زميله زوجي في العمل !!

السلام عليكم .. الموضوع بدون مقدمات ان زوجي يشتغل في مكان مختلط لاكن النساء في قسم والرجال في قسم بس لابد من المواجهات بينهم للشغل .. هالشي انا عارفته من البدايه وماعندي مشكله طالما واثقه في زوجي
بس امس خذيت جوال زوجي ابي اشوف صور مرسلها اخوي عالواتس اب وقالي شوفيها , بعد ماخلصت لفت انتباهي رقم جوال مو مسجل مرسل رساله فتحته وقريت الكلام طلعت وحده عنده بالدوام مرسله له انها ارسلت له فلوس الجمعيه وكاتبه اسمها تحت .. طبعا مشتركه مع زوجي واصحابه بجمعيه .. واما الرسائل الثانيه فكانت مثل الاولى مالها علاقه في الشغل هي الي فهمته تبيع اغراض معينه وزوجي شاري منها كذا غرض طبعا بعد هالرساله عرفت انه شاريها منها قبل قايلي من زميلي .. المهم توريه صور لبعض الاغراض وتقوله الغرض الي تبغاه ارسلي صورته .. طبعا كل هذا مثل منتم شايفين خارج اطار الشغل الي يجمعهم ولو كان الموضوع عن الشغل تشوفه بالدوام وتقوله وانتهينا .. ولمن صارحت زوجي قال هذا كله بالشغل عادي .. وقلتله هي كيف جابت رقمك انت معطيها قال لا وحلف مايدري قال يمكن خذته من السنترال الي بالدوام .. قلت ليش.. كل هذا علشان بس تبلغك ان الجمعيه وصلت طيب انت راح تشوفها كذا والا كذا وراح تعرف من دون رساله منها يعني ماني شايفه سبب مقنع يخليها تتجراء وتاخذ رقمه وتراسله ؟؟
طبعا زوجي قالي اني كبرت السالفه والسالفه تافهه ماتستاهل ..
وانا سكتت ماسويت مشاكل ولاشي بس انقهرت من حركتها .. وش رايكم بتصرفها وهل معي حق يوم انقهرت لان زوجي زعل مني وابي اعرف هل انا فعلا مكبره الموضوع .. والبنت بغيت اسجل رقمها وارسلها بس تراجعت ومسحت الرقم ..