسمعي قلت ايه بتكلمها من ورايه وبتمسح وتخبي ليه كده قالي انتي مسحت الكلام وقلت هنفتح صفحه جديده هي بعتتلي بتسالني عن الشغل وكانت مسافره وانتي عارفه طبيعتها بتبهت ايموشن الضحك مع كل جمله وانا قلت لو شافت وهي بتضحك كده هتزعل منك وانا استحييت اقلها ماتضحكيش اتكلمي واسالي اللى انتي عاوزاه وسلام
والله خوفا من زعلك مسحته بس فيني اجيبها قدامك وتسالي لو في بيننا حاجه انا زعلت وحسيت انو بيخفي عني حاجه حلف باليمين انو مافيش حاجه قلت ماشي ماتعملش كده تاني قالي ماقدرش على زعلك اتصالحنا ورااح الشغل وهو بيشتغل بعتلها صوره من مكان الشغل وقالها داه شغلك اللى هتعمليه بكرى علشان كانت النهاره غايبه وكعادتها كل جمله عاديه بتبعت وراها 😂 الايموشن داه هو بعتلها مره بس الكلام عادي اللى يخص الشغل
١: سألت نفسي هل كان من اللازم ان يرسل لها الصوره ويكلمها هو ما هي كانت كده كده هتيجي بكره وهتشوف شغلها !
٢: وهل انا بزودها وعندي شك وغيره وانا اللى مش ضايقاها ولا من حقي اغير واشك ؟
٣: وهل البنت ديه ناويه على حاجه وزوجي مش حاسس لانه انا مش شاكه من حبه ليا بس مش مظمنالها هيا !


بقالي سنه ونص على هاد الحال عايشه على قلق وهو بيطمني وياكدلي انها كده مع كل الناس وهو اساسا مابيحبها علشان كتيره الكلام وشايفه حالها مع الناس وبتتكلم وراء زملائها وتحس نفسها احسن واحده بتشتغل هناك بس هو كمان سنتين ويخلص شغله داه وبعدها كل واحد هيروح لحاله
معليش يا بنات انا طولت عليكم بس هو داه كل الكلام انتو شوفو وانصحوني وهل اقلها تبعد عن زوجي ولا انا غلظانه والشيطان هو اللى بيلعب في دماغي ومعنديش خبره في الجواز من اصله علشان اعرف اللى صح واللى غلظ
رأيكم مهم جدا والله و شكرا


السلام عليكم